ປາກລາຍ ຮັບຮອງເອົາ 14 ບ້ານ ເປັນຄອບຄົວ ແລະ ບ້ານສາມັກຄີປອງດອງ

ປາກລາຍ ຮັບຮອງເອົາ 14 ບ້ານ ເປັນຄອບຄົວ ແລະ ບ້ານສາມັກຄີປອງດອງ

16th June 2020 0 By Admin

ເມືອງປາກລາຍ ແຂວງໄຊຍະບູລີ ໄດ້ຮັບຮອງເອົາ14ບ້ານເປັນຄອບຄົວ ແລະ ບ້ານສາມັກຄີປອງດອງ ພິທີດັ່ງກ່າວແມ່ນໄດ້ຈັດຂື້ນໃນວັນທີ12ມິຖຸນາ2020ຜ່ານມານີ້ ທີ່ຫໍປະຊຸມບ້ານນໍ້າຊົ້ງ ໂດຍການໃຫ້ກຽດເຂົ້າຮວ່ມຂອງທ່ານ ສົມຈິດ ຈັນທະວົງ ກໍາມະການພັກແຂວງເລຂາພັກເມືອງເຈົ້າເມືອງໆປາກລາຍ,ມີທ່ານ ບົວຈາວ ຈໍາປາ ປະທານແນວລາວສ້າງຊາດເມືອງ,ມີອໍານາດການປົກຄອງບ້ານ ພໍ່ແມ່ປະຊາຊົນ ພ້ອມດວ້ຍປະທານແນວລາວສ້າງຊາດເຂົ້າຮວ່ມ.

ໃນພິທີທ່ານ ວຽງ ສີສະຫວັນ ນາຍບ້ານໆນໍ້າຊົ້ງ ໄດ້ຕາງໜ້າໃຫ້ແຕ່ລະບ້ານລາຍງານໃຫ້ຮູ້ວ່າ: ປະຊາຊົນພາຍໃນບ້ານແມ່ນໄດ້ຕັ້ງໜ້າປະກອບສວ່ນ ໃນຂະບວນການກໍ່ສ້າງຄອບຄົວສາມັກຄີປອງດອງ ມີຄວາມສາມັກຄີຮັກແພງຖືກຕ້ອງປອງດອງກັນ ມີຄວາມສາມັກຄີເຄົາລົບນັບຖືເຊິ່ງກັນ ແລະ ກັນ ຄອບຄົວມີຄວາມອົບອຸ່ນ ມີແບບແຜນການດໍາລົງຊີວິດປອດໃສ ແລະ ເສີມຂະຫຍາຍມູນເຊື້ອອັ້ນດີງາມຂອງຊາດ ມີການຊວຍເຫຼືອກັນໃນຍາມທຸກຍາກ ນັບຖືລະບຽບກົດໝາຍຕ່າງໆ ປະກອບສວ່ນເຂົ້າໃນວຽກງານຂອງບ້ານ ໂດຍບໍ່ສ້າງຄວາມຫຍຸ້ງຍາກໃຫ້ແກ່ການຈັດຕັ້ງບ້ານ,ສ້າງເງືອນໄຂໃຫ້ລູກຫຼານໄດ້ເຂົ້າໂຮງຮຽນ ເຮັດໃຫ້ຊີວິດການເປັນຢູ່ດີຂື້ນເລື້ອຍໆ ຜ່ານການກວດກາປະເມີນຜົນຕາມມາດຖານ ແລະ ເງື່ອນໄຂ14ບ້ານ,ມີ3.219ຄອບຄົວ,ສາມາດປະຕິບັດໄດ້3.103ຄອບຄົວ

ເທົ່າກັບ96%,ຄອບຄົວປະຕິບັດບໍ່ໄດ້ຕາມມາດຖານມີ116ຄອບຄົວເທົ່າກັບ4% ຈາກນັ້ນໃນພິທີກໍ່ໄດ້ຜ່ານຂໍ້ຕົກລົງຂອງທ່ານເຈົ້າເມືອງໆປາກລາຍເລກທີ 829/ຈມປລ ວ່າດວ້ຍການຢັ້ງຢືນ ຮັບຮອງເອົາຄອບຄົວສາມັກຄີປອງດອງຈໍານວນ3.103ຄອບຄົວ ແລະ ຂໍ້ຕົກລົງຂອງທ່ານເຈົ້າແຂວງໄຊຍະບູລີເລກທີ 1446/ຈຂຊຍ ວ່າດວ້ຍການມອບໃບຢັ້ງຢືນຈໍານວນ14ບ້ານເປັນບ້ານສາມັກຄີປອງດອງ ພ້ອມທັງຈັດພິທີມອບຢ່າງເປັນທາງການ.