​ໂອ​ໂຫ້ ລາ​ຄາ​ຄຳ​ມື້​ນີ້ 7 ລ້ານ 9 ແສນ​ປາຍ 1 ບາດ ສູງຫຼາຍແລະ​ມີ​ທ່າ​ວ່າ​ຈະ​ສູງ​ຂຶ້ນ​ເລື້ອຍໆ

​ໂອ​ໂຫ້ ລາ​ຄາ​ຄຳ​ມື້​ນີ້ 7 ລ້ານ 9 ແສນ​ປາຍ 1 ບາດ ສູງຫຼາຍແລະ​ມີ​ທ່າ​ວ່າ​ຈະ​ສູງ​ຂຶ້ນ​ເລື້ອຍໆ

15th June 2020 0 By Admin

ລາຄາຄໍາຢູ່ລາວສູງເຖິງ 7.929.000 ກີບຕໍ່ບາດ ໃນວັນທີ 15 ມິຖຸນາ 2020  ຊຶ່ງລາຄານີ້ແມ່ນສູງເປັນປະຫວັດສາດຂອງຕະຫຼາດຄໍາຢູ່ລາວ ໂດຍລາຄາຄໍາທີ່ສູງນີ້ແມ່ນນັບ ແຕ່ເດືອນ ພຶດສະພາ 2020 ນີ້ເປັນຕົ້ນມາ ຄືປະມານ 7.700.000 ຫາ 7.800.000 ຕໍ່ບາດ ຫຼັງຈາກທີ່ບັນດາຮ້ານຄໍາຕ່າງໆ ໄດ້ເລີ່ມເປີດບໍລິການ ພາຍຫຼັງທີ່ໄດ້ປິດກິດຈະ ການມາ ເປັນເວລາ 1 ເດືອນ ຄື ໃນເດືອນເມສາ ຍ້ອນມາດຕະການປ້ອງກັນພະຍາດໂຄວິດ-19


ໃນໄລຍະ 3 ເດືອນຕົ້ນປີຄືເດືອນມັງກອນ ຫາເດືອນມີນາ 2020 ລາຄາຄໍາມີພຽງແຕ່ 7.000.000 ຫາ 7.200.000 ກີບ ຕໍ່ບາດເທົ່ານັ້ນ.

ທ່ານ ຈັນທະວົງ ພະມີສິດ ຜູ້ບໍລິຫານຮ້ານຄໍາແຫ່ງໜຶ່ງໄດ້ກ່າວວ່າສາເຫດ ທີ່ໄດ້ເຮັດໃຫ້ລາຄາຄໍາສູງ ຂຶ້ນຍ້ອນວ່າ:ຄໍາເປັນສັບຊັບສິນໝູນວຽນລະ ຫວ່າງປະເທດ ແລະ ທຸກໆປະເທດໃນໂລກນີ້ແມ່ນໃຊ້ຄໍາເປັນໂຕຮັບປະກັນຄວາມສ່ຽງເລື່ອງອັດຕາເງິນເຟີ້ ແລະ ຄໍາເປັນທຶນສໍາຮອງລະຫວ່າງປະເທດ, ຊຶ່ງປະຈຸບັນຄວາມຕ້ອງການຄໍາແມ່ນສູງຍ້ອນຄວາມບໍ່ແນ່ນອນຂອງສະພາບການແຜ່ລະບາດຂອງພະຍາດໂຄວິດ-19, ຍ້ອນສົງຄາມການຄ້າລະຫວ່າງ ປະເທດມະຫາອໍານາດ

ດັ່ງນັ້ນເຮັດໃຫ້ຊັບສິນທີ່ມີຄ່ານີ້ ຍິ່ງມີຄວາມຕ້ອງການຫຼາຍຂຶ້ນ ແລະ ອີກບັນຫາໜຶ່ງ ໃນໄລຍະມີມາດຕະການປ້ອງກັນການແຜ່ລະບາດຂອງພະຍາດໂຄວິດ -19 ໄດ້ເຮັດໃຫ້ການສົ່ງອອກສິນຄ້າຢູ່ລາວຈໍານວນໜຶ່ງໄດ້ຢຸດສະງັກ ໄປ ແຕ່ລາວເຮົາຍັງມີການ ເຂົ້າສິນຄ້າຈາກຕ່າງປະເທດຫລາຍກວ່າສົ່ງອອກ, ເຊິ່ງໄດ້ເຮັດໃຫ້ຄ່າເງິນກີບຂອງລາວໄດ້ອ່ອນຄ່າລົງເລັກນ້ອຍ ເມື່ອຄືແນວນັ້ນ ຖ້າເຮົາເອົາເງິນ ກີບຊື້ຄໍາລາຄາຄໍາກໍ່ຂຶ້ນສູງນັ້ນເອງ.