ຕູນ Body Slam ສ້າງຫ້ອງຜ່າຕັດຫົວໃຈ ມູນຄ່າ 50 ລ້ານບາດ ​ຈາກ​ໂຄງ​ການ​ແລ່ນ

ຕູນ Body Slam ສ້າງຫ້ອງຜ່າຕັດຫົວໃຈ ມູນຄ່າ 50 ລ້ານບາດ ​ຈາກ​ໂຄງ​ການ​ແລ່ນ

15th July 2020 0 By Admin

ຖືເປັນເລື່ອງປະທັບໃຈຫລາຍສຳລັບນັກຮ້ອງຫມຸ່ມ​ໄທ ຕູນ ບໍດີ້ສະແລມ Body Slam  ໄດ້ອອກມາໂພສເລື່ອງລາວ ​ການແລ່ນເພື່ອຮັບເງິນບໍລິຈາກຂອງໂຄງການກ້າວຄົນລະກ້າວເພື່ອ 11 ໂຮງຫມໍທົ່ວປະເທດໄທ ເຖິງວັນນີ້ ສາມາດສ້າງຫ້ອງຜ່າຕັດ ອຸປະກອນທາງການແພດທີ່ທັນສະໄຫມ ສູນຫົວໃຈ ຫ້ອງຜ່າຕັດຫົວໃຈ ລວມໄປເຖິງຫ້ອງພັກຝື້ນພິເສດແຜນອກຫົວໃຈທີ່ມີອຸປະກອນຮອງຮັບຜູ້ປ່ວຍທີ່ທັນສະໄຫມ ແລະມີປະສິດທິພາບ

.

ໂດຍເຈົ້າໂຕໄດ້ອອກມາເປີດເຜີຍພາບເຄື່ອງມືຮັກສາ ແລະຫ້ອງຜ່າຕັດ ໂດຍລະບຸວ່າ ທ່ານຫມໍເວົ້າໃຫ້ຟັງວ່າ ແຕ່ກ່ອນຫາກມີຄິວກ່ຽວກັບຫຼອດເລືອດຫົວໃຈຮີບດ່ວນ ຈະຕ້ອງສົ່ງຕໍ່ໄປ ໂຮງຫມໍ ທີ່ໃກ້ທີ່ສຸດທີ່ສາມາດຊ່ວຍເຫລືອໄດ້ ກໍຄືທີ່ນະຄອນປະຖົມເຊິ່ງຕ້ອງໃຊ້ເວລາປະມານຊົ່ວໂມງເຄິ່ງ ຈາກໂຮງຫມໍເຈົ້າພະຍາຍົມມະລາດນີ້ ຫລາຍໆເທື່ອກໍ່ເກີດຄວາມສູນເສຍຂຶ້ນລະຫວ່າງທາງ

.


ພໍມີເຄື່ອງຊ່ວຍຫາຍໃຈທີ່ທັນສະໄຫມເຄື່ອງນີ້ຕັ້ງຢູ່ໂຮງຫມໍເຈົ້າພະຍາຍົມມະລາດ ສຸພັນບູລີ ເຊິ່ງເຄື່ອງທີ່ເບີ່ງແຕ່ພາຍນອກ ຄືຍານອາວະກາດອັນນີ້ ໃຊ້ງົບປະມານ 50 ລ້ານບາດ ຈາກເງິນບໍລິຈາກຂອງຄົນໄທໃຈດີທຸກຄົນ ຈາກໂຄງການກ້າວຄົນລະກ້າວເພື່ອ 11 ໂຮງຫມໍທົ່ວປະເທດ ແລະມື້ນີ້ໄດ້ເວົ້າກັບທ່ານຫມໍ ເຄື່ອງມືນີ້ກໍໄດ້ຊ່ວຍຊີວິດຄົນໄຂ້ໃຫ້ລອດຊີວິດໄປແລ້ວນັກຮ້ອຍລາຍ ທັງຈາກຄົນໃນນະຄອນປະຖົມ ແລະຈາກແຂວງໃກ້ຄຽງ

.


ສ່ວນອີກຫ້ອງຫນຶ່ງຫ້ອງທີ່ມີສັນຍາລັກກ້າວຄົນລະກ້າວຢູ່ທີ່ຝາຫ້ອງກໍຄືຫ້ອງຜ່າຕັດຫົວໃຈໂດຍສະເພາະ ເຊິ່ງອຸປະກອນແລະເຄື່ອງມືໃນຫ້ອງນີ້ເກີດຈາກງົບປະມານທີ່ໄດ້ຈາກໂຄງການກ້າວຄົນລະກ້າວເພື່ອ 11 ໂຮງຫມໍທົ່ວປະເທດ ເມື່ອປາຍປີ ພສ 2560 ຄືກັນ ເຊິ່ງຫ້ອງຜ່ານມາ ຄຳເວົ້າຈາກປາກຂອງທ່ານຫມໍທີ່ຮັບຜິດຊອບ ຫ້ອງຜ່າຕັດນີ້ ກໍໄດ້ໃຊ້ງານ ແລະຊ່ວຍຮັກສາຊີວິດຄົນໄຂ້ໂລກຫົວໃຈໄປແລ້ວກວ່າ 30 ຊີວິດ

.

ແລະສິ່ງທີ່ດີທີ່ສຸດກໍຄື ເຄື່ອງມືເລົ່ານີ້ກໍຈະຖືກນຳມາໃຊ້ກັບຄົນປ່ວຍທຸກໆຄົນ ຢ່າງເທົ່າທຽມກັນ ທຸກຄົນມີສິດເຂົ້າເຖິງອຸປະກອນ ແລະການບໍລິການທີ່ທັນສະໄຫມຈຳພວກນີ້ໄດ້ຄືກັນ

.


ພຽງແຕ່ຢາກບອກເລົ່າເລື່ອງລາວທີ່ນ່າປະທັບໃຈນີ້ໃຫ້ທຸກໆຄົນໄດ້ມີຄວາມສຸກ ແລະມີຮອຍຍິ້ມໄປຕາມໆກັນ ເພາະຄວາມສຸກນີ້ເປັນຂອງທຸກຄົນ ກ້າວຄົນລະກ້າວ ເພາະເຮົາເຊື່ອໃນພະລັງນ້ອຍໆ

ສາ​ທຸ​ນຳ​ເດີ້