ມອບ-ຮັບໜ້າທີ່ຫົວໜ້າຫ້ອງການພະລັງງານ ແລະ ບໍ່ແຮ່ ທ່າແຕງ ຜູ້ເກົ່າ ແລະ ຜູ້ໃໝ່

ມອບ-ຮັບໜ້າທີ່ຫົວໜ້າຫ້ອງການພະລັງງານ ແລະ ບໍ່ແຮ່ ທ່າແຕງ ຜູ້ເກົ່າ ແລະ ຜູ້ໃໝ່

25th June 2020 0 By Admin

ພິທີມອບ-ຮັບໜ້າທີ່ຫົວໜ້າຫ້ອງການພະລັງງານ ແລະ ບໍ່ແຮ່ເມືອງທ່າແຕງຜູ້ເກົ່າ ແລະ ຜູ້ໃໝ່ມີຂຶ້ນໃນວັນທີ 25ມີນາ 2020ນີ້,ທີ່ສະໂມສອນຂອງເມືອງ.ພາຍໄຕ້ການເປັນປະທານຂອງທ່ານ ແສງລາຕີ ຫຼອມຍະເດດ ຮອງເລຂາພັກເມືອງ ,ມີຮອງຫົວໜ້າພະແນກພະລັງງານ ແລະ ບໍ່ແຮ່ແຂວງເຊກອງ,ມີຫົວໜ້າ ຫຼື ຮອງຫ້ອງການອ້ອມຂ້າງ ແລະ ພະນັກງານວິຊາການເຂົ້າຮ່ວມ.


ໂດຍປະຕິບັດຕາມໜັງສືແຈ້ງການກະຊວງພະລັງງານແລະບໍ່ແຮ່,ສະບັບເລກທີ 0498/ພບ,ລົງວັນທີ 7 ພືດສະພາ 2020 ວ່າດ້ວຍຕົກລົງໃຫ້ລັດຖະກອນທີ່ສັງກັດຢູ່ພະແນກພະລັງງານ ແລະ ບໍ່ແຮ່ແຂວງເຊກອງຄືທ່ານ ບຸນຍັງ ແກ້ວດວງເສີມ ຫົວໜ້າຫ້ອງການພະລັງງານ ແລະ ບໍ່ແຮ່ເມືອງທ່າແຕງຜູ້ເກົ່າອອກພັກຜ່ອນ-ຮັບເບ້ຍບຳນານ,ໂດຍແຕ່ງຕັ້ງທ່ານ ບົວຜັນ ສິດທິຍາກອນ ຫົວໜ້າເຂດຈຸດສຸມພັດທະນາທີ 2 ມາດຳລົງຕຳແໜ່ງເປັນຫົວໜ້າຫ້ອງການພະລັງງານ ແລະ ບໍ່ແຮ່ເມືອງຜູ້ໃໝ່ ແລະ ແຕ່ງຕັ້ງພັນຕີ ແກ້ວວົງໄຊໂງນສະນະ ຮອງຫົວໜ້າເຂດຈຸດສຸ່ມພັດທະນາທີ 2 ເປັນຜູ້ຮັກສາການແທນຫົວໜ້າເຂດຈຸດສຸ່ມພັດທະນາທີ 2 ( ບ້ານ ກົກພຸງໃຕ້) ຕາມຂໍ້ຕົກລົງ ສະບັບເລກທີ 116 ແລະ ເລກທີ 130 ຂອງທ່ານເຈົ້າເມືອງ-ເມືອງທ່າແຕງ.

ທ່ານ ແສງລາຕີ ຫຼອມຍະເດດ ຮອງເລາຂາພັກເມືອງທ່າແຕງແຂວງເຊກອງໄດ້ມີຄໍາເຫັນໂອ້ລົມວ່າ:ການມອບຮັບໜ້າທີ່ລະຫ່ວາງຜູ້ເກົ່າ ແລະ ຜູ້ໄໝ່ກໍເພື່ອຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ການເມືອງ ທັງແມ່ນກົດເກນ ແລະ ພາວະວິໃສເພື່ອສືບຕໍ່ຊີ້ນຳ-ນຳພາແບບແຜນເຮັດວຽກໃຫ້ໄດ້ຮັບໝາກ-ຮັບຜົນ ແລະ ຕ້ອງໄດ້ມີຄວາມພະຍາຍາມປະຕິບັດໜ້າທີ່ການເມືອງໃຫ້ສອດຄ່ອງຕາມລະບຽບກົດໝາຍ

ພ້ອມທັງເນັ້ນໃຫ້ເອົາໃຈໃສ່ຢ່າງຮັດກຸມໃນການຂຸດຄົ້ນແຮ່ທາດໃນຂອບເຂດຄວາມຮັບຜິດຊອບຂອງຕົນໂດຍມີການກວດກາຕິດຕາມ,ສ່ອງແສງລາຍງານແຕ່ລະໄລຍະບົນພື້ນຖານຄວາມຖືກຕ້ອງ ແລະ ຊັດເຈນ ນອກຈາກນີ້ກໍຕ້ອງເອົາໃຈໃສ່ຄຸ້ມຄອງ ແລະ ຕິດຕາມລະບົບການຊົມໃຊ້ກະແສໄຟຟ້າຂອງປະຊາຊົນໃຫ້ຖືກຕ້ອງຕາມຕົວຈິງ ທັງນີ້ເພື່ອຮັບປະກັນບໍ່ໃຫ້ເກີດມີຫາງສຽງຂອງສັງຄົມ.


ໂດຍ: ເຈີນ ແດນວົງວິຈິດ
ຂ່າວເມືອງທ່າແຕງ 25/6/2020 ສົ່ງທຸກຄູ່ຮ່ວມງານ