​ທາງ​ເລືອກ​ໃໝ່​ໃນ​ການ​ສ້າງ​ເສດ​ຖະ​ກິດ ປູກ​ເຫັດ​ຫູ​ໜູ ກໍ​ສ້າງ​ລາຍ​ຮັບ​ໄດ້ດີ ພຽງ 2 ເດືອນ​ປາຍ​ກໍ​​ເກັບຂາຍ​ໄດ້

​ທາງ​ເລືອກ​ໃໝ່​ໃນ​ການ​ສ້າງ​ເສດ​ຖະ​ກິດ ປູກ​ເຫັດ​ຫູ​ໜູ ກໍ​ສ້າງ​ລາຍ​ຮັບ​ໄດ້ດີ ພຽງ 2 ເດືອນ​ປາຍ​ກໍ​​ເກັບຂາຍ​ໄດ້

15th July 2020 0 By Admin

ໃນສະພາວະການ​ຂອງເສດຖະກິດຊ່ວງນີ້ ທີ່ສືບຕໍ່ເນື່ອງຈາກການແຜ່ລະບາດຂອງເຊື້ອໄວຣັດໂຄວິດ ທີ່ສົ່ງຜົນກະທົບໃນຫລາຍໆພາກສ່ວນ ບໍ່ວ່າຈະເປັນຊາວ​ສວນ, ຜູ້ປະກອບການໂຮງງານ ແລະອື່ນໆ ເຊິງໄດ້ຫາວິທີ່ແກ້ໄຂກ່ຽວກັບສະຖານນະການ ບາງບ່ອນກໍ່ປັບຫຼຸດພະນັກງານລົງ ຫລື ປິດສະຖານປະກອບການແບບຊົ່ວຄາວ ແລະກໍມີບາງບ່ອນເຖິງຂັ້ນລົ້ມລະລາຍ.

ຫລາຍຄົນຄືຈະຄິດແລ້ວວ່າ “ບໍ່ມີຫຍັງທີ່ແນ່ນອນ” ກັບການດຳລົງຊີວິດແບບນັ້ນ ແລະຄົງຕ້ອງຫາອາຊີບເສີມ ເຮັດໄປນຳ ເພື່ອໃຫ້ຜ່ານພົ້ນວິກິດນີ້ໄປໄດ້ “ຄວາມສຸກຢູ່ບ້ານເພິ່ນ ກໍ່ບໍ່ເທົ່າສຸກຢູ່ບ້ານເຮົາ” ຫລາຍຄົນຄືຈະຄຶດຂຶ້ນໃນຫົວທັນທີ່ ແຮງຄົນທີ່ອອກໄປທຳມາຫາກິນຕ່າງຖິ່ນ,ຕ່າງແຂວງ ລືຕ່າງປະເທດແລ້ວ ແຮງມັກຈະຄຶດຮອດບ້ານເກີດເມືອງນອນ ທີ່ເຮົາເຄີຍອາໄສ່ຢູ່ແຕ່ນ້ອຍຈົນໃຫຍ່

.

ຕົວຢ່າງ ນາງສາວ ນັນທະຍາ ຈັນທະເສນ ອາຍຸ 29 ປີ ຊາວຫມູ່ 5 ບ້ານງາມວົງສະວານ ຄຸ້ມບ້ານທ່າສະຫວັ ຕຳ​ບົນ ນາດ້ວງ ຈັງ​ຫວັດ ເລີຍ ທີ່ລາວໄດ້ຫັນມາເພາະປູກເຫັດຫູຫນູຂາຍເປັນອາຊີບເສີມ ຄວບຄູ່ກັບການເຮັດສວນຢາງພາລາ ໄຮ່ອ້ອຍ ແລະອື່ນໆ ຊຶ່ງກ່ອນຫນ້ານີ້ສາມີຂອງລາວໄດ້ເຮັດວຽກຢູ່ຕ່າງປະເທດ ກ່ອນຈະກັບມາຊ່ວຍການດູແລໂຮງເຫັດນຳກັນ ແລະຍັງໄດ້ຊວນຄົນໃນຫມູ່ບ້ານມາເຮັດຮ່ວມກັບອີກ

ໂດຍຍຶດຄຳວ່າ “ຫາກເຮົາເຮັດໄດ້ ບ້ານເຮົາຕ້ອງເດິນໄປນຳພວກເຮົາໄດ້” ການເພາະປູກເຫັດຫູຫນູກ່ອນອື່ນຕ້ອງສ້າງໂຮງເຮືອນ ຫລັງຄາມຸງດ້ວຍຫຍ້າຄາ ເພື່ອໃຫ້ອຸຫະພູມໃນໂຮງເຫັດເຢັນຢູ່ສະເຫມີ ພື້ນເທດ້ວຍຂີ້ຊາຍ ຊ່ວຍໃຫ້ຄວາມຊຸ່ມຊື້ນໃນຕອນຫົດນຳ ສ່ວນເສົາໂຮງເຮືອນແມ່ນໃຊ້ໄມ້ກະໄດ້ ຫລືເສົາຊີມັງຕາມຄວາມສະດວກ ແລະຕ້ອງມີຜ້າຢາງສີດຳ ແລະຜ້າຢາງກອງແສງ 80% ສີດຳ ໄວ້ສຳລັບປົບອ້ອມນອກໂຮງເຫັດ

.

ສ່ວນການຊື້ກ້ອນເຊື້ອເຫັດ ໄດ້ສັ່ງມາຈາກ ເມືອງພູເກັດ ຈຳນວນ 8000 ກ້ອນ ໃນລາຄາກ້ອນລະ 6ບາດ 60ສະຕາງ ຊຶ່ງຖ້າພົບກ້ອນເຫັດເສຍຫາຍເຊື້ອບໍ່ຂະຫຍາຍ ຫລືເປັນໂລກ ທາງຟຮາມທີ່ເຮົາສັ່ງຈະໄດ້ໃຊ້ໃຫ້ເຮົາຄືນຫມົດ ເມື່ອໄດ້ເຊື້ອເຫັດມາແລ້ວ ຕ້ອງຈັດມ້ຽນເຂົ້າເລາະທີ່ເຮັດໄວ້ໃຫ້ມັນແລ້ວ ແຕ່ເຮົາມີແຕ່ສອງຜົວເມຍ ຈຶ່ງໄດ້ພາກັນເລັ່ງເຮັດເພື່ອໃຫ້ມັນແລ້ວ ທຸກຄົນຕ້ອງໄດ້ຊ່ວຍກັນ ຫລັງຜ່ານໄປໄດ້ 50 ມື້ ເມື່ອເຊື້ອເລີ່ມຂະຫຍາຍໂຕເຮົາຈະສັງເກດເຫັນຮາກສີຂາວເຕັມຖົງ ເປັນສັນຍານບອກເຖິງຂັ້ນຕອນປາດຖົງແລ້ວ ໂດຍໃຊ້ມີດປາດເປັນແນວສະຫລຽງ ຈົນຮອດຂີ້ເລື່ອຍ ຂະຫນາດ2ຊັງຕີແມັດ ອ້ອມຂ້າງ 6ບ່ອນ ແລະທາງກົ້ນຖົງອີກ2ບ່ອນ

ເພື່ອໃຫ້ເຫັດເກີດຕາມບ່ອນທີ່ເຮົາປາດໄວ້ ຈາກນັ້ນກໍ່ຫົດນໍ້າທີ່ພື້ນໃຫ້ຊຸ່ມທຸກວັນ ຫ້າມໃຫ້ຖືກກ້ອນເຊື້ອເຫັດທີ່ແຂວນປະໄວ້ ປະມານ7ມື້ ຮອຍບາດກໍເລີ່ມມີລັກສະນະຄ້າຍຄືປີງ ແຕ່ລະມື້ຈະຕ້ອງຫົດນ້ຳ4ເທື່ອ ແລະ75ມື້ກໍຖ້າແຕ່ເກັບຜົນຜະລິດຊຸດທຳອິດໄດ້ເລີຍ ຖ້າຖາມວ່າມັນຄຸ້ມບໍ່ກັບການປູກເຫັດ ຕອບໄດ້ເລີຍວ່າ ຄຸ້ມ ເພາະໃຂເວລາເຮົາເກັບຊຸດທຳອິດກໍເຮັດໃຫ້ມີຜົນກຳໄລແລ້ວ ແຖມມີຕະຫລາດຮອງຮັບນໍາອີກ ລ່າສຸດຫາກະເກັບຊຸດທຳອິດ ໄດ້ທັງຫມົດ1,700ກິໂລ ຂາຍສົ່ງໃຫ້ແມ່ຄ້າກິໂລ 50ບາດ ລວມເປັນເງິນ85000ບາດ ຖ້າທຽບໃສ່ເງິນລາວ ກິໂລ 15000ກີບ ລວມເປັນເງິນທັງຫມົດ 25,500,000ຕົກເປັນເງິນລາວໃນເວລານີ້ (ມັນຂຶ້ນຢູ່ກັບກົນໄກລາຄາຂອງຕະຫລາດໃນເວລານັ້ນອີກ)

ຊຶ່ງການປູກເຫັດແຕ່ລະເທື່ອ ຈະເກັບໄດ້ 4 ຮອບໂດຍປະມານ ຂື້ນຢູ່ກັບຄວາມສົມບູນຂອງເຊື້ອເຫັດ ຄາດວ່າໂຮງເຫັດນີ້ຈະເກັບໄດ້ປະມານ 2,500 ກິໂລ

.

ຫາກເວົ້າເຖິງຄວາມມີສະເນ່ທີ່ໄດ້ເຫັນຈາກຟຮາມເຫັດນັ້ນກໍຄວາມ ການຊ່ວຍເຫລື້ອຂອງຄົນໃນຫມູ່ບ້ານ ຮ່ວມເຖິງຍາກພີ່ນ້ອງ ເມື່ອເຖິງເວລາທີ່ເຫັດພ້ອມເກັບໄປຂາຍ ທຸກຄົນກໍຮ້ອງກັນມາຊ່ວຍເກັບ ໂດຍບໍ່ມີຄ່າຈ້າງແຕ່ຢ່າງໃດ ເຖິງຈະມີກໍມີສ່ວນນ້ອຍ ເປັນການເອົາແຮງຊ່ວຍກັນ ເມື່ອເກັບເຫັດຟຮາມນີ້ແລ້ວ ກໍໄດ້ຊ່ວຍກັນເກັບອີກຟຣາມຫນຶ່ງ ຫມຸນວຽນປ່ຽນກັນຈົນຄົບທຸກຄົນ ແລະເມື່ອເກັບແລ້ວໆ ເຈົ້າຂອງຟຣາມຍັງໄດ້ແບ່ງເຫັດໃຫ້ຄົນທີ່ມີຊ່ວຍໄດ້ນຳໄປເຮັດອາຫານກິນນຳອີກ ແຖມພໍຕອນແລງ ເຈົ້າຂອງຟຣາມກໍເຮັດອາຫານ ລ້ຽງຜູ້ທີ່ມາຊ່ວຍງານລ້ອມວົງກິນເຂົ້າຮ່ວມກັນ ຖືເປັນການຕອບແທນເລັກໆນ້ອຍໆ

.

ແຕ່ສິ່ງເຫລົ່ານີ້ ຖືໄດ້ວ່າເປັນຄວາມສຸກທາງໃຈອີກຢ່າງຫນຶ່ງກໍວ່າໄດ້ ກັບການໃຊ້ວິຖີຊີວິດໃນຊົນນະບົດແບບນີ້ ດັ່ງຄຳທີ່ກ່າວໄວ້ຂ້າງເທິງ ສຸກໃດ ຊິເທົ່າ​ສຸກຢູ່ບ້ານ​ເຮົາ