ຊົມເຊີຍ! ພະນັກງານປະຕິວັດ ຢູ່ຫຼວງພະບາງ ໄດ້ຮັບເງິນນະໂຍບາຍ

ຊົມເຊີຍ! ພະນັກງານປະຕິວັດ ຢູ່ຫຼວງພະບາງ ໄດ້ຮັບເງິນນະໂຍບາຍ

22nd November 2019 0 By Admin

ວັນທີ 15 ພະຈິກ ນີ້ ພະແນກແຮງງານ ແລະ ສະຫວັດດີການສັງຄົມ ແຂວງຫຼວງພະບາງ ໄດ້ຈັດພິທີມອບເງິນນະໂຍບາຍ ໃຫ້ແກ່ພະນັກງານປະຕິວັດຂຶ້ນ ທີຫ້ອງປະຊຸມພະແນກດັ່ງກ່າວ ໂດຍມີທ່ານ ສຸລິສັກ ພົມມາລີ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ,  ມີຕາງໜ້າ ຈາກພະແນກການກ່ຽວຂ້ອງຂອງແຂວງ, ເມືອງ ພ້ອມດ້ວຍຜູ້ໄດ້ຮັບເງິນນະໂຍບາຍເຂົ້າຮ່ວມ.


ໃນພິທີຕາງໜ້າຂະແໜງນະໂຍບາຍ ພະແນກແຮງງານ ແລະ ສະຫວັດດີການສັງຄົມແຂວງ ໄດ້ຂຶ້ນຜ່ານຂໍ້ຕົກລົງຂອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ແລະ ຂໍ້ຕົກລົງຂອງຫົວໜ້າ ພະແນກແຮງງານ ແລະ ສະຫວັດດີການສັງຄົມແຂວງວ່າດ້ວຍການປະຕິບັດນະໂຍບາຍເງິນອຸດໜູນເສຍສະຫຼະຊີວິດ ປະຈຳປີ 2019 ໃນທົ່ວແຂວງຫຼວງພະບາງ ຈຳນວນ 89 ຄົນ ເປັນເງິນທັງໜົດ 1.752.860.700ກີບ ໃຫ້ແກ່ຜູ້ທີມີຜົນງານ ແລະ ຄຸນງາມຄວາມດີ ໃນການປະກອບສ່ວນເຂົ້າໃນພາລະກິດ ຮັບໃຊ້ການປະຕິວັດ ປະຊາທິປະໄຕ ປີ 1954 ຄືນຫຼັງ. ໃຫ້ກຽດກ່າວມອບເງິນນະໂຍບາຍ ຄັ້ງນີ້ ໂດຍແມ່ນທ່ານ ສຸລິສັກ ພົມມາລີ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ.


ການມອບເງິນນະໂຍບາຍ ເງິນອຸດໜູນໃຫ້ແກ່ຜູ້ທີ່ເສັຍສະຫຼະຊີວິດ ໃນຄັ້ງນີ້ ເພື່ອກໍ່ເພື່ອສະແດງຄວາມຮູ້ບຸນຄຸນຕໍ່ຜູ້ທີມີຜົນງານຄຸນງາມຄວາມດີ ທີ່ໄດ້ປະກອບສ່ວນເຂົ້າໃນພາລະກິດປະຕິວັດປະຊາທິປະໄຕ ກໍ່ຄືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໃນຕະຫຼອດໄລຍະຜ່ານມາ.


ຂ່າວ:ແຫຼ້ ສຸລິນພອນ