ຄູ່ຮັກຄວນຮູ້!! 6 ປະໂຫຍກຢ່າເຜີເວົ້າເດັດຂາດ ອາດເຮັດໃຫ້ຄວາມຮັກສັ່ນຄອນໄດ້

ຄູ່ຮັກຄວນຮູ້!! 6 ປະໂຫຍກຢ່າເຜີເວົ້າເດັດຂາດ ອາດເຮັດໃຫ້ຄວາມຮັກສັ່ນຄອນໄດ້

25th November 2019 0 By Admin

ຂຶ້ນຊື່ວ່າເປັນຄອບຄົວຜົວເມຍກັນແລ້ວ ຫຼື ເປັນແຟນທີ່ຍັງບໍ່ທັນໄດ້ແຕ່ງດອງກັນກໍ່ດີ ກໍ່ມັກຈະພົບບັນຫາຕ່າງໆ ເຊິ່ງປຽບເໝືອນບັນທັດວັດຄວາມອົດທົນລະຫວ່າງຄົນສອງຄົນ ເມື່ອມາຢູ່ຮ່ວມກັນ. ສະນັ້ນ, ຄົນສອງຄົນເມື່ອມາຢູ່ຮ່ວມກັນແລ້ວ ຕ້ອງລະມັດລະວັງເລື່ອງຄຳເວົ້າ ເນື່ອງຈາກມັນອາດມີຜົນສະທ້ອນທີ່ຊັບຊ້ອນດ້ານອາລົມ ແລະ ຄວາມຮູ້ສຶກຂອງອີກຝ່າຍໄດ້. ສຳລັບມື້ນີ້, ແອັດມິນ ກໍ່ມີ 6 ເລື່ອງອັນຕະລາຍທີ່ຄູ່ຜົວເມຍບໍ່ຄວນເວົ້າເດັດຂາດ ຖ້າບໍ່ຢາກໃຫ້ເກີດບັນຫາຂໍ້ຂັດແຍ່ງກັບຄົນຮັກຕະຫຼອດເວລາ ແລະ ຜູ້ເປັນເມຍຜົວກັນແລ້ວຕ້ອງຈຳ 6 ຂໍ້ດັ່ງຕໍ່ໄປນີ້:


1 ເລື່ອງຄົນຮັກເກົ່າ ຢ່າເຜີໄປເລົ່າສູ່ຜົວ ຫຼື ເມຍຟັງ ເພາະມັນອາດໄປກະທົບຄວາມຮູ້ສຶກຂອງຄູ່ຮັກໄດ້
2 ເລື່ອງຕຳນິເພື່ອນຂອງຜົວວ່າເປັນຄົນແບບນັ້ນແບບນີ້ ເພາະນິໄສຂອງຜູ້ຊາຍສ່ວນຫຼາຍຈະມີຄວາມຮັກແພງເພື່ອນຝູງ.


3 ເລື່ອງຄອບຄົວຝ່າຍຜົວ ເລື່ອງນີ້ (ທັງຜົວ ແລະ ເມຍ) ຕ້ອງຈໄວ້ວ່າແຕ່ລະຝ່າຍຍ່ອມມີສາຍໃຍຄວາມສຳພັນກັບຄອບຄົວທີ່ຕັດບໍ່ຂາດ. ດັ່ງນັ້ນ, ຈົ່ງຈຳໄວ້ວ່າເຮົາຕ້ອງໃຫ້ກຽດຄົນໃນຄອບຄົວຂອງອີກຝ່າຍ ຢ່າໄດ້ເວົ້າຈົ່ມຂວັນ ຫຼື ຕຳນິຄົນໃນຄອບຄົວຂອງອີກຝ່າຍ ໂດຍບໍ່ໄດ້ຮັບການເຫັນດີຈາກອີກຝ່າຍ ບໍ່ດັ່ງນັ້ນມັນອາດຈະເຮັດໃຫ້ຄົນຮັກຂອງທ່ານເສຍຄວາມຮູ້ສຶກໄດ້.


4 ປຽບທຽບຜົວກັບຄົນອື່ນ ເລື່ອງແບບນີ້ກໍ່ຂໍເຕືອນທັງຜົວ ແລະ ເມຍ ເພາະທຸກຄົນຍ່ອມມີຈຸດອ່ອນ ແລະ ຈຸດແຂງ ຂອງແຕ່ລະຄົນແຕກຕ່າງກັນອອກໄປ ດັ່ງນັ້ນບໍ່ວ່າຈະເປັນແນວໃດກໍ່ຕາມຢ່າເອົາຄົນຮັກຂອງຕົວເອງໄປປຽບທຽບໃສ່ຄົນອື່ນຖ້າບໍ່ຢາກຜິດໃຈກັນ
5 ຢ່າໃຊ້ຄຳເວົ້າປະຊົດ ມີຫຍັງບໍ່ພໍໃຈກໍ່ໃຫ້ເວົ້າກັນຕົງໆແບບຊ່ອງໜ້າກັນໄປໂລດ ເພາະການເວົ້າປະຊົດນັ້ນ ນອກຈາກຈະເຮັດໃຫ້ອີກຝ່າຍບໍ່ເຂົ້າໃຈຄວາມໝາຍໄດ້ຈະແຈ້ງແລ້ວ ຍັງເຮັດໃຫ້ຮູ້ສຶກອາລົມເສຍອີກຕ່າງຫາກ.


6 ຢ່າເວົ້າ, ຢ່າເບິ່ງຄົນຮັກໃນແງ່ລົບ ບໍ່ວ່າເວລາໃດກໍ່ຕ້ອງເວົ້າໃຫ້ກຳລັງໃຈກັນ ຢ່າໃຊ້ຄໍາເວົ້າຕອກຢ້ຳ, ສຽດສີ, ດູໝິ່ນກັນ ເພາະຖ້າອີກຝ່າຍໂມໂຫຂຶ້ນມາມີຫວັງລະເບີດລົງເຮືອນແທ້.


ບົດຄວາມນີ້, ນີ້ເປັນພຽງທິດທາງເລັກນ້ອຍບາງຂໍ້ເທົ່ານັ້ນເບິ່ງຜິວເຜີນແລ້ວ ອາດບໍ່ແມ່ນເລື່ອງໃຫຍ່ ແຕ່ຄວາມຈິງແລ້ວເລື່ອງພວກນີ້ ມັນລ້ວນແຕ່ກະທົບເຖິງຈິດໃຈຂອງອີກຝ່າຍເຖິງຂັ້ນຂີດສຸດໄດ້ເຊັ່ນກັນ. ດັ່ງນັ້ນ, ເມື່ອຕັດສິນໃຈໃຊ້ຊີວິດຮ່ວມກັນແລ້ວ ກໍ່ຈົ່ງເຊື່ອໝັ້ນ ແລະ ໃຫ້ກຽດເຊິ່ງກັນ ເພື່ອຮັກສາຄວາມຮັກຂອງທ່ານໃຫ້ເປັນຮັກນິລັນດອນໄປຕະຫຼອດການ.