ແຈ້ງ​ຂ່າວ​ບຸນ ບຸນສະຫຼອງຄັນທະກຸດີ ແລະ ມະຫາເຖຣາພິເສກ ຍາທ່ານມະຫາເຫວດ ມະເສໄນ ທີ່ ວັດສີສະເກດ

ພວກຂ້ານ້ອຍທັງຫຼາຍ ພາຍໃນມີພຣະສົງສາມະເນນເປັນເຄົ້າ ພາຍນອກມີເລຂາພັກບ້ານ ນາຍບ້ານ, ແນວໂຮມ, ສະຫະພັນແມ່ຍິງ, ອົງການຈັດຕັ້ງຊາວຫນຸ່ມ, ອົງການຈັດຕັ້ງ ປກສ, ປກຊ, ເຖົ້າແກ່ຜູ້ຊົງຄຸນວຸດທິ ພ້ອມດ້ວຍພໍ່ແມ່ປະຊາຊົນ ບ້ານຊຽງຍືນ ຕະຫຼອດເຖິງສິດສານຸສິດທັງຫຼາຍ ຈະໄດ້ພ້ອມພຽງກັນເຮັດບຸນສະຫຼອງຄັນທະກຸດີ ແລະ ມະຫາເຖຣາພິເສກ ຍາທ່ານມະຫາເຫວດ ມະເສໄນ, ພິທີທັງໝົດຈະໄດ້ຈັດຂຶ້ນຢູ່ທີ່ ວັດສີສະເກດ ດັ່ງລາຍລະອຽດລຸ່ມນີ້:

ວັນສຸກ ຂຶ້ນ 13 ຄໍ່າ, ເດືອນ 8, ພສ 2563 (03/07/2020)

ເວລາ 08:00 ມ. ເຕົ້າໂຮມພຣະສົງສາມະເນນ ແລະ ອອກຕົນຍາດໂຍມ

ເວລາ 08:30 ມ. ພິທີສູດປະຣິດຕະມຸງຄຸນ, ຖວາຍຄັນທະກຸດີ ແລະ ພິທີມະຫາເຖຣາພິເສກ(ຫົດສົງ)

ເວລາ 11:00 ມ. ຖວາຍພັດຕາຫານເພນ ແລະ ຍາດໂຍມຮັບປະທານອາຫານທ່ຽງ ແລ້ວຈົບພິທີ.

ດັ່ງນັ້ນ, ຈິ່ງຂໍອາລາດທະນານິມົນພຣະສົງສາມະເນນ ແລະ ຂໍເຊີນຊວນອອກຕົນຍາດໂຍມ ຕະຫຼອດເຖິງສິດສານຸສິດທັງຫຼາຍ ເພື່ອຮ່ວມເປັນເຈົ້າສັດທາ ແລະ ບໍາເພັນບຸນກຸສົນໃນຄັ້ງນີ້ໂດຍທົ່ວເຖິງກັນທຸກທ່ານເທີ້ນ.