ອ່ານເບິ່ງ!!! ຄຳຖະແຫຼງການ ຈາກເຂື່ອນໄຊຍະ ທີ່ຫຼາຍຄົນຢາກຮູ້

ອ່ານເບິ່ງ!!! ຄຳຖະແຫຼງການ ຈາກເຂື່ອນໄຊຍະ ທີ່ຫຼາຍຄົນຢາກຮູ້

21st November 2019 0 By Admin

ກໍລະນີເກີດເຫດແຜ່ນດິນໄຫວ ທີ່ເມືອງ ຫົງສາ ແຂວງ ໄຊຍະບູລີ ຈຳນວນຫຼາຍຄັ້ງໃນວັນທີ 21 ພະຈິກ 2019 ນີ້ ໄດ້ສົ່ງຜົນກະທົບຕໍ່ເຮືອນຊານປະຊາຊົນ ແລະ ອາຄານສະຖານທີ່ຈຳນວນໜຶ່ງເສຍຫາຍ, ເຊິ່ງວັນດຽວກັນ ໂຮງໄຟຟ້າຫົງສາ ກໍ່ໄດ້ອອກແຈ້ງການຢຸດການເດີນເຄື່ອງຊົ່ວຄາວ ເພື່ອກວດການຄວາມເສຍຫາຍ  ແລະ ສິ່ງທີ່ສັງຄົມໃຫ້ຄວາມສົນໃຈ ແລະ ຢາກຮູ້ຄຳຕອບນັ້ນ ກໍ່ຄືເຂື່ອນນ້ຳຂອງໄຊຍະບູລີ ຈະໄດ້ຮັບຜົນກະທົບຈາກແຜ່ນດິນໄຫວຫຼື ບໍ? ບອກເລີຍສະບາຍດີຫາຍຫ່ວງ, ເຂື່ອນຍັງແໜ້ນໜາຖາວອນ ເດີນເຄື່ອງຜະລິດເປັນປົກກະຕິ ມີຖະແຫຼງການຢືນຢັນ!!!


ຕາມລາຍງານຫຼ້າສຸດຈາກ ບໍລິສັດຊີເຄ ຈຳກັດ ມະຫາຊົນ ຫຼື CKP ໄດ້ອອກຖະແຫຼງກາລາຍງານໃນຕອນບ່າຍມື້ນີ້ວ່າ: ໂຮງໄຟຟ້າພະລັງນ້ຳ ໄຊຍະບູລີ ແລະນ້ຳງື່ມ2 ຂອງບໍລິສັດຊີເຄພາວເວີ້ ໃນ ສປປ ລາວ ແມ່ນບໍ່ໄດ້ຮັບຜົນກະທົບຈາກເຫດການແຜ່ນດິນໄຫວແຕ່ຢ່າງໃດ.


ພ້ອມດຽວກັນນີ້ ທາງໂຮງງານພະລັງນ້ຳຂອງນ້ຳຂອງໄຊຍະບູລີຍັງຄົງເດີນເຄື່ອງຜະລິດຕາມປົກກະຕິ ແລະ ຈຳໜ່າຍກະແສໄຟໃຫ້ການໄຟຟ້າຝ່າຍຜະລິດແຫ່ງປະເທດໄທ ແລະ ລັດວິສາຫະກິດໄຟຟ້າລາວໄດ້ຢ່າງປົກກະຕິຕໍ່ເນື່ອງ.

ແຕ່ທັ້ງນີ້ບໍລິສັດກໍ່ບໍ່ໄດ້ຊະລາໃຈ  ຄະນະນຳບໍລິສັດໄດ້ຕິດຕາມສະຖານະການ ແລະ ຜົນກະທົບຈາກເຫດການນີ້ຢ່າງໃກ້ຊິດ ອີກຢ່າງໂຄງສ້າງ ແລະ ອຸປະກອນຂອງໂຮງໄຟຟ້າທັງສອງແຫ່ງຂອງບໍລິສັດ ຊີເຄແມ່ນເປັນໄປຕາມຂໍ້ກຳນົດ ແລະ ມາດຕະຖານຄວາມປອດໄພສູງສຸດ, ໃນແຈ້ງການລະບຸໄວ້!!!