ເມືອງທ່າແຕງ ມອບເຂົ້າສານໜຽວ ໃຫ້ຄອບຄົວທີ່ຖືກຜົນກະທົບຈາກໄພພິບັດນໍ້າຖ້ວມ ແລະ ຄອບຄົວທຸກຍາກ

ເມືອງທ່າແຕງ ມອບເຂົ້າສານໜຽວ ໃຫ້ຄອບຄົວທີ່ຖືກຜົນກະທົບຈາກໄພພິບັດນໍ້າຖ້ວມ ແລະ ຄອບຄົວທຸກຍາກ

11th June 2020 0 By Admin

ໃນຕອນເຊົ້້າວັນທີ 10 ມີຖຸນາ 2020ນີ້. ທີ່ຫ້ອງການແຮງງານສະຫວັດດີການ ແລະ ສັງຄົມ ເມືອງທ່າແຕງ ໄດ້ຈັດພິທີມອບເຂົ້າສານໜຽວ ໃຫ້ແກ່ຄອບຄົວຜູ້ທີ່ປະສົບເຄາະຮ້າຍໄພພິບັດນໍ້າຖວມປີ 2019 ແລະ ຄອບຄົວຜູ້ທຸກຍາກໃນທົ່ວເມືອງທ່າແຕງ ໂດຍການເປັນປະທານຂອງທ່ານ ສີສັກດາ ແສງນາລີວົງ ຫົວໜ້າຫ້ອງການແຮງງານສະຫວັດດີການ ແລະ ສັງຄົມ ເມືອງທ່າແຕງ, ມີຄະນະກຳມະການປ້ອງກັນ ແລະ ຄວບຄຸມໄພພິບັດ,ຫົວໜ້າເຂດຈຸດສຸມພັດທະນາ 6 ເຂດ ແລະ ອໍານາດການປົກຄອງບ້ານເຂົ້າຮ່ວມ.


.

ທ່ານ ສີສັກດາ ແສງນາລີວົງ ຫົວໜ້າຫ້ອງການແຮງງານ ແລະ ສະຫັວດດີການ-ສັງຄົມເມືອງທ່າແຕງໃຫ້ຮູ້ວ່າ: ການມອບເຂົ້າສານໜຽວໃນຄັ້ງນີ້ແມ່ນ ໄດ້ປະຕິບັດຕາມຂໍ້ຕົກລົງຂອງທ່ານ ເຈົ້້າເມືອງ ສະບັບເລກທີ 104 ລົງວັນທີ 18 ພຶດສະພາ 2020 ແລະ ປະຕິບັດຕາມແຜນແບ່ງປັນຂອງພະແນກແຮງງານສະຫວັດດີການ – ສັງຄົມ ແຂວງ ໃນຈໍານວນເຂົ້າສານໜຽວທັງໝົດ 139 ໂຕນ ເພຶ່ອຊ່ວຍເຫຼືອ ບັນເທົາທຸກໃຫ້ແກ່ຄອບຄົວຜູ້ທີ່ປະສົບເຄາະຮ້າຍຈາກໄພພິບັດນໍ້າຖ້ວມປີໃນ 2019 ຜ່ານມາ

.

ແລະ ຄອບຄົວຜູ້ທຸກຍາກໃນທົ່ວເມືອງທ່າແຕງ ຈຳນວນ 36 ບ້ານ ຂອງ 6 ເຂດຈຸດສຸມພັດທະນາ 625 ຄອບຄົວ 3.784 ຄົນ ແລະຄອບ ທຸກຍາກຈຳນວນ 217 ຄອບຄົວ 1.136 ຄົນ ເຊີ່ງເຂົ້າສານໜຽວທັງໝົດ 139 ໂຕນ. ແມ່ນໄດ້ມອບ ໃຫ້ກັບຄອບຄົວ ຜູ້ທີ່ປະສົບເຄາະຮ້າຍຈາກໄພພິບັດນໍ້າຖ້ວມໃນປີ 2019 ທັງໝົດ 93,750 ໂຕນ ແລະ ຄອບຄົວຜູ້ທຸກຍາກ 28,400 ໂຕນ ສ່ວນເຂົ້າສານໜຽວທີ່ຍັງເຫຼືອແມ່ນໄດ້ແຮໄວ້ເພື່ອແກ້ໄຂໄພພິບັດສຸກເສີນຕໍ່ໄປ.

.

ໂດຍ: ລັດຕະນາ ຄໍາສົມພູ 020 9115 9222,030 9093612
ເພື່ອນຮ່ວມງານ 11/6/2020