ສູ້ໆເດີ້ພີ່ນ້ອງໄຊຍະ! ປະຊາຊົນຫຼາຍຄອບຄົວ ອົບພະຍົບມານອນອກເຮືອນ ຢ້ານແຜ່ນດິນໄຫວ

ສູ້ໆເດີ້ພີ່ນ້ອງໄຊຍະ! ປະຊາຊົນຫຼາຍຄອບຄົວ ອົບພະຍົບມານອນອກເຮືອນ ຢ້ານແຜ່ນດິນໄຫວ

21st November 2019 0 By Admin

ຈາກເຫດການແຜ່ນດິນໄຫວຮຸນແຮງຢູ່ເມືອງຫົງສາ ແລະ ເມືອງໄຊສະຖານ ແຂວງໄຊຍະບູລີໃນຕອນເຊົ້າຂອງມື້ນີ້ ເຮັດໃຫ້ປະຊາຊົນຂົງເຂດດັ່ງກ່າວບໍ່ກ້ານອນໃນບ້ານເຮືອນຂອງຈົນເອງ ເກັບເຄື່ອງຂອງຕ່າງໆ ອອກມານອນຢູ່ກາງເດີ່ນໂຮງຮຽນ.

ໂດຍຜູ້ໃຊ້ເຟສບຸກຊື່ Pern Phanhtuluk ອອກມາໂພສພາບປະຊາຊົນກາງເຕັ້ນນອນຢູ່ເດີ່ນໂຮງຮຽນ ພ້ອມລະບຸຂໍ້ຄວາມວ່າ ບ່ອນອົຍພະຍົບຕອນຄໍ່ານີ້ ກໍາລັງເຕົ້າໂຮມກັນຢູ່ເດີ່ນໂຮງຮຽນ.

ເຊີ່ງຜູ້ໂພສຍັງໃຫ້ຂໍ້ມູນຕື່ມວ່າ ແຜ່ນດິນໄຫວຍັງມາເປັນໄລຍະໆ ແຕ່ກໍ່ບໍ່ແຮງປານໃດແລ້ວ.

ຂະນະທີ່, ເມືອງໄຊສະຖານ ກໍ່ໄດ້ຮັບຜົນກະທົບຈາກເຫດແຜ່ນດິນໄຫວ  ເຊິ່ງປັດຈຸບັນປະຊາຊົນຢູ່ບ້ານປາກລອງ ເມືອງໄຊສະຖານ ແຂວງໄຊຍະບູລີ ໄດ້ອອກມາເຕົ້າໂຮມກັນອາໃສເດີ່ນໂຮງຮຽນເປັນບ່ອນພັກເຊົາຊົ່ວຄາວໄປກ່ອນເຊັ່ນກັນ.

 

 

ເຖິງຢ່າງໃດກໍ່ຕາມຂໍໃຫ້ປະຊາຊົນເຂດທີ່ໄດ້ຮັບຜົນກະທົບ ກັບມາເປັນປົກກະຕິໂດຍໄວ ພ້ອມເປັນກຳລັງໃຈໃຫ້ຜ່ານພົ້ນວິກິດການນີ້ໄປໄດ້ດ້ວຍດີເທີ້ນ!!!