ເປັນຫຍັງ ຄ່າໄຟແພງ ທັງ​ທີ່ລາວສົ່ງອອກໄຟຟ້າເປັນຫມໍ້ໄຟອາຊຽນ

ເປັນຫຍັງ ຄ່າໄຟແພງ ທັງ​ທີ່ລາວສົ່ງອອກໄຟຟ້າເປັນຫມໍ້ໄຟອາຊຽນ

24th May 2020 0 By Admin

ໃນໂຊຊຽລລາວໄລຍະນີ້ ບໍ່ມີເລື່ອງໃດ ຮ້ອນແຮງເທົ່າກັບເລື່ອງ ຄ່າໄຟແພງ ຫລັງຈາກປະຊາຊົນລາວ ໄດ້ຮັບບິນຄ່າໄຟເດືອນ 4 ຫລືເດືອນເມສາ 2020 ເນື່ອງຈາກຄ່າໄຟເພີ່ມຂື້ນເທົ່າຕົວ

ສຽງປະຊາຊົນລາວ ສະທ້ອນວ່າ ລັດຖະບານທ່ານທອງລຸນ ສີສຸລິດ ມີນະໂຍບາຍຈະຊ່ວຍເຫລືອລົດຄ່າໄຟ ໃນຊ່ວງຢຸດພັກຢູ່ບ້ານ ເພື່ອປ້ອງກັນໂຄວິດ ແຕ່ເປັນຫຍັງລັດວິສະຫະກິດໄຟຟ້າລາວກັບບໍ່ສະຫນອງຕອບນະໂຍບາຍລັດຖະບານ

.

ກວດສອບກະແສສຽງປະຊາຊົນລາວທົ່ວປະເທດ ບັນຫາຄ່າໄຟແພງໃນໄລຍະຍາວ ອາດກາຍເປັນເລື່ອງການເມືອງຄວາມເຊື່ອມສັດທາຕໍ່ລະບອບໃຫ່ມ ຕໍ່ລັດຖະບານທີ່ອ້າງນະໂຍບາຍ ຫມໍ້ໄຟອາຊຽນ ຫລືແບດເຕີຣີ່ອາຊຽນສ້າງເຂື່ອນຫລາກຫລາຍ ຂາຍໄຟໄດ້ເງີນເຂົ້າປະເທດມະຫາສານແຕ່ປະຊາຊົນກັບຕ້ອງຈ່າຍຄ່າໄຟແພງ

ວັນທີ່ 21 ພຶດສະພາ 2020 ທ່ານບຸນອູ້ມ ສີວັນເພັງ ຜູ້ອຳນວຍການໃຫ່ຍລັດວິສະຫະກິດໄຟຟ້າລາວ ໄດ້ຖະແຫຼງຂ່າວເປັນຄັ້ງແລກ ຫລັງຊາວລາວດ່າຜ່ານສື່ໂຊຊຽລ ໂດຍອ້າງເຖິງການປັບປຸງໂຄງສ້າງລາຄາໄຟຟ້າໃຫ່ມ

.

ທ່ານບຸນອູ້ມ ບອກວ່າ ໄລຍະການລະບາດຂອງໂຄວິດ ຈັງຫວະດຽວກັບການປັບໂຄງສ້າງລາຄາໄຟຟ້າໃຫ່ມ ແຕ່ທີ່ຜ່ານມາການໄຟຟ້າລາວ ໄດ້ຊ່ວຍເຫລືອປະຊາຊົນມາຕະຫລອດ

ໂຄງສ້າງໃຫ່ມ ຢ່າງເຊັ່ນ ຜູ້ໃຊ້ໄຟຟ້າ 0-150 kWh ຫລື ຢູນິດ ລາຄາ 355ກີບ/ຢູນິດ ລົດລົງ 50% ຈາກລາຄາ 710 ກີບ/ຢູນິດ ໂດຍຜູ້ໃຊ້ໄຟກຸ່ມນີ້ປະມານ 80% ຂອງຜູ້ໃຊ້ໄຟຟ້າທັງຫມົດ ຫລືເທົ່າກັບ 1 ລ້ານຄົວເຮືອນ ສ່ວນທີ່ຜູ້ໃຊ້ໄຟ 151-461 ຢູນິດ ລາຄາຈະເພີ່ມຂື້ນສະເລ່ຍ 30-50,000 ກີບ (ອັດຕາແລກປ່ຽນ 300 ກີບ = 1 ບາດ)

ຈາກ: https://onenewslaos.com/