ຝຶກອົບຮົມປະຖົມພະຍານບານຂັ້ນຕົ້ນໃຫ້ນັກຮຽນອາສາສະໝັກ ມ.ປາຍ ພັນຫຼວງ

ຝຶກອົບຮົມປະຖົມພະຍານບານຂັ້ນຕົ້ນໃຫ້ນັກຮຽນອາສາສະໝັກ ມ.ປາຍ ພັນຫຼວງ

4th July 2020 0 By Admin

ເພື່ອເປັນການປູກຈິດສຳນຶກໃຫ້ນັກຮຽນນັກສຶກສາ, ຮູ້ຈັກ ໃຫ້ການຊ່ວຍສັງຄົມກໍ່ຄືບຸກຄົມອ້ອມຂ້າງ ໃນເວລາມີເຫດການສຸກເສີນ, ເຈັບເປັນກະທັນຫັນ ແລະເຫດການອື່ນໆ ທີ່ເຮົາສາ ມາດປະຖົມພະຍາບານຂັ້ນຕົ້ນໄດ້.

ໃນວັນທີ 3-4ກໍລະກົດ2020ນີ້ ອົງການກາແດງລາວ ແຂວງຫຼວງພະບາງ ໄດ້ຈັດຊຸດອົບຮົມ ປະຖົມພະຍານບານຂັ້ນຕົ້ນຂຶ້ນ ທີ່ຫ້ອງປະຊຸມອົງການການແດງແຂວງຫຼວງພະບາງ, ໂດຍການເຂົ້າຮ່ວມຂອງທ່ານ ດຣ ວຽງສະຫວັນ ກະເສີມສຸກ ຫົວໜ້າອົງການກາແດງແຂວງ, ມີຄູຝຶກ ແລະນັກຮຽນທີ່ເປັນອາສາສະມັກ ມາຈາກ ມ.ປາຍພັນຫຼວງ ນະຄອນຫຼວງພະບາງ ຈຳນວນ 20ນ້ອງ, ຍິງ 10 ນ້ອງເຂົ້າຮ່ວມ.

ຊຸດອົຍຮົມຄັ້ງນີ້ ບັນດາອາສາສະໝັກ ແມ່ນໄດ້ຮຽນຮູ້ ກ່ຽວກັບວຽກງານກາແດງ, ຄວາມຮູ້ກ່ຽວກັບການປະຖົມປະຍາບານເຊັ່ນ: ກາຍຍະວິພາກສາດ ແລະຊີວະວິທະຍາ, ຫຼັກການປະຖົມ ພະຍາບານ, ບາດແຜ ແລະການລ້າງແຜ, ການໃຊ້ຜ້າພັນບາດແຜ ແລະການຫ້າມເລືອດ, ການບາດເຈັບຂອງຂໍ່, ກະດູກ, ການເຄື່ອນຍ້າຍຜູ້ບາດເຈັບ, ການສະໝັກສິ່ງແປກປອມອັດຕັນຫຼອດລົມ, ການຈົມນໍ້າ, ການປະຕິບັດການຊ່ວຍຊີວິດຂັ້ນພື້ນຖານ, ພະວະການເຈັບເປັນສຸກເສີນ, ສານພິດ ແລະພິດຈາກສັດ.

ພາຍຫຼັງຮຽນທິດສະດີສຳເລັດ ນັກຮຽນອາສາສະໝັກຍັງໄດ້ທົດລອງປະຕິບັດຕົວຈິ່ງຕື່ມອີກ. ທັງນີ້ກໍ່ເພື່ອຈະໄດ້ນຳເອົາບົດຮຽນທີ່ໄດ້ຮຽນມາໄປຊ່ວຍໝູ່ເພື່ອນຢູ່ໃນໂຮງຮຽນ ກໍ່ຄືສັງຄົມເມື່ອເວລາພົບເຫັນເຫດການສຸກເສີນຕາມສະຖານທີ່ຕ່າງໆໃຫ້ຖືກວິທີ ແລະສາມາດຊ່ວຍກອບກູ້ເອົາຊີວິດຄົນເຈັບຂັ້ນພື້ນຖານໄດ້.


ພາບ-ຂ່າວໂດຍ: ດາວອນ ມະນີວັນ