ມອບ – ຮັບ ໜ້າທີ່ປະທານ ສະຫະພັນແມ່ຍິງແຂວງຄຳມ່ວນ ລະຫວ່າງຜູ້ເກົ່າ ແລະ ຜູ້ໃໝ່

ມອບ – ຮັບ ໜ້າທີ່ປະທານ ສະຫະພັນແມ່ຍິງແຂວງຄຳມ່ວນ ລະຫວ່າງຜູ້ເກົ່າ ແລະ ຜູ້ໃໝ່

20th May 2020 0 By Admin

ໃນວັນທີ 20 ພຶດສະພາ 2020 ຢູທີ່ຫ້ອງການສະຫະພັນແມ່ຍິງແຂວງຄຳມ່ວນ ໄດ້ຈັດພິທີ ມອບ – ຮັບໜ້າທີ່ປະທານສະຫະພັນແມ່ຍິງແຂວງຜູ້ເກົ່າ ແລະ ຜູ້ໃໝ່ ລະຫວ່າງ ທ່ານ ນາງ ບັງອອນ ໄຊຍະສິດ ປະທານສະຫະພັນແມ່ຍິງແຂວງ ( ຜູ້ເກົ່າ ) ແລະ ທ່ານ ນາງ ອາລີ ບົວຈູມ ປະທານສະຫະພັນແມ່ຍິງແຂວງ ( ຜູ້ໃໝ່ ).

ເປັນກຽດເຂົ້າຮ່ວມເປັນສັກຂີພິຍານໃນພິທີໂດຍ ທ່ານ ໂອໄດ ສຸດາພອນ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆ ຄຳມ່ວນ, ມີທ່ານປະທານແນວລາວສ້າງຊາດແຂວງ, ຕາງໜ້າຄະນະຈັດຕັ້ງແຂວງ, ອົງການຈັດຕັ້ງມະຫາຊົນ, ຕະຫລອດຮອດຄະນະບໍລິຫານງານສະຫະພັນແມ່ຍິງທີ່ກ່ຽວຂ້ອງເຂົ້າຮ່ວມ.

ໂດຍປະຕິບັດຕາມມະຕິຕົກລົງຂອງທ່ານເຈົ້າແຂວງໆ ຄຳມ່ວນ ວ່າດ້ວຍການຮັບຮອງເອົາຜົນການເລືອກຕັ້ງຄະນະບໍລິຫານງານສະຫະພັນແມ່ຍິງແຂວງຄຳມ່ວນສະໄໝທີ X .

ໃນໂອກາດນີ້ ທ່ານ ເຈົ້າແຂວງໆ ຄຳມ່ວນ ກໍ່ໄດ້ໂອ້ລົມ ແລະ ສະແດງຄວາມຍ້ອງຍໍຊົມເຊີຍຕໍ່ຄະນະສະຫະພັນແມ່ຍິງຊຸດເກົ່າທີ່ຍາດມາໄດ້ຜົນງານໃນຫລາຍໆ ດ້ານຄຽງຄູ່ກັນນັ້ນທ່ານຍັງໄດ້ຮຽກຮ້ອງມາຍັງຜູ້ທີ່ໄດ້ຮັບຕຳແໜ່ງໃໝ່ສືບຕໍ່ປະຕິບັດໜ້າທີ່ ແລະ ໜູນໃຊ້ຄວາມຮູ້ຄວາມສາມາດຂອງຕົນເຂົ້າໃນການປະຕິບັດໜ້າທີຢ່າງຈິງຈັງ – ຈິງໃຈ, ຄະນະ, ສະມາຊິກເອື້ອຍນ້ອງແມ່ຍິງທຸກສະຫາຍຕ້ອງ ສືບຕໍ່ຍົກສູງຄວາມສາມັກຄີໃຫ້ຖືສຳຄັນຄວາມຮັບຮູ້, ຄວາມເຂົ້າໃຈເຊີ່ງກັນ ແລະ ກັນ, ປະຕິບັດຫລັກການລວມສູນປະຊາທິປະໄຕ, ມີການແບ່ງວຽກ, ແບ່ງງານຢ່າງລະອຽດ, ເອົາໃຈໃສ່ຍົກສູງຄວາມຮູ້ – ຄວາມສາມາດຂອງຕົນໃຫ້ສູງ

ພ້ອມນັ້ນກໍ່ເອົາໃຈໃສ່ຕື່ມໃນການໃກ້ສິດຕິດແທດຊຸກຍູ້ເອື້ອຍນ້ອງແມ່ຍິງຂັ້ນລຸ່ມຕົນ, ຮາກຖານ, ບ້ານ, ດ້ານຂໍ້ສະດວກ, ຫຍຸ້ງຍາກ ເພື່ອລາຍງາຍຕໍ່ຂັ້ນເທິງຮັບຊາບ, ທັງນີ້ກໍ່ເພື່ອສ້າງໃຫ້ໄດ້ກຳລັງສຳຄັນເພື່ອພ້ອມພາກັນປະຕິບັດໜ້າທີການເມືອງໃຫ້ມີຜົນສຳເລັດສູງ.

ຈາກ: https://khammouanenews.com/ #ແຂວງຄຳມ່ວນ