​ທີ່​ສຸດ​ຄົນ​ນີ້! ເຖິງ​ຈະ​ພິ​ການ ແຕ່​ໃຈ​ສູ້​ ບໍ່​ມີ​ແຮງ​ແມ້​ຈະ​ຈັບ​ບິກ​ຂຽນ ແຕ່ຕັ້ງ​ໃຈ​ຮຽນ​ຈົນ​​​ໄດ້​ກຽດ​ນິ​ຍົມ

​ທີ່​ສຸດ​ຄົນ​ນີ້! ເຖິງ​ຈະ​ພິ​ການ ແຕ່​ໃຈ​ສູ້​ ບໍ່​ມີ​ແຮງ​ແມ້​ຈະ​ຈັບ​ບິກ​ຂຽນ ແຕ່ຕັ້ງ​ໃຈ​ຮຽນ​ຈົນ​​​ໄດ້​ກຽດ​ນິ​ຍົມ

26th June 2020 0 By Admin

ເນື່ອງຈາກປີນີ້ເກີດວິກິດໂຄວິດ​ລະ​ບາດສົ່ງຜົນກະທົບໄປທົ່ວໂລກ ແລະ ທຸກ​ຂະ​ແໜງ​ການ ດ້ານ​ການ​ຮຽນ​ການ​ສຶກ​ສາ ຕ້ອງ​ໄດ້​ຢຸດ ແລະ ເລື່ອນ, ພິທີຮັບໃບປະກາດຕ້ອງໄດ້ຍືດເວລາອອກໄປ ຄືກັນກັບຢູ່ໄຕ້ຫວັນ


ສື່ຕ່າງປະເທດເປີດເຜີຍເລື່ອງລາວຂອງຊາຍໜຸ່ມພິການແຕ່ຫົວໃຈ​ບໍ່​ພິ​ການ ເປັນບັນດິດໃໝ່ຂອງວິທະຍາໄລແຫ່ງນີ້ອີກດ້ວຍ ເຮັດໃຫ້ສື່ຕ່າງໆໃນທ້ອງຖິ່ນເກາະຂ່າວປະຫວັດສ່ວນຕົວຂອງລາວ ​ທີ່​ຊື່​ວ່າ ຫວູ່ເວີ່ຍຫຼຽງ


ພໍ່ແລະແມ່ຂອງລາວເລົ່າວ່າ ຫວູ່ເວີ່ຍຫຼຽງ ຍ່າງເຊໄປເຊມາຕັ້ງແຕ່ອາຍຸ 1 ປີຄືກັບເປັນເປ້ຍຫຼ່ອຍ ແລະ ມັກລົ້ມຕະຫຼອດ ເຮັດໃຫ້ຄົນພາຍໃນເຮືອນຮູ້ສືກສົງໄສຈື່ງພາໄປຫາໝໍເພື່ອກວດເຊັກຮ່າງກາຍຢ່າງລະອຽດ ຈຶ່ງເຮັດໃຫ້ຮູ້ວ່າລາວປ່ວຍ ເມື່ອອາຍຸຫຼາຍຂື້ນ ລາວກໍ່ເລີ່ມສູນເສຍກ້າມຊີ້ນໄປເທືື່ອລະໜ້ອຍ ຮ່າງກາຍທ່ອນລຸ່ມບໍ່ມີແຮງ


ຈົນເມື່ອລາວເຂົ້າຮຽນຢູ່ຊັ້ນ ປ.5 ລາວຍ່າງບໍ່ໄດ້ຈົນຕ້ອງໄດ້ນັ່ງລົດເຂັນແທນການຍ່່າງ ກ້າມຂາທັງສອງເບື້ອງລີບ ຂະໜາດຈະປີນຂື້ນລົດເຂັນຍັງບໍ່ມີແຮງເລີຍ ດັ່ງນັ້ນລາວຕ້ອງການຄົນຊ່ວຍເຫຼືອຕະຫຼອດເວລາ

.
ນອກຈາກຈະຕ້ອງໄປພົບທ່ານໝໍເພື່ອເຮັດກາຍະພາບບໍາບັດຕາມກໍານົດແລ້ວແມ່ຂອງລາວຕ້ອງອອກຈາກວຽກເພື່ອມາຊ່ວຍເບິ່ງແຍງລາວຢ່າງເຕັມເວລາເຮັດໃຫ້ຫວູ່ເວີ່ຍຫຼຽງຮູ້ສືກອິຕົນແມ່ຂອງລາວຫຼາຍ ແມ່ຕ້ອງອຸ້ມ, ແບກ ລາວຂື້ນລົງເຮືອນ ແລະ ລົດເຂັນ ເຖິງຂະໜາດຕອນນອນກໍ່ຍັງຕ້ອງມາຊ່ວຍພິກຕົວໃຫ້ລາວອີກ


ຫຼັງຈາກທີ່ລາວເສັງເຂົ້າໂຮງຮຽນມັດທະຍົມປາຍທີ່ມີຊື່ສຽງໄດ້ ແມ່ຂອງລາວກໍ່ຍິ່ງລໍາບາກກວ່າເກົ່າ ແລະ ອາການຂອງລາວກໍ່ໜັກຂື້ນເລື້ອຍໆ ແຕ່ແມ່ຂອງລາວບໍ່ເຄີຍຈົ່ມວ່າເມື່ອຍເລີຍພັດມີຄວາມອົດທົນໃນການເບິ່ງແຍງລາວຫຼາຍຂື້ນ ແຕ່ຄວາມພະຍາຍາມຂອງແມ່ລາວກໍ່ບໍ່ໄດ້ເສຍລ້າ ລາວພະຍາຍາມຕັ້ງໃຈຮຽນຢ່າງໜັກ ຈົນໄດ້ຮັບລາງວັນນັກຮຽນເກັ່ງອັນດັບ 4 ຂອງໂຮງຮຽນ ຈົນສາມາດເສັງຕິດເຂົ້າພາກວິຊາພາສາຈີນຂອງມະຫາວິທະຍາໄລທີ່ມີຊື່ສຽງໃນໄທເປໄດ້ ເຊິ່ງເປັນຄວາມຝັນທໍາອິດຂອງລາວ


ເຖິງວ່າຈະບໍ່ສາມາດຍ່າງໄດ້ດ້ວຍຕົນເອງ ແຕ່ລາວກໍ່ຍັງມີມີແມ່ທີ່ຄອຍຄຽງຂ້າງສະເໝີແລະແມ່ຂອງລາວກໍ່ມ່ີຄວາມຫວັງພຽງຢ່າງດຽວຄື ຢາກໃຫ້ລູກຊາຍຕັ້ງໃຈຮຽນຢ່າງມີຄວາມສຸກເພື່ອບັນລຸຄວາມຝັນທີຫວູ່ເວີ່ຍຫຼຽງຝັນໄວ້ ເຖິງວ່າມືທັງສອງຂ້າງຂອງລາວຈະບໍ່ມີແຮງ ຮອດຈະຈັບປື້ມຮຽນ ແລະ ຈັບບິກຂື້ນມາຂຽນເອງແຕ່ຍ້ອນຄວາມຊ່ວຍເຫຼືອຂອງພໍ່ແມ່ແລະໝູ່ຄູ່ ລາວກໍ່ອາໃສການຖ່າຍຮູບເກັບໄວ້ ເພື່ອກັບໄປເຝິກຝົນເອງຢູ່ເຮືອນຢ່າງຊ້າໆ

.
ຫວູ່ເວີ່ຍຫຼຽງ ມີຄວາມຄາດຫວັງໄວ້ວ່າຈະເສັງໃຫ້ໄດ້ A+ ທຸກວິຊາ ແລະ ລາວກໍ່ເຮັດໄດ້ແບບທີ່ລາວຫວັງໄວ້ແທ້ໆ ແຕ່ລະພາກຮຽນລາວໄດ່້ທີ 1 ສະເໝີ

.
ໃນທີ່ສຸດລາວກໍ່ຈົບການສືກສາດ້ວຍຄະແນນດີທີ່ສຸດອັນດັບ 1 ຂອງຄະນະ ແລະ ຍັງເປັນບັນດິດທີ່ໄດ້ໃບປະກາດແດງອີກດ້ວຍ ຄວາມສໍາເລັດນີ້ເຮັດໃຫ້ຄອບຄົວຮູ້ສືກດີໃຈແລະພູມໃຈເປັນຢ່າງຍິ່ງ


ຫວູ່ເວີ່ຍຫຼຽງເວົ້າຢ່າງຖ່ອມຕົວວ່າ “ຂ້ອຍບໍ່ໄດ້ຕ້ອງການເປັນຄົນທີ່ມີອິດທິພົນຕໍ່ຄົນອື່ນຫຼາຍ ແຕ່ຢ່າງໜ້ອຍຂ້ອຍກໍ່ຫວັງວ່າປະສົບການຂອງຕົນເອງຈະຊ່ວຍເປັນກໍາລັງໃຈໃຫ້ກັບຄົນຈໍານວນຫຼາຍທີ່ມີປະສົບການຄ້າຍກັບຕົນເອງໄດ້ມີຄວາມຫວັງທີ່ຈະສູ້ຕໍ່”

.
ສຸດທ້າຍລາວກໍ່ໄດ້ກ່າວເຖິງແມ່ຂອງລາວວ່າ:

22 ປີທີ່ຜ່ານມາ ຂອບໃຈຄອບຄອບຫຼາຍທີ່ຄອຍເບິ່ງແຍງລາວຕະຫຼອດມາເຮັດໃຫ້ສຸຂະພາບຮ່າງກາຍຂອງລາວດີຂື້ນເລື່ອຍໆ ອີກທັງຍັງປູກຝັງຖ່າຍທອດອຸປະນິໄສທີ່ດີໆໃຫ້ແກ່ລາວ ເຮັດໃຫ້ລາວເປັນຄົນດີໄດ້ຈົນຮອດທຸກມື້ນີ້ ຂອບໃຈແມ່ຫຼາຍ ແມ່ມີພະຄຸນໃຫຍ່ຫຼວງແທ້ໆ”