ເຕືອນ​ພາ​ຍຸພາຍຸໄຕ້ຝຸ່ນນູຣິ(NURI) ຝົນ​ຈະ​ຕົກ​ໜັກ ແລະ ມີ​ລົມ​ພັດ​ແຮງ ພາກ​ເໜືອ-ພາກ​ກາງ​ຂອງ​ປະ​ເທດ

ເຕືອນ​ພາ​ຍຸພາຍຸໄຕ້ຝຸ່ນນູຣິ(NURI) ຝົນ​ຈະ​ຕົກ​ໜັກ ແລະ ມີ​ລົມ​ພັດ​ແຮງ ພາກ​ເໜືອ-ພາກ​ກາງ​ຂອງ​ປະ​ເທດ

14th June 2020 0 By Admin

ເຕືອນ​ພາ​ຍຸພາຍຸໄຕ້ຝຸ່ນນູຣິ(NURI) ພວມເຄື່ອນຕົວໄປສູ່ທະເລຈີນໄຕ້ ເຊິ່ງຄາດວ່າຈະກະທົບບ້ານເຮົາທາງພາກເໜືອຫາພາກກາງ ເຮັດໃຫ້ມີຝົນຕົກໜັກລົມພັດແຮງ ອັນນ້ຳໄປສູ່ບັນດາດິນເຈື່ອນ ແລະນ້ຳຊຸໄດ້.

ຕາມແຈ້ງການຂອງກົມອຸຕຸນິຍົມ ແລະອຸທົກກະສາດມື້ນີ້ໃຫ້ຮູ້ວ່າ: ມໍລະສຸມຕາເວັນຕົກສ່ຽງໃຕ້ມີກຳລັງປານກາງຫາແຮງພັດປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບພາຍຸໝູນເຂດຮ້ອນ ນູຣິ (NURI) ຫົວທີ 02 ໃນປີ 2020,ໃນເວລາ 7 ໂມງເຊົ້້າ ມີຈຸດສູນກາງຢູ່ເສັ້້ນຂະໜານທີ 18.4 ອົງສາເໜືອ ແລະ ເສັ້ນແວງທີ 115.4 ອົງສາຕາເວັນອອກ, ພວມເຄື່ອນທີ່ໄປທາງທິດຕາເວັນຕົກສ່ຽງເໜືອດ້ວຍຄວາມໄວ 25 ກິໂລແມັດຕໍ່ຊົ່ວໂມງ.

ລັກສະນະເຊັ່ນນີ້ຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍຫາປານກາງເປັນບໍລິເວນກວ້າງ ແລະ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນແຂວງພາກເໜືອ ຫາ ພາກກາງ, ດັ່ງນັ້ນ ຈຶ່ງແຈ້ງເຕືອນເຖິງປະຊາຊົນ ແລະ ອົງການປົກຄອງທຸກພາກສ່ວນໃຫ້ມີສະຕິຕໍ່ສະພາບຝົນຕົກໜັກ ພ້ອມມີລົມແຮງ, ຊຶ່ງອາດຈະເຮັດໃຫ້ເກີດມີດິນເຈື່ອນ ແລະ ນໍ້າຖ້ວມຊຸໄດ້.

ຕາມຂ່າວໄທ ພາຍຸເຂດຮ້ອນນູຣິ ຈະມີຂະໜາດເສັ້ນຜ່າກາງຫຼາຍກວ່າ 100 ກິໂລແມັດ ເປັນພາຍຸໝູນເຂດຮ້ອນ ໃນໄລຍະກາງຈະມີກຳລັງແຮງກວ່າພາຍຸດີເປຣຊັ່ນ ແຕ່ຍັງສາມາດພັດທະນາລະດັບຄວາມຮຸນແຮງໄດ້ເທົ່າກັບພາຍຸໄຕ້ຝຸ່ນເຮຣິເຄນ.