ອົງການການແດງ ແຂວງຄຳມ່ວນ ຊ່ວຍເຫຼືອ 7 ຄອບຄົວ ທີຖືກເຄາະຮ້າຍຈາກ​ໄຟ​ໄໝ້

ອົງການການແດງ ແຂວງຄຳມ່ວນ ຊ່ວຍເຫຼືອ 7 ຄອບຄົວ ທີຖືກເຄາະຮ້າຍຈາກ​ໄຟ​ໄໝ້

25th May 2020 0 By Admin

ອົງການການແດງ ແຂວງຄຳມ່ວນ ມອບເຄື່ອງຊ່ວຍເຫຼືອບັນເທົາທຸກໃຫ້ແກ່ 7 ຄອບຄົວ ທີຖືກເຄາະຮ້າຍຢູ່ເມືອງໄຊບົວທອງ
.

ໃນວັນທີ 22 ພຶດສະພາ 2020 ຢູ່ທີ່ຫ້ອງວ່າການເມືອງໄຊບົວທອງ ແຂວງຄໍາມ່ວນ ໄດ້ມີພິທີມອບ-ຮັບ ຖັງນ້ຳໃຫ້ແກ່ 2 ໂຮງຮຽນຄື: ມໍສໍ ນານ້ອຍ, ມໍສໍ ປ່າກ້ວຍ-ໜອງບອນ ແລະ ເຄື່ອງຊ່ວຍເຫຼືອບັນເທົາທຸກໃຫ້ແກ່: 7 ຄອບຄົວທີຖືກເຄາະຮ້າຍໄຟໄໝ້ເຮືອນໃນເມືອກ່ອນ ໂດຍການເປັນກຽດເຂົ້າຮ່ວມຂອງທ່ານ ກາຫຼົງ ແກ້ວສີຍາ ຮອງເຈົ້າເມືອງໄຊບົວທອງ, ທ່ານ ສາຍສະໝອນ ສົມໜຸກຄຳຈັນ ຫົວໜ້າອົງການກາແດງ ແຂວງຄຳມ່ວນ, ຕາງໜ້າອົງການກາແດງຂັ້ນເມືອງ, ຄະນະກຳມະການປ້ອງກັນໄຟພິບັດຂັ້ນເມືອງ, ຕາງໜ້າຜູ້ອຳນວຍການຈາກໂຮງຮຽນ ມໍສໍ ນານ້ອຍ ແລະ ມໍສໍ ປ່າກ້ວຍ-ໜອງບອນ.


ເຊິ່ງເຄື່ອງທີນຳມາມອບໃນຄັ້ງນີ້ ປະກອບມີຖັງນ້ຳ ຂະໜາດ 1.000 ລິດ, ຈໍານວນ 2 ຖັງ ແລະ ເຄື່ອງຊ່ວຍເຫຼືອບັນເທົາທຸກປະເພດ: ເຄື່ອງນຸ່ງຮົ່ມ ແລະ ເຄື່ອງໃຊ້ຄົວເຮືອນ ເຊັ່ນ: ຜ້າຮົ່ມ, ໜອນ, ມຸ້ງ, ໂສ້ງ, ເສື້ອ, ຖ້ວຍ,ຈານ, ຊ້ວານ, ສຽມ ແລະ ອື່ນໆ ລວມມ່ວນຄ່າທັງໝົດ 6.982.000 ກີບ.

ໃນໂອກາດດຽວກັນນີ້ທ່ານ ກາຫຼົງ ແກ້ວສີຍາ ຮອງເຈົ້າເມືອງ ກໍ່ໄດ້ກ່າວສະແດງຄວາມຂອບໃຈ ແລະ ຍ້ອງຍໍຊົມເຊີຍມາຍັງອົງການກາແດງແຂວງຄຳມ່ວນ ທີໄດ້ນຳເອົາເຄື່ອງມາມອບໃນຄັ້ງນີ້.

ເຊິ່ງເຄື່ອງດັ່ງກ່າວ ແມ່ນຈະໄດ້ມອບຕໍ່ໃຫ້ແກ່ ໂຮງຮຽນ ແລະ ຄອບຄົວທີ່ຖືກເຄາະຮ້າຍ ຈຳນວນດັ່ງກ່າວ.