ຮອງເຈົ້າເມືອງ ເຊບັ້ງໄຟ ລົງຕິດຕາມຊຸກຍູ້ ການຜະລິດ ແລະ ການສ້ອມແປງເສັ້ນທາງ

ຮອງເຈົ້າເມືອງ ເຊບັ້ງໄຟ ລົງຕິດຕາມຊຸກຍູ້ ການຜະລິດ ແລະ ການສ້ອມແປງເສັ້ນທາງ

22nd November 2019 0 By Admin

ຮອງເຈົ້າເມືອງ ລົງຕິດຕາມຊຸກຍູ້ ການຜະລິດລະດູແລ້ງ ແລະ ການສ້ອມແປງເສັ້ນທາງເຂດຄຳແພໃຕ້, ແກ້ງແປ, ທ່າຄໍ້, ທ່າຫາດ.

ໃນວັນທີ 20 ພະຈິກ 2019 ຜ່ານມາ ທ່ານ ບັນທະລາ ນໍລະເສນ ຄະນະປະຈຳພັກເມືອງ ຮອງເຈົ້າເມືອງໆເຊບັ້ງໄຟ ສົບທົບກັບຫົວໜ້າຫ້ອງການໂຍທາທິການເມືອງ, ຄະນະຫ້ອງການກະສິກຳ ແລະ ປ່າໄມ້ເມືອງ ລົງຕິດຕາມ,ຊຸກຍູ້ການຜະລິດລະດູແລ້ງ ແລະ ສ້ອມແປງເສັ້ນທາງເຂດຄຳແພໃຕ້.

ຈຸດປະສົງໃນການລົງເຄື່ອນໄຫວຄັ້ງນີ້ ກໍ່ເພື່ອຢ້ຽມຢາມຖາມຂ່າວ, ການກະກຽມຄວາມພ້ອມຂອງພໍ່-ແມ່ປະຊາຊົນເຂົ້າສູ່ການຜະລິດເຂົ້ານາແຊງ ເຊິ່ງຊາວກະສິກອນກໍ່ໄດ້ຂຸ້ນຂ້ຽວ ສ້ອມແປງຟື້ນຟູລະບົບຊົນລະປະທານ, ໂດຍສະເພາະແມ່ນການສັບໄຟຟ້າລົງໃສ່ຈັກສູບນ້ຳ, ສ້ອມແປງຈັກສູບນ້ຳ, ຄອງເໝືອງທີ່ມີການເປ່ເພ,

ພ້ອມທັງມີການສ້ອມແປງເສັ້ນທາງທີ່ເປ່ເພໃນການຖືກຜົນກະທົບຈາກໄພນ້ຳຖ້ວມ ເຂດບ້ານທ່າຄໍ້ຫາບ້ານທ່າຫາດ ເຊິ່ງໃນປີນີ້ຍັງໄດ້ຮັບທຶນໃນການສ້ອມແປງຈາກງົບປະມານຫ່ວງກອງທຶນທາງສົກປີ 2019 ຂອງກະຊວງໂຍທາທິການ ແລະ ຂົນສົ່ງ ມູນຄ່າໃນການສ້ອມແປງຄັ້ງນີ້ແມ່ນ 548,949,555 ກີບ ຄວາມກວ້າງ 4 ແມັດ, ຍາວ 6,000 ແມັດ.