ວິທີເຮັດເຂົ້າໜົມໂອໂລ້ ເຄີຍແຕ່ຊື້ມາລອງເຮັດກິນເອງເບິ່ງກະບໍ່ຍາກປານໃດ

18th July 2020 0 By Admin

ມື້ນີ້ພາມາລອງ ແລະ ເຮັດເຂົ້າໜົມໂອໂລ້ຕາຄວາຍ ຫຼື ເຂົ້າໜົມງາທອດ ທີ່ຮູ້ຂັ້ນຕອນ,ວີທີແລ້ວ ສາມາດນໍຊາໄປເຮັດຕາມໄດ້ງ່າຍໆ ຈະກິນເອງ ຫຼື ຂາຍກໍໄດ້

ກຽມສ່ວນປະສົມ ສຳລັບ 20 ໜ່ວຍໃຫຍ່ 20 ໜ່ວຍ ມີ ແປ້ງເຂົ້າໜຽວ 200 ກາມ, ແປ້ງເຂົ້າຈ້າວ 50 ກາມ, ແປ້ງສາລີ 15 ກາມ, ຜົງຟູ 1 ບ່ວງກາເຟ, ມັນເທດ ຫຼື ມັນບົດ 150 ກາມ, ນ້ຳອຸ່ນ 150-160 ກາມ (ຖ້າແປ້ງເກົ່າອາດຈະໃຊ້ນ້ຳຫຼາຍກວ່ານີ້ ຄ່ອຍໆໃສ່ລົງໄປໃສແປ້ງນຸ່ມນຽນດີ), ເກືອ 1/2 ບ່ວງ, ນ້ຳມັນໝາກພ້າວ ຫຼື ນ້ຳມັນພືດ 20 ກາມ, ນ້ຳຕານ 70 ກາມ, ງາຂາວ

ຊັ່ງແປ້ງໃຫ້ໄດ້ລູກລະ 30 ກາມ

ສ່ວນປະສົມໄສ້ມີ ຖົ່ວຂຽວໜຶ້ງຈົນເປື່ອຍ 150 ກາມ (ຖົ່ວຂຽວແກະເປືອກອອກເ ລ້າງໃຫ້ສະອາດປະມານ 7-8 ຮອບລ້າງຈົນນ້ຳໃສໆ ແລ້ວນຳໄປແຊກັບນ້ຳພັກໄວ້ຢ່າງຕ່ຳ 5 ຊມ ກ່ອນນໍາມາໜຶ້ງ)

ເກືອ 1/2 ບ່ວງກາເຟ ຖ້າບໍ່ມັກເຄັມກໍໃສ່ 1/4 ກໍໄດ້, ນ້ຳຕານຊາຍ 50 ກາມ, ນ້ຳມັນໝາກພ້າວ ຫຼື ນ້ຳມັນພືດ 30 ກາມ, ໝາກພ້າວຂູດ 50 ກາມ ແລ້ວສັ່ງໃຫ້ໄດ້ປະມານລູກລະ 20 ກາມ

ວິທີເຮັດ

1 ຄົນປະສົມນ້ຳຕານ+ເກືອ ລົງໄປໃນນ້ຳອຸ່ນຈັດຄົນໃຫ້ລະລາຍເຂົ້າກັນ

2 ປະສົມແປ້ງເຂົ້າໜຽວ+ເຂົ້າຈ້າວ+ແປ້ງສາລີ+ຜົງຟູ ຄົນໃຫ້ເຂົ້າກັນ ຫຼັງຈາກນັ້ນໃສ່ມັນບົດ ແລະ ຄ່ອຍໆເທນ້ຳອຸ່ນລົງໄປ, ຕາມດ້ວຍນ້ຳມັນໝາກພ້າວ ນວດໃຫ້ນຽມເຂົ້າກັນ ໃຊ້ເວລາ 3-5 ນາທີ ຫຼັງຈາກນັ້ນພັກແປ້ງໄວ້ປະມານ 1 ຊມ ຄຸມແປ້ງດ້ວຍຜ້າໝາດ ຫຼື ອັນແພັກຂອງກິນໄວ້

3 ນຳຖົ່ວຂຽວທີ່ແຊ່ໄວ້ໄປໜຶ້ງ

4 ຕັ້ງກະທະ ໃສ່ນ້ຳມັນໝາກພ້າວ ຖົ່ວຂຽວ ນ້ຳຕານຊາຍ ເກືອ ຂົ້ວຈົນທຸກຢ່າງເຂົ້າກັນ ລະຫວ່າງຂົ້ວໃຊ້ຕະຫຼິວປີ້ຖົ່ວໄປພ້ອມ

5 ພໍເຂົ້າກັນແລ້ວກໍໃສ່ໝາກພ້າວຂູດລົງໄປ ຂົ້ວໃຫ້ເຂົ້າກັນ ພັກໄວ້ໃຫ້ເຢັນປັນເປັນກ້ອນ ກ້ອນລະ 20ກາມ

6 ນຳແປ້ງທີ່ພັກໄວ້ມາຕັດແບ່ງຂະໜາດໜັກປະມານ 30 ກາມ ແລ້ວເຮັດເປັນວົງມົນ

7 ແຜ່ເປັນແຜ່ນມົນໆ ແລ້ນນຳໄສ້ມາໃສ່

8 ຫຼັງຈາກນັ້ນນຳໄປຄຸກກັບໝາກງາ ເອົານ້ຳລູບກ່ອນຈັ່ງຄຸກກໍໄດ້ ງາຈະຕິດແໜ້ນ ແລະ ບໍ່ຫຼຸດອອກຫຼາຍເວລາຈືນ

9 ຕັ້ງກະທະຈົນນ້ຳເດືອດ ນຳເຂົ້າໜົມໄປຈືນໄຟອ່ອນໆ ລະຫວ່າງຈືນຕ້ອງຄົນໄປພ້ອມເພື່ອບໍ່ໃຫ້ເຂົ້າໜົມໄໝ້ຈນເຂົ້າໜົມຟູຂຶ້ນມາເອງ ກໍນຳຕະຫຼິວໄປກົດເຂົ້າໜົມຈົນໃຫ້ຟູຂຶ້ນມາອີກ ໃຊ້ເວລາທອດປະມານ 10-12 ນາທີ ພໍສຸກເຫຼືອງດີແລ້ວ ກໍນຳຂຶ້ນມາໃສ່ພາຊະນະ ໃຫ້ສະເດັດນ້ຳມັນ