ແຂວງຈໍາປາສັກ ປູກຕົ້ນໄມ້ 3.300 ຕົ້ນ ສະຫຼອງວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ

ແຂວງຈໍາປາສັກ ປູກຕົ້ນໄມ້ 3.300 ຕົ້ນ ສະຫຼອງວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ

1st June 2020 0 By Admin

ແຂວງຈໍາປາສັກໄດ້ຈັດພິທີປູກຕົ້ນໄມ້ ໃນຕອນເຊົ້າວັນທີ 1 ມິຖຸນາ ປີ 2020 ຊຶ່ງແມ່ນວັນປູກຕົ້ນໄມ້ແຫ່ງຊາດ ຢູ່ທີ່ສວນໄມ້ບ້ານລຸຍ ເມືອງຊະນະສົມບູນ ໃຫ້ກຽດເຂົ້າຮ່ວມມີ ທ່ານ ປອ ວິໄລວົງ ບຸດດາຄໍາ ເຈົ້າແຂວງຈໍາປາສັກ,ບັນດາທ່ານການນໍາ

ແຂວງ,ນະຄອນ,ເມືອງ,ພະແນກການກົມກອງອ້ອມຂ້າງແຂວງ,ພະນັກງານທະຫານຕໍາຫຼວດ,ອໍານາດການປົກຄອງເມືອງ,ກຸ່ມ,ບ້ານ,ຄູອາຈານ,ນັກຮຽນນັກສຶກສາ,ຫົວໜ່ວຍທຸລະກິດຕະຫຼອດຮອດປະຊາຊົນ ເຂົ້າຮ່ວມ.

ທ່ານ ບົວລີ ເພັດສົງຄາມ ຫົວໜ້າພະແນກກະສິກໍາ ແລະ ປ່າໄມ້ແຂວງຈໍາປາສັກ ໄດ້ກ່າວວ່າ:ການຈັດພິທີປູກຕົ້ນໄມ້ໃນຄັ້ງນີ້,ເພື່ອເປັນການສະເຫຼີມສະຫຼອງວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ ໃຫ້ມີບັນຍາກາດ ແລະມີເນື້ອໃນຄວາມໝາຍສໍາຄັນຢ່າງເລິກເຊິ່ງ,ເປັນການສ້າງສະພາບແວດລ້ອມທີ່ດີ ແລະ ພື້ນທີ່ສີຂຽວກໍຄືການປົກຫຸ້ມປ່າໄມ້ທົ່ວແຂວງໃຫ້ຫຼາຍຂຶ້ນ ແລະ ເປັນສູນ ຂະຫຍາຍພັນໄມ້ທີ່ຮອງຮັບໃຫ້ແກ່ການປູກໃນອານາຄົດ.

ຕົ້ນໄມ້ທີ່ນໍາມາປູກໃນຄັ້ງນີ້ມີຈໍານວນທັງໝົດ 3.300 ຕົ້ນ,ໃນເນື້ອທີ່ທັງໝົດ 4 ເຮັກຕາ.ໃນນີ້ມີປະເພດໄມ້ແຄນ 1.300 ຕົ້ນ,ໄມ້ດູ່ 500 ຕົ້ນໄມ້,ໄມ້ຂະຍູງ 500 ຕົ້ນແລະ ໄມ້ແຕ່ຄ່າ 1.000 ຕົ້ນ.ຊຶ່ງແມ່ນການສະໜອງເບ້ຍໄມ້ຈາກສູນກ້າເບ້ຍໄມ້ພະແນກກະສິກໍາ ແລະ ປ່າໄມ້ແຂວງ. ສຳລັບການກະກຽມຜະລິດເບັ້ຍ,ປູກໄມ້ແລະຟື້ນຟູປ່າໄມ້ ປີນີ້,ພະແນກກະສີກຳ ແລະ ປ່າໄມ້ແຂວງ, ໄດ້ເກັບແກ່ນແລະກ້າເບັ້ຍໄມ້ໄດ້ທັງໜົດ 903.000 ກວ່າເບັ້ຍ,ຈະນຳໄປປູກໄມ້ໃຫ້ໄດ້ 700 ເຮັກຕາ ແລພຟື້ນຟູປ່າໃຫ້ໄດ້ 21.000 ເຮັກຕາ,

ເພື່ອປົກປັກຮັກສາສີ່ງແວດລ້ອມ,ປົກປັກີກສາແຫຼ່ງນໍ້າຕ້ານການເຊາະເຈື່ອນຂອງດິນ,ສ້າງເມືອງ,ບ້ານ,ສຳນັກງານກົມກອງສີຂງວ ແລະ ປູກໄມ້ອຸດສາຫະກຳເພືອເປັນສິນຄ້າ ແລະ ເປັນວັດຖຸດິບສະໜອງໃຫ້ແກ່ໂຮງງານອຸດສະຫະກຳປຸງແຕ່ງໄມ້ ເພື່ອນຳໃຊ້ພາຍໃນ ແລະ ສົ່ງອອກຂາຍຕ່າງປະເທດ,ເຊີ່ງມາຮອດປະຈຸບັນກຳລັງຈັດຕັ້ງປະຕິບັດ ຄຽງຄູ່ກັບການປູກ ຍັງແນໃສ່ການປົກປັກຮັກສາຕົ້ນໄມ້ທີ່ປູກໃຫ້ເຕີບໃຫ່ຍແລະຄົງຢູ່ຕາມຈຸດປະສົງເປົ້າໝາຍທີ່ວາງໄວ້,ທັງເປັນການປະຕິບັດຂໍ້ແຂ່ງຂັນສ້າງເມືອງໜ້າຢູ່ຕາມທິດ 4 ສໍ,

ຄື:ສະຫງົບ,ສະອາດ,ສີຂງວ ແລະ ສວຍງາມ. ພາຍຫຼັງກ່າວໄຂພິທີປູກຕົ້ນໄມ້ຢ່າງເປັນທາງການຈາກຫົວໜ້າພະແນກກະສິກຳ ແລະ ປ່າໄມ້ແຂວງແລ້ວ,ທ່ານ ປອ ວິໄລວົງ ບຸດດາຄໍາ ເຈົ້າແຂວງຈໍາປາສັກ ,ທ່ານ ມະໄລທອງ ກົມມະສິດ ຮອງເຈົ້າແຂວງ,ທ່ານ ບົວລີ ເພັດສົງຄາມ ຫົວໜ້າພະແນກກະສິກໍາ ແລະ ປ່າໄມ້ແຂວງ ທ່ານ ສອນສະຫວັນ ສີວິໄລ ເຈົ້າເມືອງໆຊະນະສົມບູນ.

ບັນດາທ່ານທີ່ເຂົ້າຮ່ວມ ກໍໄດ້ພ້ອມກັນປູກຕົ້ນໄມ້ພາຍໃນສວນໄມ້ບ້ານລຸຍ ເມືອງຊະນະສົມບູນຢ່າງເປັນຂະບວນຟົດຟື້ນ. ໂອກາດດຽວກັນນີ້ທ່ານ ເຈົ້າແຂວງໆຈຳປາສັກ ພ້ອມດ້ວຍບັນດາທ່ານການນຳພາຍໃນແຂວງ, ເມືອງຊະນະສົມບູນ ພະແນກການຕ່າງໆກໍໄດ້ຖືໂອກາດນີ້ມອບຂອງຂວັນ ແລະ ອວຍພອນໃຫ້ແກ່ເດັກນ້ອຍເນື່ອງໃນໂອກາດວັນເດັກນ້ອຍສາກົນວັນທີ 1 ມິຖຸນາ 2020 ນີ້ອີກດ້ວຍ

ຈາກ: ເກດສະໜາ ແກ້ວສຸວັນນະແສງ