ອາໃສປ່າສະຫງວນເປັນບ່ອນຂາຍຢາຜິດ​ກົດ​ໝາຍ ​ແຕ່ຫຼີກຕາເຈົ້າໜ້າທີ່​ບໍ່​ພົ້ນ ຖືກຈັບແລ້ວ

ອາໃສປ່າສະຫງວນເປັນບ່ອນຂາຍຢາຜິດ​ກົດ​ໝາຍ ​ແຕ່ຫຼີກຕາເຈົ້າໜ້າທີ່​ບໍ່​ພົ້ນ ຖືກຈັບແລ້ວ

28th June 2020 0 By Admin

ໃນຕອນບ່າຍຂອງວັນທີ 27 ມິຖຸນາ 2020 ເວລາ 13:00 ໂມງ ເຈົ້າໜ້າທີ ປກສ ບໍລິການປະຊາຊົນ ກຸ່ມບ້ານ ທີ 7 ສົມທົບກັບ ປກສ ກຸ່ມບ້ານທີ 8 ທີ່ຂື້ນກັບ ປກສ ເມືອງພີນ, ແຂວງສະຫວັນນະເຂດ ໄດ້ມ້າງຄະດີຄ້າຂາຍຢາເສບຕິດລາຍຍ່ອຍ ຢູ່ຂອບເຂດປ່າສະຫງວນສາຍພູຊ້າງແຫ່, ບ້ານສົມສະອາດ, ເມືອງພີນ, ແຂວງສະຫວັນນະເຂດ

ສາມາດກັກຕົວທ້າວ ຄຳຕອງ ຫຼື ຕິ່ວ, ອາຍຸ 30 ປີ, ອາຊີບກຳມະກອນສວນຢາງພາລາ, ຢູ່ບ້ານສົມສະອາດ, ເມືອງພີນ, ແຂວງສະຫວັນນະເຂດ ກວດຄົ້ນຕົວຜູ້ກ່ຽວພົບຂອງກາງຢາບ້າ 30 ເມັດ ແລະ ໂທລະສັບ 1 ໜ່ວຍ.

.

ມາຮອດເວລາ 13:30 ໂມງ ຂອງວັນດຽວກັນ ເຈົ້າໜ້າທີ່ໄດ້ເຂົ້າຈັບກຸ່ມເປົ້າໝາຍທີ່ຖືກຊັກທອດຫາ ຊື່ທ້າວ ສະໜອນ, ອາຍຸ 35 ປີ, ອາຊີບວ່າງງານ, ຢູ່ບ້ານນາໂພນຄຳ, ເມືອງພີນ, ແຂວງສະຫວັນນະເຂດ ກວດຄົ້ນຕົວຜູ້ກ່ຽວພົບຂອງກາງຢາບ້າ 280 ເມັດ.


ປະຈຸບັນ, ຜູ້ຕ້ອງຫາທັງສອງ ແມ່ນຖຶກສົ່ງຕົວມອບໃຫ້ໜ່ວຍງານຢາເສບຕິດ ປກສ ເມືອງພີນ ດຳເນີນຄະດີຕາມລະບຽບກົດໝາຍຕໍ່ໄປ.

.
ຂໍຂອບໃຈຂໍ້ມູນຈາກ: ເຈົ້າໜ້າທີ່ ປກສ ບໍລິການປະຊາຊົນ ກຸ່ມບ້ານ ທີ 7 ແລະ ປກສ ກຸ່ມບ້ານທີ 8 ທີ່ຂື້ນກັບ ປກສ ເມືອງພີນ ແລະ ຂໍຊົມເຊີຍການປະຕິບັດຫນ້າທີ່ ຂອງເຈົ້າໜ້າທີ່ໃນຄັ້ງນີ້.