​ດີ​ໃຈ​ເດ້ ຢາຕ້ານໂຄວິດຈາກຍີ່ປຸ່ນສົ່ງມາຮອດລາວເຮົາແລ້ວ

​ດີ​ໃຈ​ເດ້ ຢາຕ້ານໂຄວິດຈາກຍີ່ປຸ່ນສົ່ງມາຮອດລາວເຮົາແລ້ວ

27th June 2020 0 By Admin

ຍີ່ປຸ່ນຕໍ່ສູ້ຕ້ານກັບພະຍາດລະບາດໂຄວິດ-19 ໄປຢ່າງງຽບໆບໍ່ຄ່ອຍກ່າວເຖິງເລື່ອງການພັດທະນາຢາວັກຊິນເລີຍ ແຕ່ເພິ່ນເຮັດສຳເລັດໄວກ້າວກ່ອນກ້າວໜຶ່ງ ແລະທີ່ສຳຄັນຢາທີ່ຄົ້ນຄວ້າມາຢ່າງພິຖີພິຖັນນັ້ນເພິ່ນໄດ້ສົ່ງມາຊ່ວຍ ສປປ ລາວເຮົາ ພ້ອມມີການມອບ-ຮັບເປັນທີ່ຮຽບຮ້ອຍ ຕອນນີ້ພໍຫາຍໃຈໂລ່ງຂຶ້ນແນ່!

ຕາມຂ່າວລາຍງານໃນວັນທີ 26 ມິຖຸນາ 2020 ແຈ້ງວ່າ: ລັດຖະບານຍີ່ປຸ່ນໄດ້ມອບຢາຕ້ານໄວຣັສອາວິເກັນ (Avigan) ໃຫ້ແກ່ ສປປ ລາວ. ຢາດັ່ງກ່າວເຊິ່ງມີຈຳນວນພຽງພໍເພື່ອຮັກສາຜູ້ປ່ວຍຈຳນວນ 100 ຄົນນັ້ນ ໄດ້ຖືກມອບໃຫ້ແກ່ກະຊວງສາທາລະນະສຸກ.

ການຊ່ວຍເຫຼືອໃນຄັ້ງນີ້ ເປັນການສະໜອງຕໍ່ການຮ້ອງຂໍຈາກລັດຖະບານ ສປປ ລາວ ໂດຍເປົ້າໝາຍທີ່ຈະເສີມຂະຫຍາຍການສຶກສາທາງດ້ານການແພດກ່ຽວກັບໂຕຢາອາວິເກັນເເພື່ອໃຊ້ໃນການຕອບໂຕ້ການແຜ່ລະບາດຂອງພະຍາດໂຄວິດ-19.

ການມອບຢາດັ່ງກ່າວຄາດວ່າຈະປະກອບສ່ວນເຂົ້າໃນການສະກັດກັ້ນຄວາມເປັນໄປໄດ້ທີ່ຈະມີການແຜ່ລະບາດຮອບທີ່ 2 ໂດຍຜ່ານການກະກຽມທີ່ມີຄວາມພ້ອມຮັບມືຕໍ່ສະຖານະການ.

ລັດຖະບານຍີ່ປຸ່ນກໍໄດ້ຊົມເຊີຍລັດຖະບານລາວຕໍ່ກັບຄວາມສາມາດໃນການຈັດຕັ້ງມາດຕະການຄວບຄຸມພະຍາດໂຄວິດ-19 ທີ່ດີ. ການສະກັດກັ້ນທີ່ມີປະສິດທິພາບສົ່ງຜົນໃຫ້ບໍ່ມີຈຳນວນຜູ້ເສຍຊີວິດ ແລະ ຜູ້ຕິດເຊື້ອໃໝ່ເລີຍ ໃນໄລຍະ 2 ເດືອນທີ່ຜ່ານມາ. ລັດຖະບານຍີ່ປຸ່ນນັ້ນມີເປົ້າໝາຍທີ່ຈະມອບການຊ່ວຍເຫຼືອໃຫ້ຫຼາຍທີ່ສຸດເທົ່າທີ່ຈະເປັນໄປໄດ້ໃຫ້ແກ່ລັດຖະບານລາວ.

ໃນປີນີ້ເອງກໍເປັນປີຄົບຮອບ 65 ປີຂອງສາຍສຳພັນທາງການທູດ ຍີ່ປຸ່ນ-ລາວ ແລະ ຄົບຮອບ 5 ປີການເປັນຄູ່ຮ່ວມຍຸດທະສາດ. ປະເທດຍີ່ປຸ່ນໃນຖານະການເປັນຄູ່ຮ່ວມຍຸດທະສາດຂອງປະເທດລາວຈະສືບຕໍ່ຕັ້ງໜ້າສູ້ຊົນມອບການຊ່ວຍເຫຼືອ ເຊິ່ງບໍ່ມີພຽງແຕ່ກ່ຽວກັບການຕອບໂຕ້ພະຍາດໂຄວິດ-19 ເທົ່ານັ້ນ, ແຕ່ຈະມີການຊ່ວຍເຫຼືອໃນຂົງເຂດອື່ນເພື່ອປະຊາຊົນລາວຕື່ມອີກດ້ວຍ.

ຈາກ: https://www.laothai.net/