ຕໍານານເລົ່າ​ຂານ​ມາ​ຫຼາຍ​ຮ້ອຍ​ປີ ກ່ຽວ​ກັບ “ວັດນາກຫໍຜ້າ” ບ້ານຖິ່ນເພຍ

ຕໍານານເລົ່າ​ຂານ​ມາ​ຫຼາຍ​ຮ້ອຍ​ປີ ກ່ຽວ​ກັບ “ວັດນາກຫໍຜ້າ” ບ້ານຖິ່ນເພຍ

28th June 2020 0 By Admin

ທ່ຽວ “ວັດນາກຫໍຜ້າ ບຸນຕານຸສອນ” ກຣາບໄຫວ້ຫຼວງພໍ່ນາກປົກອົງສັກສິດ

ວັດນາກຫໍຜ້າ ຕັ້ງຢູ່ ບ້ານຖິ່ນເພຍ ເມືອງຫາດຊາຍຟອງ ນະຄອນຫລວງວຽງຈັນ, ຫ່າງຈາກນະຄອນຫຼວງວຽງຈັນປະມານ 15 ກິໂລແມັດ, ວັດນີ້ເປັນວັດເກົ່າແກ່ ທີ່ມີຕໍານານມາຫຼາຍຮ້ອຍປີ

ຕາມຕຳນານ ອຸຣັງຄະນິທານ ໄດ້ກ່າວໄວ້ວ່າ : ເມື່ອກ່ອນມີພຣະອໍຣະຫັນ 3 ອົງ ຄື ພຸທທະຮັກຂິຕະ ທັມມະຮັກຂິຕະ ສັງຄະຮັກຂິຕະ ທີ່ເດີນທາງມາຈາກຊົມພູທະວີບ ( ອີນເດຍ ສະໄຫມເຈົ້າອະໂສກ ມະຫາຣາຊ ) ໄດ້ເຂົ້າມາເຜີຍແຜ່ພຸດທະສາສະໜາສູ່ດິນແດນໃນແຖວປະເທດລາວ ການມາເຜີຍແຜ່ພຸທທະທັມໃນເຂດແຄວ້ນນີ້ ໂດຍຮີບໂຮມເພື່ອສັງສອນພຣະທັມ ຈາກຫລາຍຮ້ອຍຄົນ ຄັດເຂົ້າມາບວດ ຈົນໄດ້ພຣະທີ່ປະຕິບັດດີ ປະຕິບັດຊອບຈຳນວນ 5 ອົງ

ຈາກນັ້ນຈຶ່ງສົ່ງພຣະຈຳນວນ 5 ອົງທີ່ຄັດເລືອກນີ້ ໄປສຶກສາພຣະທັມທີ່ເມືອງຣາຊະຄື ອິນເດຍ ພ້ອມດ້ວຍຄະນະ 20 ອົງໄປໃນຄັ້ງນັ້ນດ້ວຍ ຫລັງຈາກ 2 ປີ ຈຶ່ງໄດ້ຮຽນຈົບ ທີ່ເມືອງຣາຊຄື ທີ່ອິນເດຍແລ້ວ ຈຶ່ງໄດ້ກັບຕ່າວຄືນມາສູ່ດິນແດນບ້ານເກີດໂດຍເອງ ໂດຍໄດ້ນຳຫລັກທັມຂອງພຣະສັມມາສັມພຸທທະເຈົ້າ ແລະ ທີ່ສຳຄັນໄດ້ນຳເອົາພຣະບໍຣົມສາຣິຣິກະທາຕຸຂອງພຣະບໍຣົມສາສະດາ ເຊັ່ນ ກະດູກຫົວເນົາ , ກະດູກແຂ້ວຝາງ ແລະ ໄດ້ນຳມາບັນຈຸໃນອູບມຸງຕາມຖິ່ນແຄວ້ນດັ່ງນີ້:

1 ພຣະທາຕຸຫົວເນົາ ຄື ພຣະທາດຫຼວງ ນະຄອນຫລວງວຽງຈັນ.
2 ອຸລັງຄະທາດ ຄືພຣະທາຕຸພຣະນົມ ນະຄອນພຣະນົມ ປະເທດໄທ
3 ພຣະທາດແຂ້ວຝາງ 3 ອົງ ບັນຈຸໄວ້ທີ່ພຣະທາຕຸໂພນຈິກວຽງງົວ ໜອງຄາຍ ປະເທດໄທ


4 ພຣະທາດແຂ້ວຝາງ 4 ອົງຄື ທີ່ພຣະທາຕຸຫໍ່ຜ້າ ເຂດບ້ານຫ້ອມ ນະຄອນຫລວງວຽງຈັນ
5 ພຣະທາຕຸ ພຣະບາດເບື້ອງຂວາ 9 ອົງ ມາປະດິດສະຖານໄວ້ທີ່ພຣະທາຕຸແຄມນ້ຳຂອງ ພຣະທາຕຸຫລ້າຫນອງ ຫນອງຄາຍ(ປະຈຸບັນຈົມຢູ່ກາງນ້ຳຂອງ).
6 ພຣະທາດຫົວເນົ່າ ຈຳນວນ 29 ອົງ ມາປະດິດສະຖານໄວ້ທີ່ພຣະທາຕຸບັງພວນ ໜອງຄາຍ ປະເທດໄທ

ຈາກ: ລາວອັບເດດ BanHao Post