ຍິນ​ດີ​ນຳ ທ່ານ ສາຍສະໝອນ ສາລີວົງ ໄດ້ຮັບເລືອກເປັນເລຂາພັກເມືອງຈອມເພັດຢ່າງເປັນທາງການ

ຍິນ​ດີ​ນຳ ທ່ານ ສາຍສະໝອນ ສາລີວົງ ໄດ້ຮັບເລືອກເປັນເລຂາພັກເມືອງຈອມເພັດຢ່າງເປັນທາງການ

2nd June 2020 0 By Admin

ກອງປະຊຸມໃຫຍ່ ຄັ້ງທີ VII ຜູ້ແທນອົງຄະນະພັກ ເມືອງຈອມເພັດ ແຂວງຫລວງພະບາງ ໄດ້ໄຂຂຶ້ນລະຫວ່າງວັນທີ 28-29 ພຶດສະພາ 2020 ຢູ່ທີ່ ສະໂມສອນໃຫຍ່ຂອງເມືອງ ໂດຍການເປັນປະທານ ຂອງສະຫາຍ ສາຍສະໜອນ ສາລິວົງ ຮັກສາການເລຂາພັກເມືອງ ໃຫ້ກຽດເຂົ້າຮ່ວມສະຫາຍ ຄໍາຂັນ ຈັນທະວີສຸກ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຫຼວງພະບາງ, ມີຄະນະປະຈຳພັກແຂວງ ພ້ອມດ້ວຍຜູ້ແທນສົມບູນທີ່ມາຈາກຄະນະພັກຮາກຖານ ແລະ ໜ່ວຍພັກໃນທົ່ວເມືອງ ເຂົ້າຮ່ວມ 105 ສະຫາຍ, ຍິງ 6 ສະຫາຍ, ທີ່ເປັນຕົວແທນໃຫ້ແກ່ສະມາຊິກພັກ ທົ່ວເມືອງ 1.436 ສະຫາຍເຂົ້າຮ່ວມ.


ວາລະກອງປະຊຸມສະຫາຍ ສາຍສະໜອນ ສາລິວົງ ຮັກສາການເລຂາຄະນະບໍລິຫານງານພັກ ໄດ້ກ່າວໄຂກອງ ,ພ້ອມທັງຜ່ານບົດລາຍງານການເມືອງຕໍ່ກອງປະຊຸມຄັ້ງນີ້ວ່າ: ຕະຫລອດໄລຍະ 5 ປີຜ່ານມາ ເຖິງແມ່ນວ່າມີສິ່ງທ້າທາຍທົດສອບຫລາຍຢ່າງຈາກບັນຫາໄພທຳມະຊາດ ແລະ ຜົນກະທົບຈາກມະນຸດສ້າງຂຶ້ນ ແຕ່ອີງໃສ່ສະພາບລວມຕາມທ່າແຮງບົ່ມຊ້ອນ ແລະ ບົດຮຽນຕົວຈິງ ບວກກັບບົດຮຽນທີ່ຖອດຖອນໄດ້ເຮັດໃຫ້ເມືອງ ໄດ້ມີຜົນສໍາເລັດຫລາຍດ້ານ ເປັນຕົ້ນ ທົ່ວເມືອງມີສະຖຽນລະພາບທາງດ້ານການເມືອງອັນໜັກແໜ້ນ, ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ,

ເສດຖະກິດ-ສັງຄົມ ມີການພັດທະນາດ້ວຍບາດກ້າວ ແລະ ທ່ວງທ່າໃໝ່, ປະຊາຊົນບັນດາເຜົ່າມີຄວາມສາມັກຄີປອງດອງ, ພື້ນຖານໂຄງລ່າງຂອງເມືອງ ກໍໄດ້ຮັບການປັບປຸງ, ຊີວິດການເປັນຢູ່ຂອງປະຊາຊົນໄດ້ຮັບການປົວແປງດີຂື້ນເປັນກ້າວໆ,ເສດຖະກິດມີການຂະຫຍາຍຕົວຢ່າງຕໍ່ເນື່ອງໃນລະດັບ7%ຕໍ່ປີ,ລວມຍອດຜະລິດຕະພັນພາຍໃນບັນລຸໄດ້ 281 ຕື້ 041 ລ້ານກີບ,ສະເລ່ຍລາຍຮັບໃສ່ຫົວຄົນໝຶ່ງໄດ້ 8.689.000ກີບຕໍ່ປີ ເທົ່າກັບ 1.047 ໂດລາຕໍ່ຄົນຕໍ່ປີ, ໃນນັ້ນກະສີກໍາ ຂະຫຍາຍຕົວ 4,77%ຕໍ່ປີ, ອຸດສາຫະກໍາ-ຫັດຖະກໍາຂະຫຍາຍຕົວ 10,88% ຕໍ່ປີ ແລະການບໍລິການຂະຫຍາຍຕົວ 10,86% ຕໍ່ປີ.

ການຜະລິດກະສີກໍາ ຂອງປະຊາຊົນໄດ້ຫັນຈາກທໍາມະຊາດໄປສູ່ການຜະລິດເປັນສີນຄ້ານໍາໃຊ້ເຕັກນິກ,ວິທະຍາສາດຫລາຍຂື້ນທີ່ພົ້ນເດັ່ນແມ່ນການປູກພັກປອດສານຜິດ,ການລຽ້ງສັດໃຫຍ່,ປະເພດງົວ,ຄວາຍ,

.

ເພີ່ມຂື້ນຖ້າທຽບໃສ່ໃນໄລຍະຜ່ານມາ ໃນນັ້ນສາມາດຂະຫຍາຍນາໃໜ່ໄດ້ 24,45ເຮັກຕາ,ຕິດພັນກັບການຈັດສັນພູມລໍາເນົາທີຄົງຕິກພັນການຈັດຕັ້ງປະຕິບັດໃນເຂົ້າສູ່ລວງເລີກຕາມທິດສາມສ້າງ,ອັນໄດ້ເຮັດໃຫ້ມີມູນຄ່າສົ່ງອອກບັນລຸ 64 ຕື້ 388 ລ້ານກີບ,ອັນພົ້ນເດັ່ນແມ່ນໂຄງການກໍ່ສ່າງຍົກລະດັບປູຢາງສອງຊັ້ນ,ແຕ່ຊຽງແມນຫາຫົງສາ,ຕ່າງໜ່າງການສືກສາໄດ້ເຂົ້າເຖີງທຸກບ້ານແລະໄດ້ຮັບການປັບປຸງດີຂື້ນກ່ວາເກົ່າ,ໄດ້ປະກາດເປັນເມືອງຈົບຊັ້ນມັດທະຍົມຕົ້ນບໍາລຸງ,ໄດ້ຂະຫຍາຍຕ່າງໜ່າງສາທາລະນະສຸກໄປສູ່ຊົນນະບົດຫ່າງໄກ,ອັນໄດ້ເຮັດໃຫ້ປະຊາຊົນໄດ້ຮັບການບໍລິການຫລາຍຂື້ນ.ມາຮອດປະຈຸບັນນີ້ສ້າງໄດ້ໜວ່ຍພັກປອດໃສ,ເຂັ້ມແຂງ 84 ໜ່ວຍ,ກວມເອົາ 85,71%.

ຄຽງຄູ່ກັນນັ້ນເມືອງຈອມເພັດກໄດ້ມີຄາດໝາຍສູ້ຊົນແຕ່ນີ້ຮອດປີ2030 ແລະ ທິດທາງ 5 ປີ ແຕ່ປີ 2020-2025 ຈະສ້າງໃຫ້ເມືອງຈອມເພັດເປັນເມືອງເສດຖະກິດເຂັ້ມແຂງ ແລະ ໝັ້ນທ່ຽງ,ສືບຕໍ່ແກ້ໄຂຄວາມທຸກຍາກຂອງປະຊາຊົນໂດຍເນັ້ນໃສ່ໃຫ້ມີການຊຸກຍູ້ດ້ານການທ່ອງທ່ຽວ,ເພີ່ມທະວີການປົກປັກສັກສາວັດທະນະທໍາຮິດຄອງປະເພນີ້,ສົ່ງເສີມການຜະລິດທີ່ສະອາດ,ຕິດພັນກັບການປູກຫຍ້າລ້ຽງສັດ,ໃຫ້ເປັນສີນຄ້າ,ເຮັດໃຫ້ເມືອງຈອມເພັດເປັນເມືອງສະຫງົບສຸກ ແລະ ສັງຄົມມີຄວາມເປັນລະບຽບຮຽບຮ້ອຍ,ຍຸຕີທໍາ,ແລະເຂັ້ມແຂງໃນທຸກຂົງເຂດວຽກງານ,ເພື່ອບັນລຸເປົ້າໜາຍການພັດທະນາແບບຍືນຍົງໃນປີ2030.


ຈາກນັ້ນກອງປະຊຸມໄດ້ປ່ອນບັດຄັດເລືອກເອົາຄະນະບລິຫານງານພັກເມືອງຊຸດໃໝ່ 25 ສະຫາຍ,ໃນນີ້ເຫັນດີເລືອກເອົາສະຫາຍ ສາຍສະໝອນ ສາລີວົງ ເປັນເລຂາ,ສະຫາຍ ບົວພັນ ອຸດົມສິນ ເປັນຮອງ ແລະ ສະຫາຍ ນາງ ຈັນດີ ເຢັງວື່ ເປັນຮອງ ທັງເປັນປະທານກວດກາພັກ,ພ້ອມນີ້ກໍ່ໄດ້ຄັດເລືອກເອົາຜູ້ແທນສົມບູນໄປຮ່ວມກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງ ຈໍານວນ 13 ສະຫາຍຕື່ມອີກ.

.
ກອງປະຊຸມຍັງຮັບຟັງຄໍາເຫັນຊີ້ນໍາຈາກ ສະຫາຍ ຄຳຂັນ ຈັນທະວີສຸກ ເລຂາພັກແຂວງ ເຊິ່ງສະຫາຍ ໄດ້ສະແດງຄວາມຊົມເຊີຍຕໍ່ຜົນສໍາເລັດຂອງກອງປະຊຸມໃຫຍ່ ຄັ້ງທີ VII ຜູ້ແທນອົງຄະນະພັກ ເມືອງຈອມເພັດ ຄັ້ງນີ້ ພ້ອມທັງຕີລາຄາຕໍ່ການຈັດຕັ້ງປະຕິບັດວຽກງານໄລຍະ 5 ປີຜ່ານມາ ແລະ ເໜັ້ນໃຫ້ຄະນະພັກຊຸດໃໝ່ ຈົ່ງສືບຕໍ່ເຮັດໜ້າທີ່ການເມືອງ,ສ້າງແນວຄິດການເມືອງຢູ່ພາຍໃນພັກ-ພະນັກງານ ໃຫ້ມີຄວາມອຸ່ນອ່ຽນທຸ່ນທ່ຽງ ແລະ ເຊື່ອໝັ້ນຕໍ່ການນໍາພາຂອງພັກ,ໄປຄຽງຄູ່ກັບການພັດທະນາວິຊາຊີບໃຫ້ປະຊາຊົນ ແລະ ສຸມໃສ່ພັດທະນາພື້ນຖານໂຄງລ່າງ,ກໍ່ສ້າງຮາກຖານໃຫ້ມີຄວາມເຂັ້ມແຂງ ໂດຍອິງໃສ່ທ່າແຮງຂອງທ້ອງຖິ່ນໃຫ້ມີຜົນສໍາເລັດເປັນກ້າວໆ.

ຂ່າວ: ເພັດສາຄອນ ສິມມະວົງ