ຄໍາມ່ວນ ນໍາພາສະມາຊິກຊາວໜຸ່ມ ຮ່ວມວາງກະຕ່າດອກໄມ້

ຄໍາມ່ວນ ນໍາພາສະມາຊິກຊາວໜຸ່ມ ຮ່ວມວາງກະຕ່າດອກໄມ້

21st May 2020 0 By Admin

ຄະນະບໍລິຫານງານຊາວໜຸ່ມແຂວງຄໍາມ່ວນ, ນໍາພາສະມາຊິກຊາວໜຸ່ມ ຮ່ວມວາງກະຕ່າດອກໄມ້
ເພື່ອເປັນການສະເຫຼີມສະຫຼອງ ວັນສ້າງຕັ້ງຄະນະຊາວໜຸ່ມ ປະຊາຊົນ ປະຕິວັດລາວ ຄົບຮອບ 65 ປີ (14/4/1955-14/4/2020) ໃນຕອນເຊົ້າຂອງວັນທີ 20 ພຶດສະພາ 2020 ນີ້,

ຄະນະບໍລິຫານງານຊາວໜຸ່ມແຂວງຄໍາມ່ວນ ພ້ອມດ້ວຍບັນດາສະຫາຍ ຄະນະປະຈໍາ ຄະນະບໍລິຫານງານຊາວໜຸ່ມແຂວງ ຕະຫຼອດພະນັກງານຫ້ອງການຊາວໜຸ່ມແຂວງ ຕະຫຼອດຮອດນ້ອງນ້ອຍເຍົາວະຊົນ ນໍາໂດຍ ສະຫາຍ ສາຍຄໍາ ພະໄຊສິດທິເດດ ເລຂາຄະນະບໍລິຫານງານຊາວໜຸ່ມແຂວງຄໍາມ່ວນ

ພ້ອມຄະນະ ໄດ້ເຂົ້າວາງກະຕ່າດອກໄມ້-ທູບທຽນ ຢູ່ທີ່ອະນຸສາວະລີ ປະທານ ໄກສອນ ພົມວິຫານ ແລະ ອະນຸສອນສະຖານ ປະທານ ສຸພານຸວົງ ເພື່ອລະນຶກເຖີງຄຸນງາມຄວາມດີ ທີ່ທ່ານໄດ້ສ້າງໄວ້ໃຫ້ກັບຄົນຮຸ້ນໜຸ່ມໄດ້ສືບທອດພາລະກິດປະຕິວັດ ແລະ ທັງເປັນບ່ອນສຶກສາອົບຮົມຊາວໜຸ່ມ-ເຍົາວະຊົນ, ເປັນບ່ອນສຶກສາຄົ້ນຄວ້າຮໍ່າຮຽນເອົາແບບຢ່າງຄຸນສົມບັດ ສິນທຳປະຕິວັດ ຂອງທ່ານຜູ້ນໍາຮຸ້ນກ່ອນ ທີ່ໄດ້ສ້າງໄວ້ໃຫ້ກັບຄົນຮຸ້ນຫຼັງ ເພື່ອເຮັດໜ້າທີ່ປະຕິວັດ ໃຫ້ສົມກຽດກັບ ປະທານ ໄກສອນ ໄດ້ຂະໜານນາມຊາວໜຸ່ມວ່າ:

.

”ຊາວໜຸ່ມຈົ່ງເປັນດັ່ງນົກອິນຊີທີ່ບໍ່ຫັ່ວນກົວຕໍ່ພາຍຸລົມແດງ ຈົ່ງເປັນສິນໄຊຂອງຍຸກສະໄໝພວກເຮົາ ຕະຫຼອດໄປ.
https://khammouanenews.com/ #ແຂວງຄໍາມ່ວນ