ບໍລິສັດ ເຫີໜານ ຊັງຈີວ ເມືອງເຊບັ້ງໄຟ ເກັບໝາກມ່ວງ ເພື່ອສົ່ງອອກ ປະເທດຫວຽດນາມ 28,5 ໂຕ່ນ

ບໍລິສັດ ເຫີໜານ ຊັງຈີວ ເມືອງເຊບັ້ງໄຟ ເກັບໝາກມ່ວງ ເພື່ອສົ່ງອອກ ປະເທດຫວຽດນາມ 28,5 ໂຕ່ນ

26th May 2020 0 By Admin

ການນຳເມືອງເຊບັ້ງໄຟ ລົງຕິດຕາມການເກັບໝາກມ່ວງ ເພື່ອສົ່ງອອກ ຂອງບໍລິສັດເຫີໜານ ຊ່າງຈີວ ບ້ານດົງໝາກບ້າ

ໃນວັນທີ 22 ພຶດສະພາ 2020 ນີ້ ທ່ານ ທອງໄຊ ມັງໜໍ່ເມກ ເຈົ້າເມືອງໆເຊບັ້ງໄຟ ແຂວງຄຳມ່ວນ ພ້ອມດ້ວຍຄະນະ ໄດ້ລົງຕິດຕາມການເກັບກ່ຽວ ເພື່ອກຽມສົ່ງອອກປະເພດໝາກມ່ວງ ຂອງບໍລິສັດ ເຫີໜານ ຊັງຈີວ ບ້ານດົງໝາກບ້າ.


ຈຸດປະສົງໃນການລົງເຄື່ອນໄຫວໃນຄັ້ງນີ້ ແມ່ນເພື່ອຕິດຕາມ ແລະ ຊຸກຍູ້ການເກັບໝາກມ່ວງ ເພື່ອນຳມາຂາຍຕາມທ້ອງຕະຫຼາດ, ສົ່ງອອກຕ່າງແຂວງ ແລະ ຕ່າງປະເທດ ເຊິ່ງບໍລິສັດ ເຫີໜານ ຊັງຈິວ ໄດ້ເລີ່ມບຸກເບີກ ແລະ ລົງມືປູກໝາກມ່ວງໃນປີ 2016, ມີເນື້ອທີ່ທັງໝົດ 165 ເຮັກຕາ, ໄລຍະການສຳປະທານ 30 ປີ,

ປະກອບມີໝາກມ່ວງ 8 ສາຍພັນຄື: ສາຍພັນ ຈຶ່ງຫວງ, ຫົງຈຶງ, ຫົງອີ້, ຫົງຊຽງຫຼາ, ອໍ່ໜາງ, ໄປຊຽງຢາ, ຫົງຊຽງ ແລະ ຈີຊືຈີ, ມີຈໍານວນ 8 ມື່ນຕົ້ນ ແລະ ເລີ່ມເກັບຜົນຜະລິດໃນທ້າຍເດືອນ ເມສາ ປີ 2020 ເປັນຕົ້ນມາ, ເຊິ່ງມາຮອດວັນທີ 22 ພືດສະພາ 2020 ຈຶ່ງໄດ້

ສົ່ງອອກປະເທດຫວຽດນາມ ເຊິ່ງໃນການສົ່ງອອກໃນຄັ້ງນີ້ມີສາຍພັນດຽວຄື: ສາຍພັນຈຶ່ງຫວງ ໃນຈຳນວນ 950 ແກັດ ຫຼື ເທົ່າກັບ 28,5 ໂຕ່ນ, ລວມມູນຄ່າ 25 ລ້ານກ່ວາກີບ.

ຈາກ: ແຂວງຄຳມ່ວນ ເມືອງເຊບັ້ງໄຟ, https://khammouanenews.com/