ຊຸກຍູ້ສະຖາບັນການເງິນຈຸລະພາກທີ່​ເປັນ​ສະ​ມາ​ຊິກ ປ່ອຍເງິນກູ້ດອກເບ້ຍຕ່ຳໃຫ້ກຸ່ມຜະລິດກະສິກຳ

ຊຸກຍູ້ສະຖາບັນການເງິນຈຸລະພາກທີ່​ເປັນ​ສະ​ມາ​ຊິກ ປ່ອຍເງິນກູ້ດອກເບ້ຍຕ່ຳໃຫ້ກຸ່ມຜະລິດກະສິກຳ

22nd May 2020 0 By Admin

ສະພາການຄ້າ ແລະ ອຸດສາຫະກຳແຫ່ງຊາດລາວ ຊຸກຍູ້ໃຫ້ສະຖາບັນການເງິນຈຸລະພາກທີ່ເປັນສະມາຊິກປ່ອຍເງິນກູ້ດອກເບ້ຍຕ່ຳໃຫ້ກຸ່ມຜະລິດກະສິກຳເພື່ອຊຸກຍູ້ການຜະລິດໃຫ້ທັນລະດູການ.

ໃນຂະນະທີ່ຫຼາຍພາກສ່ວນບໍ່ວ່າພາກລັດ ຫຼື ພາກເອກະຊົນກຳລັງຂຸ້ນຂ້ຽວຈັດຕັ້ງການຊຸກຍູ້ສົ່ງເສີມຢ່າງເປັນຂະບວນ, ສະພາການຄ້າ ແລະ ອຸດສາຫະກຳແຫ່ງຊາດລາວກໍ່ແມ່ນອີກກຳລັງແຮງໜຶ່ງທີ່ຈັດຕັ້ງຜັນຂະຫຍາຍນະໂຍບາຍສົ່ງເສີມການຜະລິດຂອງລັດຖະບານ.

ໃນວັນທີ 20 ພຶດສະພາ 2020 ທ່ານ ອຸເດດ ສຸວັນນະວົງ ປະທານສະພາການຄ້າ ແລະ ອຸດສາຫະກຳແຫ່ງຊາດລາວ, ທ່ານ ບຸນເລີດ ຫຼວງປະເສີດ ຮອງປະທານ ພ້ອມດ້ວຍຄະນະຈາກສະພາການຄ້າ ແລະ ອຸດສາຫະກຳແຫ່ງຊາດລາວ ແລະ ທ່ານ ບຸນທ່ຽງ ລັດຕະນະວົງ ຮອງປະທານສະພາການຄ້າ ແລະ ອຸດສາຫະກຳນະຄອນຫຼວງວຽງຈັນ

ໄດ້ລົງຢ້ຽມຢາມປຶກສາຫາລືກັບກຸ່ມກະສິກຳອິນຊີບ້ານທົ່ງມັ່ງ ເມືອງໄຊທານີ ນະຄອນຫຼວງວຽງຈັນ ເພື່ອກະກຽມສະໜອງສິນເຊື່ອດອກເບ້ຍຕ່ຳໃຫ້ແກ່ຊາວສວນໃນເດືອນ6 ນີ້.

ກຸ່ມທົ່ງມັ່ງ ແມ່ນອີກກຸ່ມຫນຶ່ງທີ່ພົ້ນເດັ່ນໃນນະຄອນຫຼວງວຽງຈັນ.