ທ່ານ ຈັນທະບູນ ສຸກອາລຸນ ຜູ້ອຳນວຍການລັດວິສາຫະກິດໄຟຟ້າລາວຄົນໃໝ່

ທ່ານ ຈັນທະບູນ ສຸກອາລຸນ ຜູ້ອຳນວຍການລັດວິສາຫະກິດໄຟຟ້າລາວຄົນໃໝ່

13th June 2020 0 By Admin

ໂສມຫນ້າຜູ້ອຳນວຍການລັດວິສາຫະກິດໄຟຟ້າລາວຄົນໃໝ່ ທ່ານ ຈັນທະບູນ ສຸກອາລຸນ

ທ່ານ ເປັນບຸກຄາລາກອນຫນຸ່ມ ມີຄວາມຮູ້ຄວາມສາມາດ ອາດີດ ຫົວຫນ້າ ກົມແຜນການ ແລະ ການຮ່ວມມື ກະຊວງ ພະລັງງານ ແລະ ບໍ່ແຮ່

ທ່ານ ມີອາຍຸ 45+ ຖືວ່າເປັນ ບຸກຄາລາກອນທີ່ຫນຸ່ມແໜ້ນ ມີພະລັງຄົນຫນຶ່ງ ປະຫວັດການເຮັດວຽກໃນກະຊວງ ແມ່ນບົດບາດການຮ່ວມມື ກັບສາກົນ ພິຈາລະນາຄົ້ນຄວ້າການລົງທຶນ ດ້ານພະລັງງານ ແລະ ບໍ່ແຮ່ໃນທົ່ວປະເທດ

ຖ້າຈະຖາມວ່າ ທ່ານ ໄດ້ກ້າວກະໂດດບໍ່ ທີ່ຂື້ນມາຮັບຫນ້າທີ່ຕຳແຫນ່ງອັນຊົງກຽດນີ້?

ຂໍມີທັດສະນະສ່ວນຕົວວ່າ ບໍ່ ເພາະຕຳແຫນ່ງເດີມຂອງທ່ານ ກໍ່ສຳຄັນຫລາຍ ແລະ ມີບົດບາດຫລາຍໃນກະຊວງພະລັງງານ ມີອານາຄົດໄກຫລາຍ ສຳຫລັບ ບຸກຄາລາກອນທ່ານນີ້

ການເຂົ້າຮັບຕຳແຫນ່ງນີ້ ເປັນຄວາມຮັບຜິດຊອບໃຫມ່ທີ່ທ້າທາຍ ໃນວຽກງານການບັນຊາ ກຳປັ່ນ | ຫມາຍເຖິງ ລັດວິສາຫະກິດ | ທ່ານ ຈະພົບກັບ ຫລາກຫລາຍບັນຫາທີ່ມີມາຍາວນານ ແລະ ຕ້ອງປັບແກ້ຕາມທີ່ຂັ້ນເທິງມອບຫມາຍ

ມັນຈະເປັນເຄື່ອງພິສູດ ທີ່ທ້າທາຍ ແລະ ດີຢ້ຽມສຳຫລັບ ທ່ານເອງ

.

ນີ້ເປັນອີກເຄື່ອງພິສູດຫນຶ່ງ ທີ່ສະແດງໃຫ້ປະຊາຊົນທົ່ວປະເທດ ໄດ້ເຫັນຄະນະລັດຖະບານຊຸດນີ້ ພາຍໃຕ້ການຊີ້ນຳຂອງ ທ່ານ ທອງລຸນ ສີສຸລິດ ເຊື່ອເລິກໆໃນໃຈ ແລະ ກ້າຟັນທຸງວ່າ ບໍລິສັດໄຟຟ້າ ຈະມີໂສມຫນ້າໃຫມ່ທີ່ດີ ຄຳວ່າທີ່ດີ ບໍ່ໄດ້ຫມາຍວ່າປະຊາຊົນ ຈະໄດ້ໃຊ້ໄຟຟ້າຟຣີເດີທ່ານ ປະຊາຊົນກໍ່ຕ້ອງໄດ້ຊ່ວຍຕົນເອງດ້ວຍການປະຢັດໄຟ ການຕັດລາຍຈ່າຍຂອງອົງກອນ ໄຟຟ້າລາວ ມັນບໍ່ງ່າຍຄືຕັດງ່າໄມ້.

ອວຍພອນໃຫ້ ທ່ານ ຈັນທະບຸນ ສຸກອາລຸນ ຈົ່ງປະສົບຜົນສຳເລັດໃນຫນ້າທີ່ໃຫມ່ຂອງທ່ານ ພວກເຮົາປະຊາຊົນລາວຈະເປັນກຳລັງໃຈ ແລະ ຕິດຕາມການປ່ຽນແປງໃຫມ່ ຂອງໄຟຟ້າລາວ.

ຂອບໃຈຂໍ້ມູນຂ່າວຈາກ
#SangkhanePhachanthavong