ພົບວັດເກົ່າແກ່! ​ບູຮານສະຖານຂອງຄົນໄຕ້ລື້ ທີ່ເມືອງຍອດອູ ແຂວງຜົ້ງສາລີ

ພົບວັດເກົ່າແກ່! ​ບູຮານສະຖານຂອງຄົນໄຕ້ລື້ ທີ່ເມືອງຍອດອູ ແຂວງຜົ້ງສາລີ

27th June 2020 0 By Admin

ຄວາມຈີງແລ້ວປະເທດເຮົາມີຄວາມຈະເລີນຮຸ່ງເຮືອງມາຫຼາຍເຊັ່ນຄົນ ເມື່ອກ່ອນປະຊາຊົນຢັ່ງຢາຍກັນຢູ່ໄປທົ່ວ ພໍປະເທດຊາດໄດ້ຮັບການປົດປ່ອຍຄົນສ່ວນໃຫຍ່ນິຍົມກັນຢູ່ຕາມທົ່ງພຽງ, ພູພຽງ ບ່ອນທີ່ໄປມາສະດວກ ສະນັ້ນສິ່ງຕ່າງໆທີ່ປິ່ນອ້ອມການດຳລົງຊີວິດຂອງເຂົາເຈົ້າຈິ່ງຖືກປະໄວ້ເປັນປ່າຕືບດົງໜາ ຄືກັບວັດອົງໄຫ ເມືອງຍອດອູແຂວງຜົ້ງສາລີແຫ່ງນີ້.

ໃນວັນທີ 25 ມິຖຸນາ 2020 ມີຄົນໄປຮອດໄປເຖິງ ວັດອົງໄຫ ເມືອງຍອດອູ ແຂວງຜົ້ງສາລີ ບູຮານສະຖານຂອງຄົນໄຕ້ລື້ ທີ່ສ້າງໄວ້ເມື່ອຫຼາຍສິບປີຫຼັງຖືກປ່ອຍປະຮ້າງໄວ້ຢູ້ກາງປ່າ ແຕ່ມີເສັ້ນທາງໄປເຖິງເປັນຂັ້ນໄດຢ່າງສວຍງາມ ຖ້າສະໄໝນີ້ຄວນໄດ້ຮັບການ ບູລະນະໄວ້ເປັນວັດປ່າ ເປັນແຫຼ່ງທ່ອງທ່ຽວທາງວັດທະນະທຳຕໍ່ໄປ.

ວັດອົງໄຫ ນີ້ຕັ້ງຢູ່ເນີນພູ ໃນປ່າດົງພົງໄພທີມີປ່າໄມ້ຂຽວງາມ ແລະຕັ້ງຢູ່ ຝາກກົງກັນຂ້າມແມ່ນ້ຳອູ ເຊິ່ງມີທາງທີ່ເປັນຂັນໄດຂຶ້ນໄປເທິງວັດແຫ່ງນີ້ 465 ຂັ້ນ, ວັດແຫ່ງນີ້ມີທາດອົງໄຫ ທີງົດງາມຮູບຮ່າງລັກສະນະແມ່ນຄ້າຍຄືຫມາກນ້ຳເຕົ້າ ເຊິ່ງໄດ້ຮັບອິດທິພົນການສ້າງແລະຄວາມເຊື່ອແບບຄົນໄຕລື້.

ເມື່ອຂຶ້ນໄປເຖິງວັດແລ້ວ ທຸກຄົນແມ່ນສາມາດຊົມວິວ ທິວທັດ ຂອງທຳມະຊາດພູຜາປ່າໄມ້ ເຂດເມືອງອູເຫນືອໄດ້ຢ່າງແຈ້່ມແຈ້ງ ເຊິ່ງວັດແຫ່ງນີ້ແມ່ນຫ່າງຈາກເທດສະບານແຂວງຜົ້ງສາລີ ໄປທາງເຫນືອປະມານ 160 ກິໂລແມັດ .

ເມື່ອເຫັນວັດແຫ່ງນີ້ ທາດແຫ່ງນີ້ແລ້ວ ມີທັງດີໃຈແລະເສົ້າໃຈໄປນຳພ້ອມ ຄວາມດີໃຈຄືມີວັດແຫ່ງນີ້ ມີທາດທີງົດງາມ ມີສິລະປະ ວັດທະນະທັມ ມີບໍ່ນ້ຳທຳມະຊາດ ມີສາລາໄມ້ທີເກົ່າແກ່… ເປັນເປັນເອກະລາດທີບໍ່ມີໃຜຄື ແລະບໍ່ຄືໃຜ ທີ່ເສົ້າໃຈ ວັດແຫ່ງນີ້ ແມ່ນຂາດການທຳນຸບຳຣຸງ ໃນການບົວລະບັດຮັກສາ ຂາດການເອົາໃຈໃສ ຂາດການດູແລ …

ຖ້າໃຜມີສັດທາມີປັດໄຈ ໃນການບູຣະນະ ທີສຳຄັນກໍ່ຢາກໃຫ້ມີພຣະສົງອົງຄະເຈົ້າມາຈຳພັນສາ ເພື່ອຈະປະຕິສັງຂອນ ບົວລະບັດຮັກສາ ສະຖານທີແຫ່ງນີ້ໃຫ້ຖາວອນຍິ່ງໆຂຶ້ນໄປເນາະ ? ຝາກການນຳແຂວງຜົ້ງສາລີ ແລະແນວລາວສ້າງຊາດແຂວງຜົ້ງສາລີ ແລະທີສຳຄັນ ອພສ ແຂວງຜົ້ງສາລີ ເດີ…

Cr: Art and Culture of Laos