ເອົາ​ບາດ​ນິ! ໄວ​ຣັ​ສໄຂ້​ຫວັດ​ສາຍ​ພັນ​ໃໝ່ ກໍາລັງລະບາດໃນໝູ ສາມາດຂະຫຍາຍໂຕ ໃນເຊລລະບົບຫາຍໃຈຂອງ​ຄົນ

ເອົາ​ບາດ​ນິ! ໄວ​ຣັ​ສໄຂ້​ຫວັດ​ສາຍ​ພັນ​ໃໝ່ ກໍາລັງລະບາດໃນໝູ ສາມາດຂະຫຍາຍໂຕ ໃນເຊລລະບົບຫາຍໃຈຂອງ​ຄົນ

1st July 2020 0 By Admin

ໃນວັນທີ 30 ມິຖຸນາ ນັກວິທະຍາສາດຈີນ 🇨🇳 ໄດ້ລາຍງານ ໃຫ້ຮູ້ວ່າ ປະເທດຈີນ ກໍາລັງເຝົ້າລະວັງ ໄວຣັສ ໄຂ້ຫວັດສາຍພັນໃໝ່ ທີ່ຫາກໍ່ຖືກຄົ້ນພົບ ມີຊື່ວ່າ G4 EA H1N1 ຊຶ່ງກໍາລັງມີການລະບາດໃນໝູ ແລະ ກວດພົບວ່າ ໄວຣັສໂຕນີ້ ສາມາດເຕີບໃຫຍ່ ຂະຫຍາຍໂຕ ໃນເຊລລະບົບທາງເດີນຫາຍໃຈຂອງມະນຸດ.

ຫຼ້າສຸດ ເລີ້ມພົບການຕິດເຊື້ອນີ້ແລ້ວ ສູ່ຄົນ ຊຶ່ງເປັນ ບຸກຄົນທີ່ເຮັດວຽກຢູ່ໂຮງງານຂ້າສັດ ແລະ ອຸດສາຫະກໍາສັດລ້ຽງ ຢູ່ປະເທດຈີນ.

ນອກຈາກນັ້ນ ທີມງານວິໄຈ ຍັງແຈ້ງໃຫ້ຮູ້ວ່າ ວັກຊີນ ໄຂຫວັດທົ່ວໄປ ບໍ່ສາມາດປ້ອງກັນການຕິດເຊື້ອ ຂອງໄວຣັສໂຕໃຫມ່ນີ້ໄດ້ !!!

ການຄົ້ນພົບນີ້ ຖືກຕີພິມເຜີຍແຜ່ລົງໃນວາລະສານ ວິທະຍາສາດ Proceedings of the National Academy of Sciences ໂດຍສາດສະດາຈານ ໂສຊາງ ແຫ່ງມະຫາວິທະຍາໄລ ນໍຕິງແຮມ ປະເທດອັງກິດ.

ຕອນນີ້ ທົ່ວໂລກກໍາລັງໃຫ້ຄວາມສົນໃຈ ໂຄວິດ-19 ແຕ່ການເຝົ້າລະວັງ ການລະບາດ ຂອງເຊື້ອໄວຣັສໃຫມ່ນີ້ ກໍ່ມີຄວາມສໍາຄັນ ເພື່ອປ້ອງກັນ ບໍ່ໃຫ້ມີການລະບາດ ຄ້າຍຄືໄຂ້ຫວັດໝູ 2009 ທີ່ມີຕົ້ນກໍາເນີດຈາກ ປະເທດເມັກຊີໂກ້.

 

BBC