ຊົມເຊີຍ! ບໍລິສັດ ຈະເລີນເຊກອງ ພະລັງງານ ຈຳກັດ ມອບເງິນ 1,2 ຕື້ກີບ ໃຫ້ແຂວງຈຳປາສັກ

ຊົມເຊີຍ! ບໍລິສັດ ຈະເລີນເຊກອງ ພະລັງງານ ຈຳກັດ ມອບເງິນ 1,2 ຕື້ກີບ ໃຫ້ແຂວງຈຳປາສັກ

20th May 2020 0 By Admin

ວັນທີ 18 ພຶດສະພາ 2020 ນີ້, ທີ່ຫ້ອງວ່າການປົກຄອງ ແຂວງ ຈຳປາສັກ, ບໍລິສັດຈະເລີນເຊກອງ ພະລັງງານ ຈໍາກັດ ໄດ້ມອບເງິນ ຈໍານວນ 1.200.000.000 ກີບ ໃຫ້ແຂວງຈໍາປາສັກ ເພື່ອຊຸກຍູ້ ກອງປະຊຸມໃຫຍ່ ຄັ້ງທີ VIII ຂອງ ອົງຄະນະພັກແຂວງຈໍາປາສັກ, ມອບໂດຍ ທ່ານ ສົມສະໜິດ ສຸວັນ ນະລາດ ຮອງປະທານ ບໍລິສັດ ຈະ ເລີນເຊກອງ ພະລັງງານ ຈຳກັດ, ທ່ານ ສະໝານ ມີບຸນ ຜູ້ອຳນວຍ ຝ່າຍບໍລິຫານ ຫ້ອງການ ແລະບຸກ ຄະລາກອນ, ໃຫ້ກຽດກ່າວຮັບ ໂດຍ ທ່ານ ປອ ວິໄລວົງ ບຸດດາ ຄໍາ ເຈົ້າແຂວງໆຈໍາປາສັກ, ມີ ອະນຸກຳມະການກອງເລຂານຸ ການກອງປະຊຸມໃຫຍ່ ອົງຄະນະ ພັກແຂວງຈຳປາສັກ ຄັ້ງທີ VIII ເຂົ້າຮ່ວມ.

ໂອກາດດັ່ງກ່າວ ທ່ານເຈົ້າ ແຂວງໆຈໍາປາສັກ ໄດ້ກ່າວສະ ແດງຄວາມຂອບໃຈ ແລະ ຕີລາ ຄາສູງຕໍ່ບໍລິສັດທີ່ເຫັນໄດ້ຄວາມ ສຳຄັນຂອງການກະກຽມດຳ ເນີນກອງປະຊຸມໃຫຍ່ອົງຄະນະ ພັກແຂວງຄັ້ງນີ້ ເຊິ່ງການຊ່ວຍ ເຫຼືອດັ່ງກ່າວເປັນການປະກອບ ສ່ວນເຮັດໃຫ້ກອງປະຊຸມປະ ສົບຜົນສຳເລັດຕາມລະດັບຄາດ ໝາຍທີ່ວາງໄວ້, ນອກນີ້ຍັງໄດ້ ລາຍງານໃຫ້ຮູ້ເຖິງການສືບຕໍ່ດຳ ເນີນກອງປະຊຸມໃຫຍ່ຂອງຄະ ນະພັກຮາກຖານ ແລະ ບັນດາ ໜ່ວຍພັກທີ່ຍັງບໍ່ທັນໄດ້ດຳເນີນ ກອງປະຊຸມໃຫຍ່ໂດຍຈະໃຫ້ສຳ ເລັດໃນຕົ້ນເດືອນ 6 ປີ 2020; ສຳລັບກອງປະຊຸມໃຫຍ່ອົງຄະນະ ພັກແຂວງຈຳປາສັກ ຄັ້ງທີ VIII ແມ່ນໄດ້ມີການກະ ກຽມ, ຄາດວ່າ ຈະໄດ້ດຳເນີນໃນຕົ້ນເດືອນກັນ ຍາ ປີ 2020 ນີ້.

ໂດຍ: ທັດຊະນະ