ໂຮງໝໍສູນກາງ 103 ກອງທັບ ສຳເລັດການຜ່າຕັດກໍລະນີຊຶມເຊື້ອຜົ້ງປອດຍ້ອນຜົ້ງອາຫານຊອດ

ໂຮງໝໍສູນກາງ 103 ກອງທັບ ສຳເລັດການຜ່າຕັດກໍລະນີຊຶມເຊື້ອຜົ້ງປອດຍ້ອນຜົ້ງອາຫານຊອດ

5th June 2020 0 By Admin

ວັນທີ 14 ພຶດສະພາ ນີ້, ໂຮງ ໝໍສູນກາງ 103 ກອງທັບ ໄດ້ຮັບ ຄົນເຈັບກໍລະນີພິເສດ ຊື່ ທ້າວ ພຸດສາຄອນ ອາຍຸ 50 ປີ, ປະຊາ ຊົນ ບ້ານຊ່ອງ, ເມືອງວັງວຽງ, ແຂວງວຽງຈັນ, ຄົນເຈັບມາໂຮງໝໍໃນສະພາບຊຸດໂຊມລະບົບຫາຍ ໃຈ, ມີອາການຊຶມເຊື້ອ ແລະ ຊຸດ ໂຊມຮ່າງກາຍ, ອີກບັນຫາໜຶ່ງ ຄົນເຈັບແມ່ນໄດ້ຜ່ານການປິ່ນປົວມາແລ້ວຫຼາຍບ່ອນ, ແຕ່ອາການ ບໍ່ດີຂຶ້ນ.

.

ຕໍ່ສະພາບການດັ່ງກ່າວນັ້ນ, ສະຫາຍ ພັນເອກ ດຣ ສຸລິພັນ ເພັດ ຈັນທະລາ ຫົວໜ້າອຳນວຍການ ໂຮງໝໍສູນກາງ 103 ກອງທັບ ພ້ອມດ້ວຍຄະນະ ໄດ້ຊີ້ນຳບັນດາ ພາກສ່ວນກ່ຽວຂ້ອງ, ເລັ່ງດ່ວນ ແລະ ສຸມທຸກສະຕິປັນຍາ ເພື່ອມໍ ລະສຸມ, ເຊີດຊູ, ບົວລະບັດປິ່ນປົວ ຢ່າງໃກ້ຊິດ, ຊອກຫາສາເຫດ ຕົ້ນຕໍຂອງພະຍາດ, ບົ່ງມະຕິພະ ຍາດໃຫ້ຊັດເຈນ, ວາງທິດທາງ ແກ້ໄຂໃຫ້ຖືກຕ້ອງ ແລະ ປະສານ ສົມທົບ ກັບຊ່ຽວຊານຈີນ ເພື່ອ ເປີດກອງປະຊຸມປຶກສາຫາລື, ແລກປ່ຽນຄຳຄິດຄຳເຫັນ ແລະ ຊອກຫາວິທີແກ້ໄຂ. ກອງປະຊຸມ ໄດ້ຕົກລົງເປັນເອກະພາບບົ່ງ ມະຕິພະຍາດວ່າແມ່ນການຊຶມ ເຊື້ອຜົ້ງປອດເບື້ອງຊ້າຍໜັກຍ້ອນ ຫຼອດກືນອາຫານຊອດ, ເຊິ່ງຕ້ອງໄດ້ແກ້ໄຂດ້ວຍການຜ່າຕັດດ່ວນ.

.

ການຜ່າຕັດໄດ້ ເລີ່ມຕົ້ນໃນ ເວລາ 13:00 ໂມງ ຂອງວັນທີ 20 ພຶດສະພາ ນີ້, ດ້ວຍເຕັກນິກ ການຜ່າຕັດຜ່ານທໍ່ເຂົ້າໄປໃນ ຜົ້ງປອດເບື້ອງຊ້າຍ, ໃຊ້ກ້ອງ ສ່ອງຕິດກາເມຣາເພື່ອຊອກຫາ ຕຳແໜ່ງຈຸດຊອດ, ການຜ່າຕັດ ພົບຄວາມຫຍຸ້ງຍາກເພາະຜົ້ງ ປອດເບື້ອງຊ້າຍມີການຊຶມເຊື້ອ ໜັກ, ການອັກເສບແຜ່ລາມ ກວ້າງ, ຕິດຈ່ອງຫຼາຍ, ມີເຍື້ອ ປອມຕິດກະຈ່າຍເປັນວົງກວ້າງ, ດັ່ງນັ້ນທີມງານຜ່າຕັດຈຶ່ງໄດ້ຕັດ ສີນໃຈຜ່າຕັດເປີດກວ້າງຜົ້ງເອິກ ເບື້ອງຊ້າຍ ເພື່ອສະດວກໃນ ການຊອກຫາຮູຊອດ, ການຜ່າ ຕັດໄດ້ແກ່ຍາວພໍສົມຄວນ ໃຊ້ເວ ລາເກືອບ 6 ຊົ່ວໂມງ ຈຶ່ງສາມາດ ຊອກເຫັນຮູຊອດ.

.

ພາຍຫຼັງຜ່າຕັດສຳເລັດແລ້ວ, ສະພາບທົ່ວໄປ ແລະ ອາການ ຂອງຄົນເຈັບດີຂຶ້ນເລື້ອຍໆ, ປັດຈຸ ບັນຄົນເຈັບສາມາດເຄື່ອນໄຫວ ໄປມາໄດ້, ກິນດື່ມອາຫານແຫຼວ ໄດ້, ນອນໄດ້ ແລະ ບັນດາຜົນກວດ ວິເຄາະ-ລັງສີຕ່າງໆ ຢູ່ໃນຂອບ ເຂດປົກກະຕິ.

.

ນີ້ແມ່ນກໍລະນີທຳ ອິດຢູ່ ສປປ ລາວ ເວົ້າລວມ, ເວົ້າສະເພາະແມ່ນຢູ່ໂຮງໝໍສູນ ກາງ 103 ກອງທັບ ທີ່ສາມາດມໍ ລະສຸມ, ເຊີດຊູ, ຜ່າຕັດ ກອບກູ້ ເອົາຊີວິດຂອງຄົນເຈັບ ທີ່ເປັນພະ ຍາດຫຼອດກືນອາຫານຊອດໃນຜົ້ງເອິກກັບຄືນມາໄດ້, ມັນແມ່ນ ບາດກ້າວໃໝ່ໃນການພັດທະນາ ວິຊາການແພດ ແລະ ເປັນຂີດໝາຍອັນສຳຄັນບົນເສັ້ນທາງເຕີບໃຫຍ່ຂະຫຍາຍຕົວ ແລະ ພັດທະນາວິຊາການແພດຂອງ ໂຮງໝໍສູນກາງ 103 ກອງທັບ ປະຊາຊົນລາວ ກ້າວໜ້າຂຶ້ນໄປ ເລື້ອຍໆ.

ໂດຍ: ສະແຫວງໄຊ ດາລາສາດ