ການນຳພະແນກຍທຂ ແຂວງຄຳມ່ວນ ລົງຕິດຕາມສະພາບຂໍ້ຂັດແຍ່ງ ເສັ້ນທາງບໍ່ໂພນຕິ້ນ-ບໍ່ແໜ່ງ

ການນຳພະແນກຍທຂ ແຂວງຄຳມ່ວນ ລົງຕິດຕາມສະພາບຂໍ້ຂັດແຍ່ງ ເສັ້ນທາງບໍ່ໂພນຕິ້ນ-ບໍ່ແໜ່ງ

29th June 2020 0 By Admin

ການນຳພະແນກຍທຂ ແຂວງຄຳມ່ວນ ຮ່ວມກັບຂະແໜງການທີ່ກ່ຽວຂ້ອງ ລົງເຄື່ອນໄຫວຕິດຕາມສະພາບຂໍ້ຂັດແຍ່ງ ເສັ້ນທາງບໍ່ໂພນຕິ້ນ-ບໍ່ແໜ່ງ
.
ດັ່ງທີ່ເປັນຂ່າວໂດ່ງດັງໃນສື່ສັງຄົມອອນລາຍໃນອາທິດທີ່ຜ່ານມາ ມີບໍລິສັດແຫ່ງໜຶ່ງໄດ້ຍື່ນໃບສະເໜີຫາພາກ ສ່ວນທີ່ກ່ຽວຂ້ອງຂອງແຂວງ ວ່າມີບໍລິສັດຜູ້ຮັບເໝົາກໍ່ສ້າງເສັ້ນທາງບໍ່ໂພນຕິ້ວ-ບໍ່ແໜ່ງ ເມືອງຫີນບູນ ແຂວງຄຳມ່ວນ ໄດ້ຮຽກເກັບເງິນຄ່າຜ່ານທາງນຳບໍລິສັດທີ່ໄດ້ເຂົ້າດຳເນີນທຸລະກິດໃນເຂດດັ່ງກ່າວ ເຮັດໃຫ້ມີຜົນກະທົບ ແລະ ມີຄວາມ ຫຍຸ້ງຍາກໃນການເຄື່ອນຍ້າຍສິນຄ້າເຂົ້າ-ອອກ ຂອງບໍລິສັດ ຈຶ່ງໄດ້ສະເໜີຫາພາກສ່ວນລັດທີ່ກ່ຽວຂ້ອງ ເພື່ອລົງໄປ ແກ້ໄຂ.

ຕໍ່ກັບບັນຫາດັ່ງກ່າວ ກໍ່ຄືປະຕິບັດຕາມຂໍ້ຕົກລົງຂອງຄະນະປະຈຳພັກແຂວງຄຳມ່ວນ ວ່າດ້ວຍການແຕ່ງຕັ້ງ ຄະນະກຳມະການແກ້ໄຂ ຂໍ້ຂັດແຍ່ງເສັ້ນທາງບໍ່ໂພນຕິ້ວ ໃນວັນທີ 26 ມິຖຸນາ 2020 ການນຳຂອງພະແນກ ຍທຂ ແຂວງຄຳມ່ວນ ນຳໂດຍທ່ານ ຂວັນຕາ ດວງລາຕີ ຮອງຫົວໜ້າພະແນກໂຍທາທິການ ແລະ ຂົນສົ່ງ ຮ່ວມກັບພາກສ່ວນ ທີ່ກ່ຽວຂ້ອງຂອງແຂວງ ໄດ້ລົງເຄື່ອນໄຫວຕິດຕາມ,

ກວດກາ ແລະ ເກັບກຳຂໍ້ມູນ ເພື່ອຊອກຫາສາເຫດວ່າບັນຫາດັ່ງກ່າວ ນັ້ນມີຄວາມເປັນມາຄືແນວໃດ ແລະ ມີມູນຄວາມຈິງ ຫຼືບໍ່ ເພື່ອຈະໄດ້ນຳເອົາຂໍ້ມູນຕົວຈິງນຳສະເໜີຕໍ່ຂັ້ນເທິງຊອກຫາ ຊ່ອງທາງແກ້ໄຂ.

.

ສ່ວນວ່າຂໍ້ມູນລາຍລະອຽດກ່ຽວກັບບັນຫາດັ່ງກ່າວ ແມ່ນຈະໄດ້ແຈ້ງຕື່ມ ພາຍຫຼັງທີ່ທາງຄະນະ ກຳມະການໄດ້ສັງລວມເປັນທີ່ຮຽບຮ້ອຍແລ້ວ.