ມອບ-ຮັບປ້ຳນ້ຳມັນກອງພົນທີ 5

ມອບ-ຮັບປ້ຳນ້ຳມັນກອງພົນທີ 5

15th June 2020 0 By Admin

ໃນວັນທີ 11 ມິຖຸນາ 2020 ນີ້, ຢູ່ທີ່ກອງພົນທີ 5 ໄດ້ຈັດຕັ້ງ ພິທີມອບ-ຮັບປ້ຳນໍ້າມັນຂຶ້ນລະ ຫວ່າງກົມເຊື້ອໄຟ ກົມໃຫຍ່ພະລາ ທິການກອງທັບ ກັບ ກອງພົນທີ 5 ໂດຍການເຂົ້າຮ່ວມ ເປັນປະທານ ຂອງສະຫາຍ ພົນຈັດຕະວາ ສົມ ໃຈ ເພັດທະວົງສີ ຄະນະພັກອົງ ການກົມໃຫຍ່, ຫົວໜ້າກົມເຊື້ອໄຟ ກົມໃຫຍ່ພະລາທິການກອງທັບ ໂດຍການເຂົ້າຮ່ວມຂອງ ສະຫາຍພັນເອກ ບຸນທັນ ມາບຸດສະດີ ຫົວໜ້າການເມືອງກອງພົນທີ 5

.

ມີຄະນະພັກ-ຄະນະບັນຊາ ຈາກອົງການ 5 ຫ້ອງ ແຂກຖືກ ເຊີນຈາກໂຮງຮຽນເລກ 2 ວຽງ ໄຊ , ໂຮງໝໍບໍລິເວນ 106 ກອງທັບ , ໂຮງງານປະສານເຫຼົ່າພາກໃຕ້, ສາງນ້ຳມັນເລກ 8 , ບໍລິສັດກໍ່ສ້າງ ຂົວທາງຄົບວົງຈອນກອງທັບ ພ້ອມດ້ວຍພະນັກງານວິຊາການ, ພະແນກການທີ່ກ່ຽວຂ້ອງເຂົ້າ ຮ່ວມ.

.

ໂອກາດດັ່ງກ່າວ ສະຫາຍ ພົນ ຈັດຕະວາ ສົມໃຈ ເພັດທະວົງສີ ຫົວໜ້າກົມເຊື້ອໄຟກົມໃຫຍ່ພະລາ ທິການກອງທັບ ຜູ້ຊີ້ນຳໂຄງການ ກໍ່ສ້າງປ້ຳນ້ຳມັນກອງພົນທີ 5 ກໍໄດ້ຂຶ້ນຜ່ານບົດສະຫຼຸບຜົນສຳ ເລັດຂອງການກໍ່ສ້າງປ້ຳນ້ຳມັນ ໂດຍປະຕິບັດຕາມຂໍ້ຕົກກລົງຂອງ ກົມໃຫຍ່ພະລາທິການກອງທັບ ສະບັບເລກທີ 34/ກພລ ລົງວັນທີ 14 ມັງກອນ 2020 ວ່າດ້ວຍ ການມອບສິດໃຫ້ກົມເຊື້ອໄຟເປັນ ຜູ້ຄຸ້ມຄອງ ແລະ ດຳເນີນການກໍ່ ສ້າງໂດຍກົງ, ຜ່ານການກໍ່ສ້າງ ມາແຕ່ຕົ້ນເດືອນ ມີນາ ຮອດ ເດືອນ ເມສາ 2020 ເຊິ່ງໄດ້ຍົກ ໃຫ້ເຫັນຂໍ້ສະດວກຂໍ້ຫຍຸ້ງຍາກ ແຕ່ກໍສາມາດເຮັດສຳເລັດຕາມ ແຜນການ ເຊິ່ງມີມູນຄ່າການກໍ່ ສ້າງທັງໜົດ 696.197.305 ກີບ.

(ຫົກຮ້ອຍເກົ້າສິບຫົກລ້ານ ໜຶ່ງແສນເກົ້າສິບເຈັດພັນສາມ ຮ້ອຍຫ້າກີບ) ໂອກາດດັ່ງກ່າວ ສະຫາຍ ພັນໂທ ອຸດອນ ພົມມະ ໄຊ ຫົວໜ້າຫ້ອງພະລາທິການ ກອງພົນທີ 5 ກໍໄດ້ຂຶ້ນກ່າວຂອບ ອົກຂອບໃຈຕໍ່ກົມເຊື້ອໄຟກົມໃຫຍ່ ພະລາທິການກອງທັບ ກໍຄືກະ ຊວງປ້ອງກັນປະເທດ ຍາມໃດກໍ ໄດ້ໃຫ້ຄວາມສຳຄັນຕໍ່ວຽກງານພະລາທິການ ຮັບປະກັນໃຫ້ກຳ ລັງປະກອບອາວຸດເຮັດສຳເລັດ ໜ້າທີ່ ແລະ ການມອບ-ຮັບປ້ຳນ້ຳ ມັນຄັ້ງນີ້ແມ່ນມີຄວາມໝາຍ ຄວາມສຳຄັນຢ່າງຍິ່ງ ໃຫ້ແກ່ວຽກ ງານເຊື້ອໄຟ ເພື່ອຮັບປະກັນເບີກ ຈ່າຍນ້ຳມັນໃຫ້ຖືກຕ້ອງຕາມຫຼັກ ການທີ່ຂັ້ນເທິງວາງອອກ.

.

ຈາກນັ້ນ ຍັງໃຫ້ຄຳໝັ້ນສັນຍາວ່າຈະພ້ອມ ກັນປົກປັກຮັກສາ ແລະ ນຳໃຊ້ໃຫ້ ໄດ້ຍາວນານ ເພື່ອຮັບປະກັນເຮັດ ສຳເລັດໜ້າທີ່. ພ້ອມກັນນັ້ນ, ທັງ ສອງ ຝ່າຍກໍໄດ້ເຊັນສັນຍາມອບ-ຮັບລະຫວ່າງ ສະຫາຍ ພົນຈັດຕະ ວາ ສົມໃຈ ເພັດທະວົງສີ ຫົວ ໜ້າກົມເຊື້ອໄຟເປັນຜູ້ກ່າວມອບ ແລະ ສະຫາຍ ພັນເອກ ບຸນທັນ ມາບຸດສະດີ ຫົວໜ້າການເມືອງ ກອງພົນທີ 5 ເປັນຜູ້ກ່າວຮັບ ໂດຍຊ້ອງໜ້າຄະນະພັກ-ຄະນະ ບັນຊາ, ແຂກຖືກເຊີນ, ພະແນກ ພະນັກງານວິຊາການເປັນສັກຂີ ພະຍານ. ຈາກນັ້ນກໍຍັງໄດ້ເປີດ ແຜ່ນຜ້ານຳໃຊ້ປຳ້ນໍ້າມັນກອງພົນ ທີ 5 ຢ່າງເປັນທາງການ. ໂດຍ: ແສງອາທິດ ສີດາໄລ