ນາຍົກລັດຖະມົນຕີ ເຂົ້າຮ່ວມບັນດາກິດຈະກຳ ທີ່ກອງປະຊຸມສຸດຍອດສະເຫຼີມສະຫຼອງອາຊຽນ ສ.ເກົາຫລີ

ນາຍົກລັດຖະມົນຕີ ເຂົ້າຮ່ວມບັນດາກິດຈະກຳ ທີ່ກອງປະຊຸມສຸດຍອດສະເຫຼີມສະຫຼອງອາຊຽນ ສ.ເກົາຫລີ

25th November 2019 0 By Admin

ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງສປປລາວ ເຂົ້າຮ່ວມບັນດາກິດຈະກຳ ຕ່າງໆ ໃນໂອກາດເຂົ້າຮ່ວມກອງປະຊຸມສຸດຍອດສະເຫຼີມສະຫຼອງອາຊຽນ-ສ.ເກົາຫລີ, ທີ່ ປູຊານ, ສ.ເກົາຫລີ

ໃນວັນທີ 24 ພະຈິກ 2019, ທີ່ ປູຊານ, ສ. ເກົາຫລີ, ໃນໂອກາດເຂົ້າຮ່ວມກອງປະຊຸມສຸດຍອດ ອາຊຽນ-ສ.ເກົາຫລີ ເພື່ອສະເຫຼີມສະເຫຼີມສາຍພົວພັນ ອາຊຽນ-ສ.ເກົາຫລີ ຄົບຮອບ 30 ປີ, ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ, ພ້ອມດ້ວຍຄະນະ ໄດ້ເຂົ້າຮ່ວມພິທີວາງສີລາລືກໂຄງການເມືອງອັດສະລິຍະປູຊານ ຊຶ່ງເປັນໜຶ່ງໃນໂຄງການທົດລອງລະດັບຊາດຕົວເມືອງອັດສະລິຍະຂອງ ສ. ເກົາຫລີ ແນ່ໃສ່ສ້າງຕົວເມືອງທັນສະໄໝ ແລະ ເປັນມິດກັບສິ່ງແວດລ້ອມ.

ເຂົ້າຮ່ວມພິທີວາງສີລາລືກຄັ້ງນີ້ຍັງມີ ປະທານາທິບໍດີ ສ. ເກົາຫລີ ແລະ ນາຍົກລັດຖະມົນຕີ ແຫ່ງ ສສ. ຫວຽດນາມ ແລະ ໄທ.

ໃນຕອນເຊົ້າຂອງວັນທີ 25 ພະຈິກ 2019, ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີ, ໄດ້ນຳພາຄະນະຜູ້ແທນລາວ ເຂົ້າຮ່ວມພິທີເປີດກອງປະຊຸມສຸດຍອດຜູ້ບໍລິຫານພາກທຸລະກິດ ອາຊຽນ-ສ.ເກົາຫລີ ພາຍໃຕ້ຫົວຂໍ້ “ການຮ່ວມມື ແລະ ໜ້າວຽກໃນການບັນລຸຄວາມສົມບູນພູນສຸກຮ່ວມກັນ” ຊຶ່ງໃນກອງປະຊຸມນີ້, ບັນດານັກທຸລະກິດຂອງ ອາຊຽນ-ສ.ເກົາຫລີ ໄດ້ປຶກສາຫາລື ແລະ ແລກປ່ຽນຄຳຄິດຄຳເຫັນ ແນ່ໃສ່ຜັນຂະຫຍາຍສັນຍາເຂດການຄ້າເສລີ ອາຊຽນ-ສ.ເກົາຫລີ

https://scontent.fvte1-1.fna.fbcdn.net/v/t1.0-9/78565793_546090349273568_9160738765000409088_n.jpg?_nc_cat=102&_nc_ohc=-xdc8lECWeQAQnSh3dphdXOhsDJFN4msg9DzIEmnU5Gqet2hic39avO_Q&_nc_ht=scontent.fvte1-1.fna&oh=61e280d3c3b9e6f454480b728cf2db04&oe=5E8BF2D5

ເພື່ອປະກອບສ່ວນເຂົ້າໃນການເພີ່ມທະວີການຄ້າ, ການລົງທຶນ ແລະ ທ່ອງທ່ຽວ ອາຊຽນ-ສ. ເກົາຫລີ ໃຫ້ນັບມື້ນັບເພີ່ມຂຶ້ນໃນທ່າມກາງທີ່ສະພາບເສດຖະກິດໂລກຖົດຖອຍ ອັນເນື່ອງມາຈາກລັດທິປົກປ້ອງພາຍໃນ ແລະ ສົງຄາມການຄ້າໃນປະຈຸບັນ. ຫຼັງຈາກນັ້ນ, ພະນະທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ສືບຕໍ່ເຂົ້າຮ່ວມກອງປະຊຸມສຸດຍອດນະວັດຕະກຳທາງດ້ານວັດທະນະທຳ ອາຊຽນ-ສ.ເກົາຫລີ ທີ່ແນໃສ່ປຶກສາຫາລື ກ່ຽວກັບ ການສ້າງຄວາມສົມບູນພູນສຸກຮ່ວມກັນ ໃນຂະ ແໜງວັດທະນະທໍາ-ສັງຄົມ ລະຫວ່າງ ອາຊຽນ, ສ. ເກົາຫລີ ເປັນຕົ້ນ: ຂະແໜງສິລະປະ, ບັນເທິງ, ຮູບເງົາ ແລະ ອື່ນໆ.

ຂ່າວ;ພາບ: ກົມຂ່າວ ກະຊວງການຕ່າງປະເທດ