ສະຫາຍ ເອີງ ລໍສະຫວັນ ຖືກເລືອກເປັນເລຂາໜ່ວຍພັກແນວລາວສ້າງຊາດຄົນໃໝ່

ສະຫາຍ ເອີງ ລໍສະຫວັນ ຖືກເລືອກເປັນເລຂາໜ່ວຍພັກແນວລາວສ້າງຊາດຄົນໃໝ່

28th May 2020 0 By Admin

ກອງປະຊຸມໃຫຍ່ສະມະຊິກພັກຄັ້ງທີ VII ຂອງໜ່ວຍພັກແນວລາວສ້າງຊາດແຂວງຫຼວງພະບາງໄດ້ໄຂຂຶ້ນ ໃນວັນທີ 28 ພຶດສະພາ 2020 ທີ່ຫ້ອງປະຊຸມພະແນກສືກສາທິການ ແລະກິລາແຂວງ, ໂດຍການເຂົ້າຮ່ວມ ຂອງສະຫາຍ ຄຳຫຼ້າ ລຽນປະດິດ ກຳມະການປະຈຳພັກແຂວງ ຫົວໜ້າຄະນະໂຄສະນາອົມຮົມແຂວງ, ພາຍໃຕ້ການເປັນປະທານກອງປະຊຸມຂອງ ສະຫາຍ ເອີງ ລໍສະ ຫວັນ ວ່າການເລຂາໜ່ວຍພັກແນວລາວສ້າງຊາດ, ມີແຂກຖືກເຊີນ, ສະມາຊິກພັກພາຍໃນໜ່ວຍເຂົ້າຮ່ວມ.


ກອງປະຊຸມ ສະຫາຍ ອ່ອນຕາ ວັນນະຈັກ ຮອງເລາຂາໜ່ວຍພັກ ໄດ້ຂຶ້ນຜ່ານບົດລາຍງານການເມືອງທັງສອງພາກ, ມີບາງຕອນສະຫາຍກ່າວວ່າ: ໜ່ວຍພັກ ແນວລາວສ້າງຊາດແຂວງມີ ສະມາຊິກພັກທັງໝົດ 23 ສະ ຫາຍ, ຍິງ 6 ສະຫາຍ, ໄປຮຽນຕໍ່ຕ່າງປະເທດ3ສະຫາຍ, ປັດຈຸບັນຍັງມີໜ້າຕົວຈິງ 20 ສະຫາຍ.

ມີກຳມະການແນວລາວສ້າງຊາດທົ່ວແຂວງ 8,025 ທ່ານ, ຍິງ 1,029 ທ່ານ, ໃນນັ້ນມີກຳມະການສູນກາງແນວລາວສ້າງຊາດແຂວງ 13 ທ່ານ, ແນວລາວສ້າງຊາດຂັ້ນແຂວງ 67 ທ່ານ, ຍິງ 11 ທ່ານ, ຂັ້ນເມືອງ 451 ທ່ານ, ຍິງ 44 ທ່ານ ແລະຂັ້ນບ້ານ 7,509 ທ່ານ, ຍິງ 973 ທ່ານ. ນອກນັ້ນຍັງໄດ້ລົງເກັບກຳສະຖີຕິສາສະໜາຕ່າງໆທົ່ວແຂວງເຊັ່ນ: ການເຊື່ອສາສະໜາພຸດ ແລະບັນພະບຸລຸດມີ 448,044 ຄົນ, ຍິງ 221,052 ຄົນ,

ມີພະສົງ-ສາມະເນນທັງໝົດ 2,061ອົງ, ມີວັດທັງໝົດ 315 ວັດ, ວັດບໍ່ມີພະສົງ 92ວັດ ແລະ ມີຜູ້ເຊື່ອຖື ສາສະໜາເຢຊູຄຼິດ 10,250 ຄົນ, ຍິງ 5,265 ຄົນ, ຕະຫຼອດໄລຍະ5ປີຜ່ານມາ ໄດ້ສ້າງສະມາຊິກພັກໃໝ່ໄດ້ 6ສະຫາຍ, ຍິງ 3ສະຫາຍ, ສະເໜີຂັ້ນເທິງອອກບັດສະມາຊິກພັກໄດ້ 19 ສະຫາຍ, ຍົກຍ້າຍສະມາຊິກພັກເຂົ້າຮັບອຸດໜູນບຳນານ, ໄປຍົກລະດັບຢູ່ພາຍໃນ ແລະຕ່າງປະເທດໄດ້ 9 ເທື່ອສະຫາຍ ແລະອື່ນໆ.

ກອງປະຊຸມສະມາຊິກພັກຍັງໄດ້ໃຊ້ສິດປະຊາທິປະໄຕ ຂອງຕົນປ່ອນບັດຄັດເລືອກເອົາເລຂາໜ່ວຍພັກຊຸດໃໝ່ ຈຳນວນ 3 ສະຫາຍຄື: ເລືອກເອົາສະຫາຍ ເອີງ ລໍສະຫັວນ ເປັນເລຂາໜ່ວຍພັກ, ສະຫາຍ ອ່ອນຕາ ວັນນະຈັກ ເປັນຮອງເລຂາ ແລະສະຫາຍ ອ່ອນສີ ຈ່າເພຍວາ ເປັນຄະນະທັງເປັນປະທານກວດກາໜ່ວຍພັກ.
ພາບ-ຂ່າວໂດຍ: ດາວອນ ມະນີວັນ……..