ຊົມເຊີຍ! ປະຊາຊົນ ເມືອງມະຫາໄຊ ຮ່ວມແຮງສ້ອມແປງຂົວທີ່ເປ່ເພ ເພື່ອຄວາມສະດວກໃນການສັນຈອນ

ຊົມເຊີຍ! ປະຊາຊົນ ເມືອງມະຫາໄຊ ຮ່ວມແຮງສ້ອມແປງຂົວທີ່ເປ່ເພ ເພື່ອຄວາມສະດວກໃນການສັນຈອນ

21st May 2020 0 By Admin

ໃນວັນທີ 20 ພຶດສະພາ 2020 ທ່ານ ພິດສະໄໝ ກອງຊາເດດ ຫົວໜ້າພະແນກໂຍທາທິການ ແລະ ຂົນສົ່ງແຂວງຄຳມ່ວນ ແລະ ທ່ານ ບົວພັນ ແສງຈັນ ເຈົ້າເມືອງມະຫາໄຊ ໄດ້ລົງເຄື່ອນໄຫວຕິດຕາມການສ້ອມແປງຂົວຈຳນວນ 3 ແຫ່ງຄື: ຂົວຫ້ວຍສະໂທ, ຂົວນໍ້າອຸລາ ບ້ານໂພວາ ແລະ ຂົວນ້ຳປຽດ ບ້ານນາກະທ້າງ ເມືອງມະຫາໄຊ ທີ່ມີການເປ່ເພໃນໄລຍະທີ່ຜ່ານມາ.

ເຊິ່ງຂົວທັງ 3 ແຫ່ງແມ່ນໄດ້ຮັບການສ້ອມແປງໂດຍແຮງງານຂອງປະຊາຊົນ ໂດຍທາງພະແນກ ໂຍທາທິການ ແລະ ຂົນສົ່ງແຂວງ ບວກກັບຫ້ອງການໂຍທາທິການ ແລະ ຂົນສົ່ງເມືອງ ໄດ້ສະໜອງທາງດ້ານວັດຖຸອຸປະກອນເປັນຕົ້ນ: ໄມ້, ເຫຼັກຕະປູ ແລະ ອື່ນໆ ໃຫ້ແກ່ຊາວບ້ານເພື່ອນຳມາປ່ຽນແທນໄມ້ຂົວເກົ່າທີ່ເປ່ເພ ໃຫ້ມີສະພາບດີ ແລະ ນຳໃຊ້ໄດ້ປົກກະຕິ

*

ທັງນີ້ກໍ່ເພື່ອອຳນວຍຄວາມສະດວກໃນການຂົນສົ່ງສິນຄ້າ, ການແລກປ່ຽນຊື້-ຂາຍຜົນຜະລິດຂອງຊາວບ້ານ, ຜະລິດຕະພັນຂອງທ້ອງຖິ່ນ ລວມເຖິງການໄປມາຫາສູ່ ແລະ ການດຳລົງຊີວິດການເປັນຢູ່ຂອງພໍ່ແມ່ປະຊາຊົນໃຫ້ມີຄວາມສະດວກສະບາຍດີຂຶ້ນ.

ທີ່ມາ, Media Laos