ການນໍາແຂວງຈໍາປາສັກຮ່ວມປູກຕົ້ນໄມ້ ເນື່ອງໃນວັນປູກຕົ້ນໄມ້ແຫ່ງຊາດ ວັນທີ 1 ມີຖຸນາ

ການນໍາແຂວງຈໍາປາສັກຮ່ວມປູກຕົ້ນໄມ້ ເນື່ອງໃນວັນປູກຕົ້ນໄມ້ແຫ່ງຊາດ ວັນທີ 1 ມີຖຸນາ

30th May 2020 0 By Admin

ໃນຕອນເຊົ້າມື້ນີ້ (ວັນທີ 30 ພຶດສະພາ 2020 ), ການນໍາແຂວງຈໍາປາສັກໄດ້ຮ່ວມປູກຕົ້ນໄມ້ ເນື່ອງໃນວັນປູກຕົ້ນໄມ້ແຫ່ງຊາດ ວັນທີ 1 ມີຖຸນາ 2020, ໂດຍການເຂົ້າຮ່ວມຂອງທ່ານ ປອ. ວິໄລວົງ ບຸດດາຄໍາ ເຈົ້າແຂວງໆຈໍາປາສັກ, ມີ ຄະນະປະຈໍາພັກແຂວງ, ການນໍາພະແນກການກ່ຽວຂ້ອງ, ພາກສ່ວນທຸລະກິດ ພ້ອມດ້ວຍພະນັກງານ ລັດຖະກອນ ພາຍໃນຫ້ອງວ່າການແຂວງ ເຂົ້າຮ່ວມທັງໝົດ.
ພິທີປູກຕົ້ນໄມ້

ເທື່ອນີ້ ແມ່ນຈັດຂື້ນ ທີ່ບໍລິເວນ ເຮືອນພັກການນໍາ (ຫຼັກ4) ຂອງແຂວງຈໍາປາສັກ, ໂດຍ #ຕົ້ນໄມ້ທີ່ນໍາມາປູກມີ 6 ປະເພດຄື: ຕົ້ນຄູນ, ຕົ້ນແຜ່ບາລະມີ, ຕົ້ນຂະຍຸງ, ຕົ້ນແຄນ, ຕົ້ນໝາກມ່ວງ ແລະຕົ້ນກວ້ຍ ລວມ ຈໍານວນ 120 ເບ້ຍ.

ທັງນີ້ ກໍເພື່ອສ້າງຂະບວນການສະເຫຼີມສະຫຼອງວັນປູກຕົ້ນໄມ້ແຫ່ງຊາດ ວັນທີ 1 ມີຖຸນາ 2020 ແລະທັງເປັນການສ້າງສະພາບແວດລ້ອມທີ່ດີ,ຂຽວສົດງົດງາມ, ໜ້າຢູ່ ແລະຍືນຍົງ, ສ້າງຈິດສໍານຶກ ໃຫ້ທົ່ວປວງຊົນໃນທົ່ວແຂວງ ເຫັນໄດ້ຄວາມສໍາຄັນຂອງການປູກຕົ້ນໄມ້, ມີຈິດໃຈຮັກ ແລະປະກອນສ່ວນ ໃນການປົກປັກຮັກສາຕົ້ນໄມ້ ແລະປ່າໄມ້, ທັງເປັນການສ້າງຕົວເມືອງຕາມທິດ ສະຫງົບ, ສະອາດ, ສີຂຽວ ,ສະເໜ່ ແລະສວຍງາມ ມີສິ່ງແວດລ້ອມທີ່ດີແລະໜ້າຢູ່.

ຂ່າວ: ທັດຊະນະ ນັກຂ່າວຫ້ອງວ່າການແຂວງ