ງາມແທ້..!!! ນາງ ຫຼ້ານ້ອຍ ແກ້ວພູວົງ ໄດ້ສວມມົງກຸດ ຊະນະເລີດງານປະກວດນາງສາວແຟຣນຊິບ ມໍ ປະຈໍາປີ 2019

ງາມແທ້..!!! ນາງ ຫຼ້ານ້ອຍ ແກ້ວພູວົງ ໄດ້ສວມມົງກຸດ ຊະນະເລີດງານປະກວດນາງສາວແຟຣນຊິບ ມໍ ປະຈໍາປີ 2019

21st November 2019 0 By Lao Admin

ງານປະກວດນາງສາວ ນາງສາວແຟຣນຊິບ ມໍ. ຮອບຕັດສິນຈັດຂຶ້ນໃນຕອນຄໍ່າຂອງວັນທີ 19 ພະຈິກ 2019 ທີ່ແຟຣນຊິບມໍ ນະຄອນປາກເຊ ແຂວງຈໍາສັກ, ມີຄະນະຮັບຜິດຊອບໂຄງການປະກວດນາງສາວ,ຄະນະກໍາມະການ, ນາງສາວລາວ, ນາງສາວຈໍາປາສັກ, ສື່ມວນຊົນ ຕະຫຼອດຮອດມວນຊົນເຂົ້າຊົມຢ່າງຫຼວງຫຼາຍ.

ໃນໂອກາດກ່າວເປີດງານ ທ່ານ ນາງ ເພັດສະໄໝ ແສງອາລຸນ ຜູ້ອຳນວຍການແຟຣນຊິບມໍ ປະທານສະມາຄົມນັກທຸລະກິດ ແມ່ຍິງແຂວງຈໍາປາສັກ ກ່າວວ່າ: ຈຸດປະສົງຂອງງານປະກວດຄັ້ງນີ້, ເພື່ອສົ່ງເສີມແມ່ຍິງລາວ ໂດຍສະເພາະພາຍໃນທ້ອງຖິ່ນ ແຂວງຈໍາປາສັກໃຫ້ມີຄວາມສາມາດກ້າສະແດງອອກຄຽງຄູ່ກັບຄວາມງາມ ແລະ ສ້າງພື້ນຖານເງື່ອນໄຂຮອງຮັບໃຫ້ແກ່ການປະກວດລະດັບຊາດ, ລະດັບພາກພື້ນ ແລະ ສາກົນໃນອະນາຄົດ. ພາຍໃນງານຄັ້ງນີ້, ມີນາງສາວຮ່ວມປະກວດຈໍານວນ 18 ນາງສາວ ຊຶ່ງແຕ່ລະນາງສາວໄດ້ເລີ່ມຕົ້ນດ້ວຍການເດີນແບບດ້ວຍຊຸດຊົງລາວ, ຊຸດລາຕີສາກົນ, ແນະນໍາຕົວພ້ອມສະແດງຄວາມສາມາດຂອງຕົນ ໃນການຕອບຄໍາຖາມເທິງເວທີ ຜ່ານສາຍຕາກຳມະການ, ສື່ມວນຊົນ ແລະ ຜູ້ຊົມຜູ້ເຊຍຢ່າງຫຼວງຫຼາຍ.

ຜ່ານການປະກວດຜູ້ໄດ້ສວມມົງກຸດ ແລະ ສາຍສະພາຍຊະນະເລີດການປະກວດແມ່ນໝາຍເລກ F 20 ນາງ ຫຼ້ານ້ອຍ ແກ້ວພູວົງ ອາຍຸ 18 ປີ, ຮຽນຢູ່ ມສ ຂົວຕະພານ, ທັງ ໄດ້ຮັບລາງວັນຂວັນໃຈຊ່າງພາບ, ຮອງຊະນະເລີດອັນດັບໜຶ່ງ ແມ່ນ ນາງ ດາວພາສຸກ ຈັນທະວົງ ໝາຍເລກ F 18, ຮອງຊະນະເລີດອັນດັບສອງ ແມ່ນ ນາງ ອານັດດາ ວົງແພງຄໍາ ໝາຍເລກ F 12, ຮອງຊະນະເລີດອັນດັບສີ່ ແມ່ນ ນາງ ດວງພະໄທ ໄຊຍະວົງ ໝາຍເລກ F 13 ແລະ ຮອງຊະນະເລີດອັນດັບສີ່ ແມ່ນ ນາງ ສອນສະຫວັນ ບົວສີ ໝາຍເລກ F 10.


ຂ່າວ;ພາບ: ເກດສະໜາ ແກ້ວສຸວັນນະແສງ