ດ່ວນໆ!! ສະຫວັນນະເຂດ ປະກາດແຕ່ງຕັ້ງຄະນະຄຸ້ມຄອງດ່ານໃໝ່ 3 ຕຳແໜ່ງ

ດ່ວນໆ!! ສະຫວັນນະເຂດ ປະກາດແຕ່ງຕັ້ງຄະນະຄຸ້ມຄອງດ່ານໃໝ່ 3 ຕຳແໜ່ງ

5th June 2020 0 By Admin

ພິທີປະກາດການຈັດຕັ້ງຄະນະຄຸ້ມຄອງດ່ານສາກົນຂົວມິດຕະພາບ II ສະຫວັນນະເຂດ – ມຸກດາຫານ, ດ່ານສາກົນແດນສະຫວັນ – ລາວບາວ ແລະ ດ່ານສາກົນສະໜາມບິນແຂວງສະຫວັນນະເຂດ ໄດ້ຈັດຂຶ້ນໃນຕອນເຊົ້າວັນທີ 5 ມີຖຸນາ 2020 ນີ້ ທີ່ຫ້ອງວ່າການປົກຄອງແຂວງສະຫວັນນະເຂດ ໂດຍການໃຫ້ກຽດເຂົ້າຮ່ວມຂອງທ່ານ ປອ ໂພໄຊ ໄຊຍະສອນ ຮອງເຈົ້າແຂວງສະຫວັນນະເຂດ ແລະ ທ່ານ ຄຳມູນ ວິພົງໄຊ ຮອງລັດຖະມົນຕີກະຊວງພາຍໃນ.


ໃນພິທີ ທ່ານ ສຸດໃຈ ໄຊຍະວົງ ຮອງຫົວໜ້າຄະນະຈັດຕັ້ງແຂວງກໍ່ໄດ້ຜ່ານຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບວ່າດ້ວຍ: ການແຕ່ງຕັ້ງນາຍຕຳຫຼວດທີ່ຂຶ້ນກັບກອງບັນຊາການ ປກສ ແຂວງສະຫວັນນະເຂດ ເປັນຫົວໜ້າຄະນະຄຸ້ມຄອງດ່ານຊາຍແດນຄື: ແຕ່ງຕັ້ງ ທ່ານ ພັທ ສີວານ ສີດາວົງ ເປັນຫົວໜ້າຄະນະຄຸ້ມຄອງດ່ານສາກົນຂົວມິດຕະພາບ II ສະຫວັນນະເຂດ – ມຸກດາຫານ, ທ່ານ ພັທ ກອງມະນີ ຊົມມີໄຊ ເປັນຫົວໜ້າຄະນະຄຸ້ມຄອງດ່ານສາກົນແດນສະຫວັນ – ລາວບາວ ແລະ ທ່ານ ພັທ ພູມີ ຈຳປາແດນສະຫວັນ ເປັນຫົວໜ້າຄະນະຄຸ້ມຄອງດ່ານສາກົນສະໜາມບິນແຂວງສະຫວັນນະເຂດ.


ໂອກາດນີ້ ທ່ານ ປອ ໂພໄຊ ໄຊຍະສອນ ຮອງເຈົ້າແຂວງສະຫວັນນະເຂດ ກໍ່ໄດ້ໃຫ້ກຽດມີຄຳເຫັນໂອ້ລົມຕໍ່ກັບຜູ້ທີ່ໄດ້ຮັບການແຕ່ງຕັ້ງເປັນຫົວໜ້າຄະນະຄຸ້ມຄອງດ່ານຕ້ອງໄດ້ເອົາໃຈໃສ່ສືບຕໍ່ໃນການປັບປຸງບຸກຄະລາກອນ ພາຍໃນດ່ານເພື່ອໃຫ້ສອດຄ່ອງກັບການພັດທະນາໃນໄລຍະໃໝ່, ສືບຕໍ່ພົວພັນວຽກງານກັບຕ່າງປະເທດ, ເອົາໃຈໃສ່ອຳນວຍຄວາມສະດວກດ້ານການນຳເຂົ້າ – ສົ່ງອອກສິນຄ້າລະຫວ່າງປະເທດ, ບໍລິການດ້ວຍຄວາມຍິ້ມແຍ້ມແຈ່ມໃສ ໃນເວລາປະຕິບັດໜ້າທີ່ວຽກງານຕ້ອງມີຈັນຍາບັນ, ຈັນຍາທຳ, ຕ້ອງປະຕິບັດຕາມລະບຽບກົດໝາຍຂອງ ສປປ ລາວວາງອອກຢ່າງເຂັ້ມງວດ.


ທີ່ມາ:  medialaos