ປ່ຽນ​ຈາກ​ການ​ຊື້​ມາ​ຈືນ​ກິນ ແລະ ຂາຍ​ເປັນ​ອາ​ຊີບ​ເສີມ​ໄດ້ ວິ​ທີ​ຈືນ​ກ້ວຍ​ແບບ​ມື​ອາ​ຊີບ

ປ່ຽນ​ຈາກ​ການ​ຊື້​ມາ​ຈືນ​ກິນ ແລະ ຂາຍ​ເປັນ​ອາ​ຊີບ​ເສີມ​ໄດ້ ວິ​ທີ​ຈືນ​ກ້ວຍ​ແບບ​ມື​ອາ​ຊີບ

21st June 2020 0 By Admin

ໃຜ​ແນ່​ມັກ​ກິນ​ຈືນ​ກ້ວຍ ມື້​ນີ້​ຈະ​ມາ​ແນະ​ນຳ​ສູດ ແລະ ວິ​ທີ​ຈືນ​ກ້ວຍ​ແບບ​ກີນ​ເອງ​ໄດ້, ເຮັດ​ຂາຍ​ກໍ​ດີ ວິ​ທີ​ທີ່​ຈະ​ມາ​ແນະ​ນຳ ໃຊ້​ພຽງ​ແ​ປ້ງ​ໂກ​ກິ​ເທົ່າ​ນັ້ນ ເປັນ​ສູດ​ຂອງ  “Tukata Thai Kitchen” ກອບນອກ ໜຸ່ມ​ໃນ ຫອມ​ແຊບ

ກຽມ​ສ່ວນ​ປະ​ສົມ​ເລີຍ

ໝາກ​ກ້ວຍ 1 ຫວີ, ນ້ຳ​ຕານ​ຊາຍ 1 ຖ້ວຍ, ໝາກ​ພ້​າວ​ຂູດ 1 ຖ້ວຍ, ເກືອ 1 ບ່ວງ​ກາ​ເຟ, ແປ້ງ​ທອດກອບ(ໂກ​ກິ) 1 ຖ້ວຍ, ນ້ຳ​ລ້​າ 1/4 ຖ້ວຍ, ກະ​ທິ 1/2 ຖ້ວຍ, ນ້ຳ​ມັນ 2 ຖ້ວຍ, ງາ​ຂາວ 1 ຖ້ວຍ, ນ້ຳ​ປູນ​ໃສ 2 ບ່ວງ​ແກງ

ເລີ່ມ ໃສ່​ແປ້ງ​ໂກ​ກິ ຫຼື ແປ້ງ​ທອດກອບ 1 ຖ້ວຍ ລົງ​ໄປ​ໃນ​ຊາມ, ໃສ່​ກະ​ທິ​ລົງ​ໄປ ແລ້ວ​ຄົນ​ໃຫ້​ເຂົ້າ​ກັນ

ໃສ່​ນ້ຳ​ລ້າ​ລົງ​ໄປ ແຕ່​ຖ້າ​ເປັນ​ນ້ຳ​ເຢັນ​ກໍ​ຈະ​​ເພີ່ມ​ຄວາມກອບ​ໄດ້​ດີ, ຄົນ​ໃຫ້​ສ່ວນ​ປ​ປະ​ສົມ​ເຂົ້າ​ກັນ​ຈົນ​ລະ​ລາຍ​ເປັນ​ນ້ຳ​ດຽວ, ເຕີມ​ນ້ຳ​ຕານ​ຊາຍ​ແລ້ວ​ກໍ​ຄົນ​ໃຫ້​ເຂົ້າ​ກັນ​ດີ ແລ​້ວ​ໃສ່​ໝາກ​ພ້າວ​ຂູດ​ລົງ​ໄປ

ຕາມ​ດ້ວຍ​ງາ​ຂາວ (ຂົວ​ງາ​ກ່ອນ​ເດີ້ ແຕ່​ບໍ່​ໃຫ້​ງາ​ເຫຼືອງຫຼາຍ) ຈາກ​ນັ້ນ​ກໍ​ຄົນ​ທຸກ​ຢ່າງ​ໃຫ້​ເຂົ້າ​ກັນ

​ແລະ ກໍ​ຈະ​ໄດ້​ແປ້ງ​ທີ່​ຂຸ້ນ​ໜ້ອຍ​ໜຶ່ງ

ຈາກ​ນັ້ນ​ໃສ​ນ້ຳ​ປູນ​ໃສ​ລົງ​ໄປ ເຊິ່ງນ​ຊ້າ​ປູນ​ໃສ​ຈະ​ເຮັດ​ໃຫ້​ກ້ວຍກອບ​ດົນ (ບ້ານ​ເຮົາ​ມີ​ບໍ່​ນໍ​ລອງ​ຖາມ​ຕາມ​ຮ້ານ​ເບິ່ງ​ເດີ້) ແຕ່​ຖ້າ​ບໍ່​ມີ​ກໍ​ເຮັດ​ເອົາ​ເອງ​ກໍ​ໄດ້ ຄື ນຳ​ປູນ​ແດງ​ມາ 2 ບ່ວງ​ແກງ ແລ້ວ ເທ​ນ້ຳ​ໃສ່ ປິດ​ຝາ ສັ່ນ ໃຫ້​ປູນ​ລະ​ລາຍ ຕັ້ງ​ໄວ້​ໃຫ້​ປູນ​ແດງ​ຕົກ​ລົງ​ໄປ​ຢູ່​ກົ້ນ​ຈອກ ນ້ຳ​ໃສໆ​ທີ່​ລອຍ​ຢູ່​ເທິງ​ນັ້ນ​ແຫຼະ ນ້ຳ​ປູນ​ໃສ ເຫຼືອ​ກໍ​ເກັບ​ໄວ້​ໃຊ້​ອີກ​ໄດ້ ໃນ​ອຸນ​ຫະ​ພູມ​ທຳ​ມະ​ດາ.

ຈາກ​ນັ້ນ ໃສ່​ເກືອ 1 ບວງ​ແກງ

ຄົນ​ໃຫ້​ເຂົ້າ​ກັນ ຕໍ່​ໄປ​ແມ່ນ​ນ້ຳ​ກ້ວຍ​ມາ​ປາດ, ຝານ ຂະ​ໜາດ​ພໍ​ດີ ບໍ່​ບາງ ແລະ ບໍ່​ໜາຫຼາຍ ໝາກ​ໜຶ່ງ​ໄດ້ 3 ປ່ຽງ

​ແລ້ວໆ​ກໍ​ຕັ້ງ​ໝໍ ເອົາ​ນ້ຳ​ມັນ​ໃສ່ ໄຟ​ກາງໆ​ເດີ້ ແລ້ວ​ເອົາ​ກ້ວຍ​ຊຸບ​ແປ້ງ ລົງ​ຈືນ​ເລີຍ

ເວ​ລາ​ທອດ​ບໍ່​ຄວນ​ໃສ່​ໃຫ້​ກ້ວຍ​ແໜ່ນ​ກັນ​ໂພດ ເວ​ລາ​ປີ້ນ​ຈະ​ສະ​ດວກ ແລະ ມັນ​ກໍ​ຈະ​ບໍ່​ຕິດ​ກັນ

ພໍ​ມັນ​ເຫຼືອງ ກອບ​ໄດ້​ທີ່​ແລ້ວ ໃຫ້​ຕັກ​ຂຶ້ນ ແລ້ວ ເອົາ​ໄວ້​ເຈ້ຍ​ຊັບ​ມັນ​ໃຫ້​ນ້ຳ​ມັນ​ອອກ ເທົ່າ​ນີ້​ພໍ​ເຢັນ​ແນ່​ກິນ​ໄດ້​ເລີຍ

.

ລອງ​ເຮັດ​ເບິ່ງ​ເດີ່