ຄະນະບໍລິຫານງານຊາວໜຸ່ມມອບເຄື່ອງອຸປະໂພກ – ບໍລິໂພກໃຫ້ອ້າຍນ້ອງທະຫານໃໝ່

ຄະນະບໍລິຫານງານຊາວໜຸ່ມມອບເຄື່ອງອຸປະໂພກ – ບໍລິໂພກໃຫ້ອ້າຍນ້ອງທະຫານໃໝ່

14th July 2020 0 By Admin

ຕອນບ່າຍຂອງວັນທີ 9 ກໍລະກົດ 2020 ນີ້ ສະຫາຍ ໄຊນະຄອນ ສຸດທິດາ ຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ເລຂາຄະນະບໍລິຫານຊາວໜຸ່ມແຂວງຫຼວງພະບາງ ພ້ອມຄະນະໄດ້ນໍາເອົາເຄື່ອງອຸປະໂພກ – ບໍລິໂພກໄປມອບໃຫ້ນັກຮຽນອ້າຍນ້ອງທະຫານໃໝ່ຢູ່ໂຮງຮຽນການທະຫານທ້ອງຖິ່ນແຂວງຫຼວງພະບາງ. ໂດຍມີຄະນະປະຈໍາຊາວໜຸ່ມແຂວງ, ຄະນະພັກ – ຄະນະບັນຊາພະນັກງານ – ຄູອາຈານຕະຫຼອດຮອດອ້າຍນ້ອງທະຫານໃໝ່ເຂົ້າຮ່ວມ 118 ສະຫາຍ.


ເຄື່ອງທີ່ນໍາໄປມອບປະກອບມີໝີ່ໄວໆ 1 ແກດໃຫ່ຍ, 7 ແກດນ້ອຍ, ສະບູ 120 ກ້ອນ, ຢາຖູແຂ້ວ 120 ອັນ, ໄມ້ຖູແຂ້ວ 240 ອັນ, ກະຕໍ້ຫວາຍ 5 ໜ່ວຍ, ບານສົ່ງ 2 ໜ່ວຍ, ບານເຕະ 2 ໜ່ວຍ, ປ່ອງປາ 5 ແພັກ, ນໍ້າດື່ມ 20 ແພັກມີ 120 ຕຸກ, ຄຸດໍາໃຫ່ຍໃສ່ນໍ້າ 4 ໜ່ວຍ, ຈອກໄວ້ກິນນໍ້າ 32 ໜ່ວຍ, ພາເຂົ້າຢາງ 22 ອັນ, ໂອຕັກນໍ້າ 24 ໜ່ວຍ, ໜ່າງບານສົ່ງ 1 ດ່າງ ແລະ ໜ່າງກະຕໍ້ 1 ດ່າງ. ລວມເປັນມູນຄ່າທັງໝົດ 3531.000 ກີບ.


ໃນໂອກາດດັ່ງກ່າວ ສະຫາຍ ເລຂາຄະນະບໍລິຫານງານຊາວໜຸ່ມແຂວງໄດ້ສະແດງຄວາມຢື້ຍາມຖາມຂ່າວດ້ວຍຄວາມອົບອຸ່ນມາຍັງຄະນະພັກ – ຄະນະບັນຊາພະນັກງານຄູອານານ ແລະ ອ້າຍນ້ອງທະຫານໃໝ່ທີ່ກໍາລັງເອົາໃຈໃສ່ໃນການອົບຮົມຫັດແອບຮໍ່າຮຽນດ້ວຍຄວາມຮັບຜິດຊອບສູງ ເພື່ອໃຫ້ສໍາເລັດຕາມແຜນການທີ່ວາງໄວ້. ສະຫາຍ ຍັງໄດ້ຍົກໃຫ້ເຫັນພາລະບົດບາດຄວາມສໍາຄັນຂອງກໍາລັງຊາວໜຸ່ມ ທີ່ເປັນຮົ້ວປ້ອງກັນຊາດໜໍ່ແໜງອັນແຂງແກ່ນຂອງພັກໃນພາລະກິດຕໍ່ສູ້ປົກປັກຮັກສາ ແລະ ສ້າງສາພັດທະນາປະເທດຊາດ.ທັງໄດ້ເນັ້ນໃຫ້ອ້າຍນ້ອງທະຫານໃໝ່ຕ້ອງເອົາໃຈໃສ່ຝຶກແອບຮໍ່າຮຽນປະຕິບັດຂໍ້ກໍານົດກົດ 7 ລະບອບ 18 ຂອງກອງທັບໃຫ້ເຂັ້ມງວດໃນແຕ່ລະວັນຕື່ມອີກ.

.
ໂດຍ: ໄຊຍະສອນ ລັດຕະນະວົງ.