ໂຮງຮຽນ ປກສ ຊັ້ນສູງເລກ 3 ແຂວງສະຫວັນນະເຂດສ້າງຂະບວນການປູກຕົ້ນໄມ້

ໂຮງຮຽນ ປກສ ຊັ້ນສູງເລກ 3 ແຂວງສະຫວັນນະເຂດສ້າງຂະບວນການປູກຕົ້ນໄມ້

29th May 2020 0 By Admin

ເພື່ອເປັນການສ້າງຂະບວນການ ຂ່ຳນັບຮັບຕ້ອນກອງປະຊຸມໃຫຍ່ຄະນະພັກ ກອງບັນຊາການ ປກສ ແຂວງສະຫວັນນະເຂດ ທີ່ຈະໄດ້ໄຂຂື້ນໃນໝໍໆນີ້ ແລະ ເນື່ອງໃນໂອກາດສະເຫຼີມສະຫຼອງ ວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ 01 ມິຖຸນາ ທີ່ຈະມາເຖິ່ງນີ້, ໂຮງຮຽນ ປກສ ຊັ້ນສູງເລກ 3 ປກສ ແຂວງສະຫວັນນະເຂດ ໄດ້ຈັດພິທີ ສ້າງຂະບວນການປູກຕົ້ນໄມ້,ໃສ່ຕາມເດີນໂຮງຮຽນດັ່ງກ່າວ,ໃນວັນທີ 27 ພຶດສະພາ 2020 ນີ້,ໂດຍການນຳພາ ຂອງ ທ່ານ ພັອ ສົມໝາຍ ພົມມະຈັນ ຫົວໜ້າກອງບັນຊາການ ປກສ ແຂວງ, ມີຄະນະພັກ-ຄະນະບັນຊາ, ຄະນະຫ້ອງອ້ອມຂ້າງ, ພ້ອມດ້ວຍກົມກອງອ້ອມຂ້າງກອງບັນຊາການ ແລະ ຄູ-ອາຈານ, ນັກສຶກສາພາຍໃນໂຮງຮຽນເຂົ້າຮ່ວມ.

.

ສຳລັບຕົ້ນໄມ້ທີ່ນຳມາປູກໃນຄັ້ງນີ້ປະກອບມີ 4ຊະນິດຄື່:ມີໄມ້ສັ່ງໄພ,ໄມ້ລ້ຽງນ້ອງ,ຕົ້ນໄມ້ອຸດສາຫະກຳ ແລະຕົ້ນໄມ້ກິນໝາກ ລວມທັງໝົດ 130ຕົ້ນ,ສ່ວນສະຖານທີ່ປູກແມ່ນຕາມແຄມເດີ່ນໂຮງຮຽນ ປກສ ຊັ້ນສູງເລກ 3 ແຂວງສະຫວັນນະເຂດ,ທັງນີ້,ກໍ່ເພື່ອເປັນການປູກທົດແທນຄືນໃຫ້ກັບຕົ້ນໄມ້ທີ່ຖືກຕັດທີ່ຜ່ານມາ,ສາມາດນຳໃຊ້ໃຫ້ເກີດປະໂຫຍດໃນການປ້ອງກັນຮັກສາໜ້າດິນ-ນ້ຳ,ປົກຮັກສາສິ່ງແວດລ້ອມ ແລະສິ່ງມີຊີວິດ,ເປັນແຫຼ່ງສະໜອງອາຫານ,ເຮັດໃຫ້ພວກເຮົາໄດ້ຮັບຄຸນປະໂຫຍດຫຼາຍຢ່າງ,ດັ່ງນັ້ນ,ພາຍຫຼັງທີ່ພວກເຮົາໄດ້ເຮັດສຳເລັດໃນການປູກຄັ້ງນີ້ແລ້ວກໍ່ມອບໃຫ້ຄະນະພັກຄະນະບັນຊາໂຮງຮຽນເອົາໃຈໃສ່ຊີ້ນຳບັນດາພະນັກງານຄູອາຈານ-ນັກສຶກສາພ້ອມພາກັນບົວລະບັດຮັກສາໃຫ້ເກີດດອກອອກຜົນເປັນຢ່າງດີ.

.

ພາບ:ຂ່າວ ບອນຄຳ