ອັບເຕີຊ໋ອກຕໍ່ເນື່ອງ!!! ແຜ່ນດິນໄຫວ ທີ່ຫົງສາຫຼາຍກວ່າ 30 ຄັ້ງແລ້ວ, ຂໍໃຫ້ທຸກຄົນມີສະຕິ

ອັບເຕີຊ໋ອກຕໍ່ເນື່ອງ!!! ແຜ່ນດິນໄຫວ ທີ່ຫົງສາຫຼາຍກວ່າ 30 ຄັ້ງແລ້ວ, ຂໍໃຫ້ທຸກຄົນມີສະຕິ

21st November 2019 0 By Admin

ເຫດການແຜ່ນດິນໄຫວທີ່ເກີດຂຶ້ນຢູ່ ສປປ ລາວ ໃນເຊົ້າຂອງມື້ນີ້  (21 ພະຈິກ 2019) ນັບວ່າເປັນເຫດການປະຫວັດສາດໃນຮອບຫຼາຍປີທີ່ເກີດຂຶ້ນ ແລະ ມາຮອດປັດຈຸບັນນີ້ ມີອັບເຕີຊ໋ອກແລ້ວ 33 ຄັ້ງ.

ພາຍຫຼັງ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມໄດ້ອອກແຈ້ງການສະບັບທຳອິດ ໄດ້ເກີດມີການສັ່ນໄຫວຂອງແຜ່ນດິນ ຈຳນວນ 18 ຄັ້ງ ເຊິ່ງຄັ້ງທີ່ຮຸນແຮງກວ່າໝູ່ ແມ່ນຄັ້ງທີ 17 ວັດແທກໄດ້ທີ່ 6,4 ຣິກເຕີ ໃນເວລາ 6:50 ໂມງ. ຫຼັງຈາກນັ້ນ, ກໍ່ມີອັບເຕີຊ໋ອກຕາມມາ 11 ຄັ້ງ ແລະ ຮຸນແຮງສຸດແມ່ນເວລາ 8:00 ໂມງ ວັດແທກໄດ້ 4,8 ຣິກເຕີ ມີຄວາມເລີກຈາກໜ້າດິນ 7 ກິໂລແມັດ ແລະ ອີກຄັ້ງເວລາ 11:00 ວັດໄດ້ 3,8 ຣິກເຕີ ເຊິ່ງຄວາມສັ່ນສະເທືອນຈະຮັບຮູ້ໄດ້ພຽງບັນດາແຂວງພາກເໜືອເທົ່ານັ້ນ.

ຫຼ້າສຸດ, ມາຮອດຕອນແລງຂອງມື້ນີ້ ເວລາ 16:00 ກົມອຸຕຸນິຍົມ ແລະອຸທົກກະສາດໄດ້ອອກແຈ້ງການສະບັບທີ3 ອີກ ພົບວ່າຍັງມີອັບເຕີຊ໋ອກຕາມມາຕໍ່ເນື່ອງອີກ 4 ຄັ້ງ, ຮຸນແຮງສຸດຄືເວລາ 14:00 ໂມງ ວັດຄວາມແຮງໄດ້ 4,1 ຣິກເຕີ ເລີກລົງຈາກໜ້າດິນ 2 ກິໂລແມັດ ເຊິ່ງລວມການເກີດແຮງສັ່ນສະເທືອນຕັ້ງແຕ່ເຊົ້າມື້ດ ຈົນຮອດຕອນແລງມື້ນີ້ລວມເປັນ 33 ຄັ້ງ.