ຮອດ​ແລ້ວ​ເດີ້​ລາ​ຄາ​ຄຳ ມື້​ນີ້ 8 ລ້ານ​ປາຍ​ຕໍ່ໜຶ່ງ​ບາດ​ແລ້ວ ! ຖ້າມ​ີ​ຊິ​ເອົາ​ໄປ​ຂາຍ

ຮອດ​ແລ້ວ​ເດີ້​ລາ​ຄາ​ຄຳ ມື້​ນີ້ 8 ລ້ານ​ປາຍ​ຕໍ່ໜຶ່ງ​ບາດ​ແລ້ວ ! ຖ້າມ​ີ​ຊິ​ເອົາ​ໄປ​ຂາຍ

20th June 2020 0 By Admin

ປ່າ​ຕິ​ໂທະ ລາຄາຄໍາຢູ່ລາວສູງເຖິງ 8 ລ້ານ​ ກີບຕໍ່ບາດ​ແລ້ວ​ເດີ້ ອັບ​ເດດ​ມື້​ນີ້ ລາ​ຄາ​ຄຳ​ຈາກ​ຮ້ານ​ຄຳ​ພູ​ວົງ ວັນທີ 20 ມິຖຸນາ ຢູ່​ທີ່  8.029.000 ກີບ​ຕໍ່ 1 ບາດ

ຊຶ່ງລາຄານີ້ແມ່ນສູງເປັນປະຫວັດສາດຂອງຕະຫຼາດຄໍາຢູ່ລາວ ໂດຍລາຄາຄໍາທີ່ສູງນີ້ແມ່ນນັບ ແຕ່ເດືອນ ພຶດສະພາ 2020 ນີ້ເປັນຕົ້ນມາ ຄືປະມານ 7.700.000 ຫາ 7.800.000 ຕໍ່ບາດ ຫຼັງຈາກທີ່ບັນດາຮ້ານຄໍາຕ່າງໆ ໄດ້ເລີ່ມເປີດບໍລິການ ພາຍຫຼັງທີ່ໄດ້ປິດກິດຈະ ການມາ ເປັນເວລາ 1 ເດືອນ ຄື ໃນເດືອນເມສາ ຍ້ອນມາດຕະການປ້ອງກັນພະຍາດໂຄວິດ-19.


ໃນໄລຍະ 3 ເດືອນຕົ້ນປີຄືເດືອນມັງກອນ ຫາເດືອນມີນາ 2020 ລາຄາຄໍາມີພຽງແຕ່ 7.000.000 ຫາ 7.200.000 ກີບ ຕໍ່ບາດເທົ່ານັ້ນ.

ທ່ານ ຈັນທະວົງ ພະມີສິດ ຜູ້ບໍລິຫານຮ້ານຄໍາແຫ່ງໜຶ່ງໄດ້ກ່າວວ່າສາເຫດ ທີ່ໄດ້ເຮັດໃຫ້ລາຄາຄໍາສູງ ຂຶ້ນຍ້ອນວ່າ:ຄໍາເປັນສັບຊັບສິນໝູນວຽນລະ ຫວ່າງປະເທດ ແລະ ທຸກໆປະເທດໃນໂລກນີ້ແມ່ນໃຊ້ຄໍາເປັນໂຕຮັບປະກັນຄວາມສ່ຽງເລື່ອງອັດຕາເງິນເຟີ້ ແລະ ຄໍາເປັນທຶນສໍາຮອງລະຫວ່າງປະເທດ, ຊຶ່ງປະຈຸບັນຄວາມຕ້ອງການຄໍາແມ່ນສູງຍ້ອນຄວາມບໍ່ແນ່ນອນຂອງສະພາບການແຜ່ລະບາດຂອງພະຍາດໂຄວິດ-19, ຍ້ອນສົງຄາມການຄ້າລະຫວ່າງ ປະເທດມະຫາອໍານາດ

ດັ່ງນັ້ນເຮັດໃຫ້ຊັບສິນທີ່ມີຄ່ານີ້ ຍິ່ງມີຄວາມຕ້ອງການຫຼາຍຂຶ້ນ ແລະ ອີກບັນຫາໜຶ່ງ ໃນໄລຍະມີມາດຕະການປ້ອງກັນການແຜ່ລະບາດຂອງພະຍາດໂຄວິດ -19 ໄດ້ເຮັດໃຫ້ການສົ່ງອອກສິນຄ້າຢູ່ລາວຈໍານວນໜຶ່ງໄດ້ຢຸດສະງັກ ໄປ ແຕ່ລາວເຮົາຍັງມີການ ເຂົ້າສິນຄ້າຈາກຕ່າງປະເທດຫລາຍກວ່າສົ່ງອອກ, ເຊິ່ງໄດ້ເຮັດໃຫ້ຄ່າເງິນກີບຂອງລາວໄດ້ອ່ອນຄ່າລົງເລັກນ້ອຍ ເມື່ອຄືແນວນັ້ນ ຖ້າເຮົາເອົາເງິນ ກີບຊື້ຄໍາລາຄາຄໍາກໍ່ຂຶ້ນສູງນັ້ນເອງ.