ກອງພົນທີ 1 ເປີດອົບຮົມເພີ່ມເຕີມພາຫະນະ ແລະ ອາວຸດສະນິດໃໝ່

ກອງພົນທີ 1 ເປີດອົບຮົມເພີ່ມເຕີມພາຫະນະ ແລະ ອາວຸດສະນິດໃໝ່

18th June 2020 0 By Admin

ໃນວັນທີ12 ມິຖຸນາ 2020 ນີ້, ຫ້ອງເຕັກນິກກອງພົນທີ 1 ໄດ້ສໍາເລັດການອົບຮົມໄລຍະ ສັ້ນວຽກງານເຕັກນິກເພີ່ມເຕີມ ກ່ຽວກັບລົດລຸ້ນໃໝ່ ແລະ ອາວຸດ ຊະນິດໃໝ່ຂຶ້ນ, ໂດຍການເປັນປະ ທານຂອງ ສະຫາຍ ພົນຈັດຕະວາ ສາຍໃຈ ກົມມະສິດ ຮອງເລຂາ ຄະນະພັກ, ຫົວໜ້າການທະຫານ ກອງພົນທີ 1, ມີອົງການ, ພະ ແນກການ, ກົມກອງທີ່ກ່ຽວ ຂ້ອງ ແລະ ນັກສໍາມະນາກອນ ເຂົ້າຮ່ວມ.

.

ໃນກອງປະຊຸມ ສະຫາຍ ພັນ ໂທ ວຽງວິໄລພົງ ກົງແກ້ວ ຫົວ ໜ້າພະແນກແຜນການເຕັກນິກໄດ້ຍົກໃຫ້ເຫັນໃນໄລຍະຜ່ານມາ ເຫັນວ່າຜົນໄດ້ຮັບໃນການຈັດຕັ້ງ ປະຕິບັດວຽກງານຮັບປະກັນເຕັກ ນິກ ຢູ່ບັນດາກົມກອງເຫັນວ່າ ການຄຸ້ມຄອງນໍາໃຊ້ພາຫະນະ ເຕັກນິກລຸ້ນໃໝ່, ອາວຸດຍຸດໂທ ປະກອນທີ່ຮັບມາໃໝ່ ຍັງນໍາໃຊ້ ບໍ່ທັນໄດ້ດີເທົ່າທີ່ຄວນ. ດັ່ງນັ້ນ ຫ້ອງເຕັກນິກກອງພົນທີ 1 ຈຶ່ງ ໄດ້ສ້າງແຜນການອົບຮົມ-ຫັດ ແອບວຽກງານເຕັກນິກລົດລຸ້ນ ໃໝ່ ແລະ ອາວຸດທີ່ຮັບມາໃໝ່ ໃຫ້ບັນດາກົມກອງ ເພື່ອເຮັດ ໃຫ້ຄະນະພັກ-ຄະນະບັນຊາທຸກ ຂັ້ນຕ້ອງເຊື່ອມຊຶມ, ກໍາແໜ້ນ ແລະ ເຂົ້າໃຈແຈ້ງກ່ຽວກັບວຽກ ງານຮັບປະກັນເຕັກນິກ, ກໍາໄດ້ ບົດບາດ, ຄວາມໝາຍ, ຄວາມ ສໍາຄັນເປັນພື້ນຖານໃຫ້ແກ່ກົມ ກອງເຮັດສໍາເລັດໜ້າທີ່ການ ເມືອງຂອງຕົນ.

.

ເພື່ອເປັນການ ຍົກລະດັບຄວາມຮັບຮູ້, ຄວາມ ສາມາດໃຫ້ພະນັກງານວິຊາສະ ເພາະເຕັກນິກ, ເຂົ້າໃຈກໍາໄດ້ ບັນດາເນື້ອໃນ, ວິທີການນໍາໃຊ້ ພາຫະນາ ແລະ ອາວຸດລຸ້ນໃໝ່ ເພື່ອໝູນໃຊ້ໃຫ້ສອດຄ່ອງກັບໜ້າ ທີ່ການເມືອງຂອງກົມກອງໃຫ້ ເປັນລະບົບຕໍ່ເນື່ອງ ແລະ ຖືກ ກັບຫຼັກການທີ່ທາງຂັ້ນເທິງວາງ ອອກ ແລະ ເປັນການປັບປຸງໃນ ການປະຕິບັດໜ້າທີ່ວິຊາສະເພາະ ເຕັກນິກຕົວຈິງ ຢູ່ໃນບັນດາກົມ ກອງໃຫ້ມີປະສິດທິຜົນສູງຂຶ້ນ ກ່ວາເກົ່າ ແລະ ຜ່ານການອົບ ຮົມ-ຫັດແອບມາເປັນເວລາ 5 ວັນ, ມີນັກເຝິກອົບຮົມມາຈາກ ແຕ່ລະອົງການ, ກົມກອງເຂົ້າ ຮ່ວມທັງໝົດ 62 ສະຫາຍ;

.

ສາ ມາດສະຫຼຸບຜົນໄດ້ຮັບດັ່ງນີ້: ການ ອົບຮົມວຽກງານຄຸ້ມຄອງອາ ວຸດ-ກະສຸນ 27 ສະຫາຍ, ເອກະ ສານຂຶ້ນຫ້ອງມີ 10 ບົດຄື: ປືນ ສັ້ນ ເຕ 77, 2, ປືນກົນມືເຕ 79 ແລະ ເຕ 97 ອາ, ປືນກົນມືອາ ກາ 81, ປືນຄົກ 60 ມມ, ປືນ ຄົກ 82-ກາ 67, ປືນເດກາ ແຊັດ 82-78 ອາ, ວິທີປົກປັກ ຮັກສາສ້າງຄັງອາວຸດ-ຍຸດໂທ ປະກອນ, ຫຼັກການຮັກສາ ຄວາມປອດໄພໃນສາງ, ວຽກ ງານກະກຽມ ແລະ ທໍາລາຍ ເຄື່ອງຍຸດໂທເສຍຄຸນ ແລະ ພາກບົວລະບັດ, ສາມາດຕີລາ ຄາໄດ້ 80%, ອົບຮົບວຽກ ງານຄຸ້ມຄອງ-ນໍາໃຊ້ກໍານົດ ເວລາ 1 ວັນ ມີນັກອົບຮົມເຂົ້າ ຮ່ວມ 36 ສະຫາຍ, ເອກະສານ ຂຶ້ນຫ້ອງມີ 1 ບົດຄື: ພາກບົວ ລະບັດຕີລາຄາໄດ້ 65%, ອົບ ຮົມວຽກງານສ້ອມແປງລົດໂອ ໂຕ ກໍານົດເວລາ 4 ວັນ ຈໍານວນ ພົນເຂົ້າຮ່ວມ 36 ສະຫາຍ, ເອ ກະສານຂຶ້ນຫ້ອງ ມີ 8 ບົດຄື:

.

ລະບົບໄຟຈູດໄໝ້ ເຕກາ-120, ການປະກອບສ້າງລວມ ແລະ ການທໍາງານຂອງລະບົບໄຟ ຈູດໄໝ້ ເຕກາ-200, ວົງຈອນ ໄຟສາກ ແລະ ສະຕັດ, ວົງຈອນ ໄຟຕາໃຫຍ່ ແລະ ຕາລີ່, ວົງຈອນ ໄຟຕາລ້ຽວ ແລະໄຟສຸກເສີນ, ລະບົບກ່ອງຫົວເຜົາ, ລົງພາກຕົວ ຈິງຕິດຕັ້ງລະບົບເບກລົດອູ່ລານ; ລົດຊັກໂກ; ລົດເຊອາ 1091, ແກ້ໄຂກໍລະນີຕິດຂັດ, ຜ່ານການ ອົບຮົມ-ຫັດແອບຕີລາຄາໄດ້ 85%.

.

ໂດຍລວມແລ້ວສະເລ່ຍ ໄດ້ຕາມລະດັບຄາດໝາຍ ແລະ ແຜນການທີ່ວາງໄວ້. ໃນຕອນທ້າຍພິທີ ສະຫາຍ ພົນຈັດຕະວາ ສາຍໃຈ ກົມມະ ສິດ ກໍໄດ້ມີຄຳເຫັນຊີ້ນໍາ ແລະ ຮຽກຮ້ອງໃຫ້ບັນດານັກອົບຮົມ ຕ້ອງມີແນວຄິດໜັກແໜ້ນ, ມີ ຄຸນສົມບັດ-ສິນທໍາປະຕິວັດ, ດຸ ໝັ້ນຄົ້ນຄ້ວາຮຽນຮູ້ໜ້າທີ່ວິຊາ ສະເພາະຂອງຕົນເອງໃຫ້ມີ ຄວາມຊໍານານ. ຈົ່ງເປັນເຈົ້າ ການຍົກສູງຄວາມຮັບຜິດຊອບ ອອກແຮງສຸ້ມທຸກເຫື່ອແຮງ, ຈິດ ໃຈ, ສະຕິປັນຍາເຂົ້າໃນການຈັດ ຕັ້ງປະຕິບັດໜ້າທີ່ວິຊາສະເພາະ ຂອງຕົນ.

.

ເສີມຂະຫຍາຍຫົວຄິດ ປະດິດສ້າງໝູນໃຊ້ທ່າແຮງ ຂອງກົມກອງ ໃນການປັບປຸງ, ແກ້ໄຂ, ແຕ່ງເຕີມ ເພື່ອຍົກລະດັບ ຄຸນນະພາບຂອງອາວຸດ-ຍຸດ ໂທປະກອນ ໃຫ້ມີປະສິດທິຜົນ. ເຮັດວຽກຕ້ອງມີແບບແຜນເພາະ ມັນເປັນຫຼັກການ, ເປັນກົດເກນ ພາວະວິໄສຂອງທຸກໜ້າທີ່ວຽກ ງານ. ອອກ ແຮງຄົ້ນ ຄ້ວາຮໍ່າ ຮຽນເພື່ອກໍາເອົາເນື້ອໃນ, ທິດ ສະດີ, ຫຼັກການ, ລໍາດັບຂັ້ນຕອນ ທີ່ໄດ້ອົບຮົມ-ຮໍ່າຮຽນມາ ໄປ ນໍາໃຊ້ເຂົ້າໃນໜ້າທີ່ຄວາມຮັບຜິດ ຊອບຕົວຈິງຂອງຕົນໃຫ້ໄດ້ຮັບ ໝາກຜົນ. ເພື່ອພ້ອມປັບປຸງຍົກ ລະດັບຄຸນນະພາບຂອງວິຊາສະ ເພາະເຕັກນິກໃຫ້ມີຄວາມໜັກ ແໜ້ນເຂັ້ມແຂງໃນທຸກດ້ານ, ຮັບ ປະກັນໃຫ້ແກ່ກົມກອງເຮັດສໍາ ເລັດໜ້າທີ່ການເມືອງເມື່ອຂັ້ນ ເທິງຮຽກຮ້ອງຕ້ອງການ.

.

ໂດຍ: ໂກຮັງ ພັນທະວົງ