ສະຫວັນນະເຂດ ປະກາດແຕ່ງຕັ້ງໜ້າທີ່ໃໝ່ ພະນັກງານການນຳຫຼາຍຕໍາແໜ່ງ

ສະຫວັນນະເຂດ ປະກາດແຕ່ງຕັ້ງໜ້າທີ່ໃໝ່ ພະນັກງານການນຳຫຼາຍຕໍາແໜ່ງ

2nd June 2020 0 By Admin

ວັນທີ 27 ພຶດສະພາ 2020 ທີ່ສະໂມສອນພໍ່ກະດວດ ແຂວງສະຫວັນນະເຂດ ໄດ້ມີ ພິທີປະກາດການຈັດຕັ້ງພະແນກການ-ອົງການທຽບເທົ່າ ອ້ອມຂ້າງແຂວງ ໂດຍການໃຫ້ ກຽດເຂົ້າຮ່ວມເປັນປະທານ ຂອງທ່ານ ທອງທ່ຽງ ສີດາວົງ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງ, ມີຫົວໜ້າພະແນກ ແລະ ຮອງຫົວພະແນກການທີ່ກ່ຽວຂ້ອງເຂົ້າຮ່ວມ.

ໃນພິທີ, ທ່ານ ສຸດໃຈ ໄຊຍະ ວົງຮອງ ຫົວໜ້າຄະນະຈັດຕັ້ງ ແຂວງ ໄດ້ຂຶ້ນຜ່ານຂໍ້ຕົກລົງວ່າ ດ້ວຍການຍົກຍ້າຍ ແລະ ອະນຸມັດແຕ່ງຕັ້ງພະນັກງານ, ຂອງທ່ານເຈົ້າແຂວງສະຫວັນນະເຂດ ໂດຍໄດ້ຕົກລົງເຫັນ ດີຍົກຍ້າຍ ທ່ານ ບົວສອນ ມະຫາວົງ ອຳນວຍການໂຮງຮຽນການ ເມືອງການປົກຄອງ, ໄປປະຈຳການ ເປັນຮອງຫົວ ໜ້າຄະນະຈັດຕັ້ງແຂວງ, ຕົກລົງເຫັນດີຍົກຍ້າຍທ່ານພູສະ ໄໝ ກິດຕິລາດ ຮອງຫົວໜ້າຫ້ອງວ່າການປົກຄອງແຂວງ ໄປປະຈຳການຢູ່ພະແນກໄປສະນີໂທລະຄົມມະນາຄົມ ແລະ ການສື່ສານ ແລະ ແຕ່ງຕັ້ງເປັນຮອງຫົວໜ້າພະແນກ ໄປສະນີໂທລະຄົມມະນາ ຄົມ ແລະ ການສື່ສານ.

ຜ່ານຂໍ້ຕົກລົງອະນຸມັດແຕ່ງຕັ້ງ ທ່ານ ໄພສານ ຈັນສີນາ ເປັນ ຮອງຫົວໜ້າພະແນກການ ເງິນແຂວງ ແລະ ຜ່ານຂໍ້ຕົກລົງ ອະນຸມັດແຕ່ງຕັ້ງ ທ່ານ ພູເຂົາ ສີຫາວົງ ເປັນວ່າການອຳນວຍ ການໂຮງຮຽນການເມືອງ-ການປົກຄອງແຂວງສະຫວັນນະເຂດ.

ໂອກາດນີ້, ທ່ານທອງ ທ່ຽງ ສີດາວົງ ກໍ່ໄດ້ສະແດງ ຄວາມຍ້ອງຍໍຊົມເຊີຍຕໍ່ຜູ້ທີ່ຮັບ ໜ້າທີ່ໃໝ່ ພ້ອມນີ້ທ່ານກໍ່ໄດ້​ ເນັ້ນ​ໃຫ້ເອົາໃຈໃສ່ປະຕິບັດໜ້າ ທີ່ຂອງຕົນຢ່າງຕັ້ງໜ້າ, ເອົາ ໃຈໃສ່ຈັດຕັ້ງປະຕິບັດວຽກ ງານໂຕຈິງ, ສ້າງຄວາມສາ ມັກຄີໃນໝູ່ຄະນະເພື່ອເຮັດ ໃຫ້ວຽກງານບັນລຸຕາມເປົ້າໝາຍ.