ດ່ວນ! ອຸ​ຕຸ​ແຈ້ງ​ຝົນ​ຈະ​ຕົກ​ໜັກ ຢູ່​ແຂວງບໍລິຄໍາໄຊ, ຄໍາມ່ວນ, ສະຫວັນນະເຂດ, ສາລະວັນ, ຈໍາປາສັກ, ເຊກອງ ແລະ ອັດຕະປື

ດ່ວນ! ອຸ​ຕຸ​ແຈ້ງ​ຝົນ​ຈະ​ຕົກ​ໜັກ ຢູ່​ແຂວງບໍລິຄໍາໄຊ, ຄໍາມ່ວນ, ສະຫວັນນະເຂດ, ສາລະວັນ, ຈໍາປາສັກ, ເຊກອງ ແລະ ອັດຕະປື

2nd July 2020 0 By Admin

ແຈ້ງເຕືອນໄພ ຝົນຕົກຫນັກ ວັນທີ 02 ຫາ 04 ກໍລະກົດ 2020

ເນື່ອງຈາກວ່າຄວາມກົດດັນຕໍ່າຂອງອາກາດມີກໍາລັງປານກາງປົກຄຸມຢູ່ທົ່ວທຸກພາກຂອງປະເທດລາວ ພ້ອມ ດຽວກັນ ລົມມໍລະສຸມຕາເວັນຕົກສ່ຽງໃຕ້ມີກໍາລັງແຮງເພີ່ມຂຶ້ນພັດປົກຄຸມ ໃນໄລຍະວັນທີ 02 ຫາ 04 ກໍລະກົດ 2020

ຊຶ່ງຈະເຮັດໃຫ້ມີຝົນຕົກໃນລະດັບຄ່ອຍ ຫາ ປານກາງ ເປັນບໍລິເວນກວ້າງ ແລະ ຕົກຫນັກຢູ່ບາງທ້ອງຖິ່ນບັນດາ ແຂວງ ບໍລິຄໍາໄຊ, ຄໍາມ່ວນ, ສະຫວັນນະເຂດ, ສາລະວັນ, ຈໍາປາສັກ, ເຊກອງ ແລະ ອັດຕະປື ພ້ອມມີລົມພັດແຮງເປັນ ບາງໂອກາດ,

ດັ່ງນັ້ນ, ຈຶ່ງແຈ້ງເຕືອນເຖິງອົງການປົກຄອງທຸກພາກສ່ວນ ແລະ ປະຊາຊົນບັນດາເຜົ່າ ຈົ່ງມີສະຕິ ລະມື້ລະວັງຕໍ່ສະພາບຝົນຕົກຫນັກ ທີ່ຈະເຮັດໃຫ້ມີນ້ໍາຖ້ວມອັ່ງຢູ່ບັນດາແຂວງດັ່ງກ່າວ ແລະ ຂໍໃຫ້ຕິດຕາມຂ່າວ ພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ໃນໄລຍະ 1 ຫາ 3 ວັນຕໍ່ຫນ້ານີ້.