ຍິນດີນຳ! ຫ້ອງການສຶກສາເມືອງຫ້ວຍຊາຍ ໄດ້ຮັບການຊ່ວຍເຫຼືອອຸປະກອນການແພດ

ຍິນດີນຳ! ຫ້ອງການສຶກສາເມືອງຫ້ວຍຊາຍ ໄດ້ຮັບການຊ່ວຍເຫຼືອອຸປະກອນການແພດ

21st May 2020 0 By Admin

ວັນທີ 21 ພຶດສະພາ ຜ່ານມາ, ໂຄງການແພນສາກົນປະຈໍາ ແຂວງບໍ່ແກ້ວ ໄດ້ມອບເຄື່ອງອຸປະກອນການແພດໃຫ້ຫ້ອງການສຶກສາທິການ ແລະ ກິລາ ເມືອງຫ້ວຍຊາຍ, ເພື່ອນໍາເອົາໄປແຈກຢາຍ ໃຫ້ 11 ໂຮງຮຽນເປົ້າຫມາຍຊ່ວຍ ເຫຼືອເພື່ອປ້ອງກັນ ແລະ ຄວບຄຸມການແຜ່ລະບາດຂອງພະຍາດໂຄວິດ 19 ເຄື່ອງຊ່ວຍເຫຼືອດັ່ງກ່າວປະກອບມີ ຜ້າອັດປາກ 22 ກັບ, ເຈວ ລ້າງມື 56 ປ໋ອງ, ເຄື່ອງວັດແທກອຸນນະພູມ 11 ອັນ, ສະບູ່ 66 ຈຸດ, ເຫຼົ້າ 90 (1000 ml) 56 ຕຸກ, ກ່ອງສະເປ 33 ຫນ່ວຍ, ລວມມູນຄ່າທັງຫມົດ 20 ລ້ານກວ່າກີບ

ມອບໂດຍ ທ່ານ ວິຊຽນ ຈັນທະມາລີ ຕາງຫນ້າ ໂຄງການແພນສາກົນປະຈໍາແຂວງບໍ່ແກ້ວ ຮັບໂດຍ ທ່ານ ສົມພັດ ຈັນທະວົງ ກໍາມະການພັກເມືອງ, ຫົວຫນ້າຫ້ອງການສຶກສາທິການ ແລະ ກິລາ ເມືອງຫ້ວຍຊາຍ ພ້ອມທັງສະແດງຄວາມຂອບໃຈຢ່າງລົ້ນເຫຼືອ ມາຍັງໂຄງການແພນ ທີ່ໄດ້ເຫັນຄວາມສໍາຄັນ ແລະ ຄວາມເປັນຫ່ວງເປັນໃຍຕໍ່ກັບພະນັກງານ ຄູ-ອາຈານ ແລະ ນ້ອງນັກຮຽນ.


ຂ່າວ: ບຸນຈັນ ບຸນປັນຍາ