ເສຍຫາຍທັງໝົດ 1 ຕື້ກວ່າກີບ !!! ຈາກເຫດນ້ຳໄຫຼນອງຖ້ວມບ້ານນ້ຳແອ່ງ, ເມືອງວຽງພູຄາ

ເສຍຫາຍທັງໝົດ 1 ຕື້ກວ່າກີບ !!! ຈາກເຫດນ້ຳໄຫຼນອງຖ້ວມບ້ານນ້ຳແອ່ງ, ເມືອງວຽງພູຄາ

14th July 2020 0 By Admin

ຕາມການລາຍງານຂອງ ທ່ານ ຕຽງສະໝອນ ພອນປະເສີດ ເຈົ້າເມືອງວຽງພູຄາ, ແຂວງຫຼວງນ້ຳທາ ໃຫ້ຮູ້ວ່າ: ຄວາມເສຍຫາຍຈາກເຫດນ້ຳໄຫຼນອງຖ້ວມບ້ານນ້ຳແອ່ງ, ເມືອງວຽງພູຄາ ໃນຕອນເຊົ້າວັນທີ 12 ກໍລະກົດ 2020 ຜ່ານມາ ຈາກການເກັບກຳຂໍ້ມູນເບື້ອງຕົ້ນ ເຮືອນຖືກນໍ້າຖ້ວມ 51 ຫລັງ, ນໍ້າໄຫລຊຸເຮືອນ 2 ຫລັງ, ເລົ້າເຂົ້າ 2 ຫລັງ, ລົດໃຫຍ່ເສຍຫາຍ 1 ຄັນ, ລົດໄຖ່ນາ 4 ຄັນ, ລົດຈັກ 8 ຄັນ, ໂຮງສີເຂົ້າ 3 ເຄື່ອງ, ຈັກສູບນໍ້າ 10 ເຄື່ອງ, ເນື້ອທີ່ນາເສຍຫາຍ 9 ເຮັກຕາ, ຊົນລະປະທານເປ່ເພ 1 ແຫ່ງ ແລະ ສັດລ້ຽງປະເພດຕ່າງໆ ລວມມູນຄ່າເສຍຫາຍທັງໝົດ 1 ຕື້ກວ່າກີບ !!!

ຂໍຊົມເຊີຍອ້າຍນ້ອງທະຫານເຮົາໃນການຊ່ວຍເຫຼືອປະຊາຊົນບ້ານແອ່ງເມືອງວຽງພູຄາແຂວງຫຼວງນ້ຳທາທີ່ໄດ້ຮັບຜົນກະທົບເຄາະຮ້າຍໃນຄັ້ງນີ້

.

ດັງຄຳຂັວນທີ່ວ່າ ບໍລີຊຸດຕໍ່ຊາດຮັບໃຊ້ປະຊາຊົນຢ່າງສຸດໃຈເສີມຂະຍາຍທາດແທ້ມູນເຊື້ອປະຕີວັດສຳເລັດທຸກໜ້າທີ

ທະຫານ ກັບ ປະຊາຊົນ ຄືປາກັບນໍ້າ !!! ຄືດັ່ງ ເຫດນ້ຳໄຫຼນອງຖ້ວມບ້ານ ໃນຕອນເຊົ້າວັນທີ 12 ກໍລະກົດ 2020​

ອ້າຍນ້ອງທະຫານ ໄດ້ເຂົ້າໄປຊ່ວຍເຫຼືອ ແລະ ຟື້ນຟູ ເຂດປະສົບໄພ ຢ່າງທັນການ. ຊົມເຊີຍ